DANIELI 9:18 - Sura Magali Nuntu Ngkatuwu

¹⁸ Ndipedongeka kami boo Pue Ala, ndipeolemo kami, pai ndipetiromo kapari ndaya mami sangkani pai kagero ngkota anu ndatoʼo pai toʼomi. Kami mekakai ri komi banya ua kadago mpowia mami, paikanya ua kakominya buke pai kapande ndaya.

DANIELI 9:18 Referans Kwoze

Yesaya 37:17

Pue ndipetiromo nunjaa anu ntongo mewali ri kami. Ndidongemo pura-pura pompetikodi i Saniheri ri Komi, Pue Ala Anu Tuwu.

Yeremia 36:7

Tuarapa ua padonge ntau seʼe inceʼe, da mekakai tau seʼe ri Pue, pai da majea ungka ri waʼa mpowia ntau seʼe anu majaʼa. Maka maʼai kojo karau ndaya i mPue ri tau seʼe.”

Yeremia 25:29

Da montepuʼu kulesaki ungka ri kotaku ngkalioku. Neʼe boi nasarumaka ntau seʼe, tau seʼe bareʼe da ndahuku. Tau seʼe sangaya-ngaya da ndahuku maka yaku anu mampareʼe poʼiwali ri pura-pura banca ri sambawo lino. Yaku Pue Anu Makuasa mantoʼomo pau seʼi.

2 RAJA-RAJA 19:16

Boo Pue ndipeolemo nunjaa anu ntongo mewali ri kami. Ndipedongeka Pue ewambeʼi pau pampetikodi i Saniheri komi, Pue Ala Pue Anu Tuwu!

YEHESIKIELI 36:32

Endomo, ee to Isaraeli pura-pura setu kuwianaka banya ua kakominya. Kamonconya komi sangaya-ngaya da maea pai da kodi koromi ua poʼengkomi. Yaku Pue Anu Ndate ri Peawanya mantoʼomo seʼi.’ ”

Yeremia 15:16

Komi mompau ri yaku, painaka kupedongeka pura-pura paumi. Yaku seʼi komi tumpunya, boo Pue Ala Anu Makuasa, inceʼe painaka waʼa mpaumi mampakawongko pai mampakalindo yaku.

Yeremia 14:7

Waʼa ntau-Ku meboo, ‘Pue, mau salaa mami anu mantuluri kami, paikanya ndipeolemo kami silulu pai janji-Mi. Papongkani-ngkanimo kapampalaika Komi; monco kojo kami salaamo ri Komi.

Yeremia 37:20

Seʼi-seʼi Mokole anu kutubunaka, mbolimo ndipokono mampedongeka perapiku seʼi. Neʼemo ndiwali mpakatu yaku ri tarunggu banua i Yonata setu, yaku damate njairia.”

Yeremia 14:9

Wenu painaka Komi jamo ewa tau anu dindingani; ewa pomakoje anu bareʼe nakoto mompelae? Paikanya, manoto kojo Komi reʼe ri oyo mami, Pue! Kami waʼa ntau-Mi neʼe Ndipalaika kami!”

Yesaya 64:6

Kami pura-pura paka tau karika, maka powia mami anu madago ntano teposari pai keʼonu. Kami da paya ua kajaʼa mami, ewa ira anu malele napoyokoka ngoyu.

1 RAJA-RAJA 8:29

Mbolimo komi da mangkariani Banua seʼi ri wengi pai ri eo anu ndapilisimo da kareʼe mpanyomba ri komi. Mbolimo ungka ri kareʼe mpoparentami ri suruga da ndipedongeka pai bareʼe ndikitanaka waʼa ncalaaku pai waʼa ntaumi ane kami manyomba pai mekakai ri komi ri Banua seʼi.

Posuwunya 3:7

Nepa ndatoʼo i mPue, “Kukitamo ewambeʼi kapari waʼa ntauku ri tana Masiri, pai kudongemo peboo ntau seʼe merapi katelapasaka ungka ri pale waʼa ntau anu majeani tau seʼe. Lawi kuincani pura-pura kaparinya naepe ntau seʼe.

Yesaya 64:12

Ndikitamo pura-pura setu, boo Pue manoto bareʼe da ndipapaliuka? Ara da ndipapaliukamo kami, da mangkoyo pari anu maʼai?

Masmur 116:1

Yaku mampomawo i Pue, maka Sira mampedongeka pebooku pai mampedongeka perapiku.

DANIELI 9:7

Boo Pue, powia-Mi sintinaja pai mayoa, paikanya kami bareʼe bali-bali mampareʼe ea mata ri koro mami, inceʼemo kami pura-pura anu meari ri Yudea, pai ri Yerusale pai pura-pura kami anu sambaʼa-mbaʼa banca anu ndiwuragamo ri suo-suo ntana anu lawa bara anu mosu ua tau seʼe bareʼe mepoʼinaya ri komi.

Pombilang 6:27

Pai ndatoʼo woʼu i mPue, “Ane natoʼo ntau seʼe toʼoku ndapopadoncoka to Isaraeli, yaku da mangadonco tau seʼe.”

Masmur 25:6

Ndiendomo dagomi pai towemi, boo Pue, anu ndipatongawamo ungka ri tepuʼunya.

Yesaya 43:7

Maka tau seʼe pura-pura roo ndapeboo pai toʼo-Ku, tau seʼe kupapewali da mangabangkei Yaku.”

YEHESIKIELI 36:22

Inceʼe painaka paratakamo nunjaa anu kutoʼoka bancaku Isaraeli, Yaku Pue Anu Ndate ri Peawanya, ‘Nunjaa anu da kupowia naini banya ua kakominya, ee waʼa nto Isaraeli, paikanya ua toʼoku anu magali, anu roo ndipakakarika ri mbeʼi-mbeʼi kanjoʼumi.