DANIELI 9:13 - Sura Magali Nuntu Ngkatuwu

¹³ Mpengaya-ngaya kapepa anu reʼe teʼuki ri raya Mpadika i Musa ndapapakoyokamo kami. Paikanya mau ewanceʼe, boo Pue Ala pue mami, ntongo bareʼepa kapokono da mampakawongko rayami. Kami bareʼekapokono mampalaika waʼa ncalaa mami pai bareʼe kapokono woʼu mamparindaya waʼa pompagurumi.

DANIELI 9:13 Referans Kwoze

DANIELI 9:11

Pura-pura to Isaraeli malewamo waʼa mpadikami pai bareʼe napokono mampedongeka oni ngangami. Kami masalaamo ri komi, inceʼe painaka ndipapakoyoka kami puloru anu teʼuki ri raya ncura i Musa, watuami setu.

Yeremia 2:30

Bereʼe yowenya komi kuhuku, maka komi bareʼe ndipokono mantarima peseko. Ewa singa anu ntongo mpamewu-mewu, ewanceʼemo ndipampepate waʼa nabimi.

Yesaya 9:13

Inceʼe painaka podo ri raya anu saeo i Pue mangahuku waʼa ntopombawanaka nto Isaraeli pai palilinya. Sira mangantomposi pai mantaji woʼo pai ikunya.

Hosea 7:10

Pobangke-bangke nto Isaraeli yosa pai tongawa pai mewali tanda ngkamonco kasala ntau seʼe. Paikanya mau ewanceʼemo pewalinya pura-pura setu, bareʼepa woʼu napepali ntau seʼe Yaku bara mewalili ri Yaku, Pue Ala pue ntau seʼe.

Yeremia 31:18

Kudonge waʼa nto Isaraeli mompau ri kapari ndaya, ‘Boo Pue, kami ewa pinatuwu anu bareʼepa ndapanaya, paikanya ndipatunde kami da medonge, pai seʼi kami tikalimo da mewalili ri Komi. Mewali, ndikeni mpewalilimo kami, boo Pue, Pue Ala pue mami.

Yeremia 5:3

Kamonconya anu ndapesingaraka i mPue inceʼemo katodo. I Pue mawombo komi, paikanya bareʼe ndiaya. Sira malesaki komi, paikanya bareʼe ndipokono ndapaguru. Komi mapeni woʼo, pai bareʼe majea ungka ri waʼa ncalaami.

Masmur 119:27

Nditulungi yaku da naka kurata ndaya padika, pompagurumi anu ndapojingki setu da naka kunawa-nawa.

AYUBI 36:13

Tau anu bereʼe puenya masina raya; mau ndahuku i mPue, bareʼe napokono ntau seʼe merapi tulungi.

Yakobus 1:5

Ane reʼe sambaʼa tau ri oyomi maepe kakura mpaincaninya, mbolimo naperapi ri Pue Ala, da ndapawaika siʼa kaloʼe ndaya, maka i Pue Ala pande mporaya, bareʼe da ndapepurungi da mawaika tau nunjaa anu naperapi.

Epesus 4:21

Ndidongemo kakononya Sira! Pai komi waʼa anaguru-A roomo woʼu ndapaguruka kono kamonco anu tongawa ri Sira!

Yohanes 10:35

Manoto tapaincani pura-pura anu ndatoʼo ri Sura Magali sangaya-ngaya da mewali. Mewali ane i Pue Ala mantoʼo, lamoa waʼa ntau anu mantarima nuntu-A,

Yohanes 8:32

Komi da mangaincani Pue Ala anu monco, pai inceʼemo puʼunya komi da ndasorepaka.”

Yohanes 6:45

Lau ndaʼuki ri sura waʼa nabi ewaseʼi, pura-pura tau da ndapaguru i mPue Ala. Mewali pura-pura tau anu mancabe madonge i Papa pai meguru ri Sira da jela ri Yaku.

Lukas 24:45

Ungka lairia ndaloka i Yesu nawa-nawa ntau seʼe da naka naratandaya bangani Ncura Magali.

Hosea 7:14

Tau seʼe bareʼe monco-monco kojo mekakai ri Yaku. Ane mekakai tau seʼe, tau seʼe medungkalaka ri kareʼe ngkayorenya, nepa mokukuou ewa powia waʼa ntau anu bareʼe meaya ri Yaku. Ane tau seʼe mekakai merapi gandu pai anggoro, nawelai ntau seʼe koronya ewa anu nawianaka waʼa ntau anu manyomba ri lamoa. Tau seʼe monco-monco kojo maewa Yaku!

Hosea 7:7

Ri raya mpesongke ngkajaʼa ndaya ntau seʼe napepate waʼa ntadulako ntau seʼe. Mombembetonda waʼa mokole ntau seʼe ndapepate. Paikanya mau ewanceʼemo kaʼai ngkajaʼa ngkatedikanakanya, bereʼe mau sambaʼa tau anu mekakai merapi tulungi ri Yaku.”

Ratapan 5:21

Boo Pue, ndikenimo kami mewalili ri Komi; kami da mewalili ri Komi! Ndiwali mpakadago muni katedikanaka mami ewa iʼowi.

Yeremia 44:27

Da kupari-pari da naka marugi komi pai bareʼe da madago katuwumi. Rantani mate komi pura-pura madago mate ri poʼiwali bara mate ua juʼa lele.

Yesaya 64:7

Bereʼe anu mekakai ri komi, bara anu merapi pompelaemi maka Komi bareʼe mampapamara liomi ri kami, pai mampapaliuka kami nagero waʼa ncalaa mami.

Yesaya 42:9

Seʼi-seʼi anu kuwatimo mepatonmgawamo; Yaku da mangantoʼo waʼa anu dawoʼu; ri kabareʼepanya tepewali, roomo Kutoʼoka siko.”

Masmur 119:73

Komimo anu mampapewali pai malaburu yaku, ndiwaimo paratandaya ri yaku da mampeguru waʼa ncongka-Mi.

Masmur 119:18

Ndipapenaa mataku naka yosa pangkitaku pompaguru anu bangke ri raya mpadika-Mi.

Masmur 85:4

Tau seʼe bareʼemo Komi ndipokarau; karau ndaya-Mi anu maʼai ndipaliu, ndipeʼontoka muni.

Ulang 29:4

Paikanya rantani rata ri sandeme seʼi bareʼepa ndirata ndaya nunjaa anu ndikitamo pai ndiepemo setu.

Yesaya 31:1

Marugimo tau anu njoʼu ri tana Masiri da merapi pompelae! Tau seʼe mampomaa-maaka roso ncurodado nto Masiri pai suradado anu monyara pai nyaranya anu makaliki pai karetanya anu sondo. Painaka bareʼemo naaya ntau seʼe i Pue, Pue Ala magali pue nto Isaraeli painaka bareʼemo merapi pompelae ri Sira.

2 RAJA-RAJA 22:16

pantoʼo i mPue “Yaku da mangahuku Yerusale pai pura-pura tau banganinya silulu pai anu ndaʼuki ri raya ncura anu ndarata setu, anu roo nabasa i mokole.

Yesaya 43:22

Ndatoʼo i mPue, “Paikanya siko Isaraeli, bareʼe meʼuru ri Yaku, pai bareʼemo manyomba ri Yaku.

Yesaya 64:6

Kami pura-pura paka tau karika, maka powia mami anu madago ntano teposari pai keʼonu. Kami da paya ua kajaʼa mami, ewa ira anu malele napoyokoka ngoyu.

Yeremia 30:14

Pura-pura tau anu ndipomawo mangkalinganimo komi; bareʼemo napokono ntau seʼe manawa-nawa komi. Ewa iwali da kupangaungkumo pai kupangahukumo komi ri kaparinya, ua kariamo ncalaami pai kabangkemo ncalami.

YEHESIKIELI 16:43

Yaku mangahuku siko maka siko bareʼemo nuendo ewambeʼi kupamporewu siko sindara siko ntongo mangurapa. Siko mangkelo-ngkelo karau ndaya-Ku paiwaʼa mpowia anu majaʼa setu. Wenu painaka waʼa mpowiamu anu karika setu nurangani woʼu pai posalara. Yaku Pue Anu Ndate ri Peawanya mantoʼomo seʼi.”