DANIELI 9:25 - Sura Magali Nuntu Ngkatuwu

²⁵ Ukimo pai parindayamo inceʼi: Papitu ngkani papitu ntaʼu, da liumo, montepuʼu ungka ri tempo pampapesuwu songka da mangawangu muni Yerusale, rantani rata sambaʼa tadulako anu ndapilisi i mPue Ala. Sangkasae papitu ngkani ono mpuyu pai radua ntaʼu waʼa jaya pai waʼa bente Yerusale da ndawali wangu muni, paikanya tempo setu buke pai kapari.

DANIELI 9:25 Referans Kwoze

ESIRA 4:24

Tetala mpombangunaka Banua i mPue ndapeʼontoka rantani rata ri taʼu karadua poparenta i Datu Dariusi datu nto Parisia.

Yohanes 4:25

Natoʼo mbeʼa setu ri Yesu, “Kuincani Mokole Tadungkadago (anu ndatoʼo i Kerisitu) da rata. Ane ratamo Sira, pura-pura da ndatotorakaka.”

Yohanes 1:41

Ganggara napepali i Andaria kasangkomponya i Simo, natoʼoka siʼa, “Kami momberatamo pai i Mesia!” (Mesia siwia pai Kerisitu posokinya: Mokole Tadungkadago.)

Yesaya 55:4

Kamonco-monconya siʼa kupapewali topombawanaka pai tadulako ncurodado sabi ngkakuasaku tila waʼa banca.

Yesaya 9:6

Siʼa da moparenta ewa mokole muli i Daudi, da maʼai kabangke ngkuasanya. Tananya da maʼuono mpaliu pai dalindo raya; poparentanya da merontada ri Padika pai kayoa montepuʼu seʼi-seʼi rantani masae-sae. I Pue Anu Makuasa sangaya-ngaya da mangawianaka.

Mikha 5:2

Mewali, i Pue da mampapaliuka waʼa ntaua da nakuasai waʼa iwali ntau seʼe rantani rata ri tempo weʼa anu ndapakanoto da mewali ine ntau anu makuasa setu mampoana siʼa. Roo setu waʼa ntau anu kasambaʼa-mbaʼa bancanya anu njau ri kareʼe mpantawani da ndapasambaʼa-mbaʼa muni pai banca ntau seʼe.

DANIELI 9:23

Sindara siko montepuʼu mekakai ri Pue Ala, Sira mangawai sononya. Yaku seʼi da mamparata maka Sira mampotowe siko. Mewali, pedongekamo mpodago-dago sindara yaku mantotoraka posoki mpepatongawa setu.

DANIELI 8:25

Ua siʼa maria akalanya waʼa mpombambanya da moyowe. Siʼa da mampobangke-bangkeka koronya, pai ri kabareʼenya ndasoro-soro siʼa da maʼopisaka sondo tau. Sako Mokole Anu Makuasa nataha maewa. Paikanya siʼa da ndalesaki banya ua roso ntolino.

NEHEMIA 6:15

Pawali mpakoroka bente ngkota setu 52 eo kasaenya, nepa roo ri rua mpuyu pai alima eo mbuya Eluli.

NEHEMIA 4:8

Mogombo tau seʼe da maungku Yerusale da naka tewuraga kami.

NEHEMIA 3:1

Ewaseʼi katepodedenya pampakoroka bente ngkota Yerusale. I nTadu mPanyomba Bangke Eliyasi sangkani pai waʼa yununya mawali wangu Baa-Baa Bimba, mampataka waʼa damponya pai mampanyombaka anu ndapatani tila i mPue. Tau seʼe mampakoroka pai tetulabasi bente ndatotoka Menara Saatu nakarataka ri Menara Hananeeli

Pangkita 19:16

Ri jubanya pai ri paʼanya lau teʼuki toʼo seʼi, “Datu ri waʼa datu, pai Pue ri waʼa ntua.”

Pangkita 1:5

pai ungka ri Yesu Kerisitu sabi anu todo pai manoto. Siramo anu riu-riunya ndapatuwu muni ungka ri kapate, pai Siramo anu Makuasa ri wawo waʼa datu ri lino seʼi. I Yesu mampotowe kita, pai ua kapate-A Sira malapasakamo kita ungka ri waʼa ncalaata.

Palaong mPomakau i mPue Yesu 5:31

Ri Sira ndawaimo i mPue Ala lanti pai kuasa anu bangke da mewali Tadulako pai Toponcorepaka; ndawai tempo ri to Isaraeli da naka majea ungka ri kasalaanya pai da naparata kabareʼenya ndakitanaka waʼa salaa.

Palaong mPomakau i mPue Yesu 3:15

Komi anu mampepate Sira, ntanoka Siramo puʼu ngkatuwu ntau pura-pura. Pai i Pue Ala anu mampatuwu muni Sira ungka ri kapate. Kami ngkalio mami mancabi pewalinya setu.

Markus 13:14

“Komi da mangangkita ‘Kajaʼa anu Mampakagero’ mekakore ri kareʼe anu bareʼe maya napekakore. (Patiendo ri tau anu mabasa: Ndinawa-nawa nunjaa posokinya!) Ri tempo setu tau anu njau ri Yudea sangaya-ngaya da molonco ndeku ri buyu mongkodo.

Matius 24:15

“Da ndikitasi ‘Kajaʼa anu mampakagero,’ ewa anu natoʼo i Nabi Danieli, mekakore ri kareʼe anu magali. (Komi anu mabasa da ndipepewoloka posokinya!)

DANIELI 8:11

Naewa sako tadulako ncurodado ncuruga, napapeʼ onto pawianaka pawai panyomba saeo-saeo ndapanyombaka ri tadulako setu, pai maruasi banua mpanyomba ri siʼa.

Masmur 71:10

maka waʼa iwaliku mampau-mpau yaku, waʼa ntau anu da rayanya mampepate yaku mogombo.

ESIRA 7:8

Palai ntau seʼe ungka ri Babeli ri sambaʼa eo mbuya anu kaʼisa. Ua pantulungi i mPue rata tau seʼe ri Yerusale ri sambaʼa eo mbuya anu kaʼalima.

ESIRA 7:1

Motaʼu-taʼu kasaenya ungka njairia, ri tempo mpoparenta i Aritasata datu nto Parisia, reʼe sambaʼa tuama i Esira toʼonya, ungka ri muli nTadu mPanyomba Bangke Haruni. Ewaseʼi duruka anu mampomulika siʼa ndaimba waindeku: i Esira i Seraya i Asaria i Hilikia

2 Samuel 15:25

Nepa mompau i Mokole ri Sadoki, natoʼo, “Moruana papewalili Peti mPojanji setu ri kota. Maka ane ndapokapuru i mPue yaku, sangaya-ngaya da ndapasoaka yaku mewalili pai da kukitapa Peti mPojanji setu sangkani pai kareʼe mpearia.

Epesus 5:16

Da loʼe-loʼe komi mampake tempo anu reʼe, maka tempo wawaseʼi majaʼa.

Palaong mPomakau i mPue Yesu 8:30

Njoʼumo kojo i Pilipu, nadonge i mPilipu tau setu ntongo bahasa Sura i Yesaya. Napeoasi i mPilipu ri siʼa, “Bara ndirata ndaya anu ndibasa setu?”

Matius 13:23

Pai inii anu tudu ri tana maboko, inceʼemo waʼa ntau anu madonge nuntu setu pai narata ndaya. Maria anu napowuaka ntau seʼe, reʼe anu saatu, reʼe anu onompuyu, reʼe anu togompuyu ngkani kamaria mbuanya.”

NEHEMIA 4:2

Mompau siʼa ri suara waʼa yununya pai waʼa ncurodado nto Samaria, natoʼo, “Nunjaa anu ntongo nawianaka nto Yahudi tengo setu, pai bareʼe naincani raoa setu? Tau seʼe da mawali wangu muni kota seʼi? Nasarumaka ntau seʼe tetala setu bara da roo ri raya anu sandeme, podo ua ndapampanyombaka panyomba? Nasarumaka ntau seʼe amaa anu mobuyu-buyu sinjau bara da napapewali ntau seʼe watu bente?”

TOPOTUNTU 3:3

tempo da pampepate pai tempo da pampakaʼosa, tempo da parongkasi pai tempo da pawangu.

Mikha 5:1

Ndatoʼo i mPue, “Ee Beteleme Eparata, siko sambaʼa ungka ri oyo ngkota anu maʼai ngkakodinya ri Yahuda! Paikanya ungka ri siko da kupampapekakore sambaʼa tau anu makuasa tila Isaraeli anu potutua ngkatuwunya ungka ipiamo.”