DANIELI 9:12 - Sura Magali Nuntu Ngkatuwu

¹² Komi mowia singkono pai anu roo ndijanji ri kami pai ri waʼa ntau anu makuasa ri kami. Yerusale roo ndihuku meruu ngkaneenya ungka ri waʼa ngkota mbeʼi ntano ri lino seʼi.

DANIELI 9:12 Referans Kwoze

YEHESIKIELI 5:9

Ua waʼa mpowiamu anu kupobanciika, waʼa ntau banganimu da kuhuku maʼai, inceʼe popahuku anu bareʼepa reʼe kupawianaka pai bemo da reʼe woʼu kupawianaka.

Ratapan 1:12

“Ee waʼa ntau anu moliu ri jaya, ndipeole pai ndipatomata! Ara da reʼemo pari ewa anu kaepe seʼi? Pai anu ndapapakoyoka i mPue ri yaku, ua karau ndaya anu maʼai kojo?

Yesaya 44:26

Yaku anu mampakaroso pompau mbatua-Ku, pai mawianaka rencana anu napatongawa mpomokau-Ku, Yaku mangantoʼo Yerusale da ndawali mpeari muni pai waʼa ngkota Yahudi da Kuwali baresi muni; waʼa awunya da Kuwali wangu.

Ratapan 2:17

I Pue mawianakamo popahukua anu ndadedewaka iʼowi pai ndapatiendoka kita. Kita ndalesaki bereʼe puru ndaya, iwali ndapapenangi. Sira mampakawongko raya ntau seʼe mangkita kapanangita.

Ratapan 2:13

Oo Yerusale Kota Sioni anu kupomawo, karuamu ewa tasi bangke. Nunjaa woʼu anu kukoto mantoʼo da mawai palindo ndaya? Maka bareʼepa reʼe anu maepa pari ewa siko. Monco kojo bereʼe anu da mangkoto mawali mpakadago siko.

AYUBI 12:17

Ndayali kaloʼe waʼa anu makuasa ri poparenta pai ri waʼa ntadulako ndapapewali tau anu ndapasinggiri.

Roma 15:8

Da ndiendomo, i Kerisitu roomo mamporiokoi to Yahudi mampatongawa ewambeʼi katodo i mPue Ala mangabangani waʼa mpojanji-A ri waʼa ntau piamota.

Lukas 21:22

Maka ri tempo setumo eo pampakanoto popahuku, ua ewanceʼe da mewalimo ewa anu ndaʼuki ri Sura Magali.

Markus 13:19

Ri waʼa eo anu ndapokaeka setu da reʼe sangaya kapari anu bareʼepa reʼe pewalinya, montepuʼu ungka ri pampapewali i mPue Ala lino rantani wawaseʼi, pai bareʼemo da reʼe woʼu pewalinya.

Matius 24:21

Ri waʼa eo setu da reʼe sangaya kapari anu maʼai ewa anu bareʼepa reʼe pewalinya ungka ri pampapewali lino rantani wawaseʼi, pai bareʼemo da reʼe woʼu pewalinya.

Matius 5:18

Kamonco-monconya kutoʼoka komi, sangkasae ntinuwu yangi pai lino, sako sambaʼa hurupu bara todi anu kodi mpodago ntano ri raya mpadika setu bareʼe da ndapalisi ane bareʼepa mewali pura-puranya setu!

Sakharia 1:8

kukita malaʼeka i mPue mampelamba sambaʼa nyara mawaa. Meʼonto sira ri sambaʼa rato ri oyo waʼa mpuʼu ngkaju mire. Ndapotataliku, njau bara tesangkuja nyara ntaninya mekakore, reʼe anu mawaa, anu abu-abu pai anu mabuya.

Sakharia 1:6

Mampoliu waʼa nabi watua-Ku setu, kuparata waʼa ncongka pai waʼa mpatiendo-Ku ri waʼa ntau piamomi. Paikanya bareʼe napedongeka ntau seʼe, inceʼe painaka sangaya-ngaya nakoyo ntau seʼe silinya. Nepa moncosoi tau seʼe pai mangaʼaku muni ka-Yakunya Pue Anu Makuasa, mangahukumo tau seʼe silulu pai kasala ntau seʼe, pai singkono pai Kupampakanoto.”

AMOSI 3:2

“Ungka ri pura-pura banca ri wawo lino seʼi, podo komi sambaʼa-mbaʼa banca anu kuincani pai anu kupetiro. Incetumo puʼunya painaka bangke salaami, painaka Yaku sangaya-ngaya da mangahuku komi.”

YOELI 2:2

Eo setu mawengi pai wani, buke gawu anu mampaka tekarumoʼu. Suradado ntupako da rata mangkapusi, da ewa limu anu tedindi ri wawo buyu mongkodo. Anu ewanceʼi potaʼanya bareʼepa reʼe pewalinya. Pai bareʼemo da reʼe pewalinya rantani masae-sae.

YEHESIKIELI 13:6

Waʼa mpepatongawa anu napau ntau seʼe podo mbamba, pai wati ntau seʼe podo lopu. Tau mangaku mangkeni nuntu ungka ri Yaku, ntanoka Yaku bareʼe mampokau tau seʼe. Ewambeʼi da napampomata-mata ntau seʼe powatinya da mewali?

Ratapan 4:6

Waʼa ntauku pura ndahuku meruu ngkapari painaka bangani Sodomo anu podo sampompida mata magonu ua pale mPue Ala banya ua powia ntolimo.

PATADA 8:16

Ua kadagoku, waʼa ntau bangke pai waʼa ngkabosenya moncongka mampapelinja kayoa.

Masmur 148:11

Undemo Sira, ee waʼa mokole pai waʼa banca, waʼa ntau bangke pai waʼa ntau makuasa;

Masmur 2:10

Mewali, da ndinawa-nawa ee waʼa mokole, pai da ndiepe ndaya, ee waʼa ntau makuasa ri lino!

1 RAJA-RAJA 3:9

Inceʼe painaka Pue da naka ndiwai kaku kaloʼe ndaya, maka inceʼe anu bangke yowenya ri pamparentaku waʼa ntau-Mi seʼi ri gori ngkamonconya da kupangkoto mampaposisala mbeʼi anu madago pai mbeʼi anu majaʼa. Ane bereʼe kaloʼe ndaya setu ewambeʼi da kupangkoto mamparenta taumi anu sondo seʼi?”

Yeremia 30:7

Eo ngkapari ratamo, eo anu bereʼe kasiwianya. Tila waʼa ntauku, inceʼemo eo ngkapari ndaya; paikanya tau seʼe da kusorepaka.”

Yeremia 32:23

Paikanya ri karata ntau seʼe ri tana seʼi, pai ri pampotundasi ntau seʼe tana seʼi, tau seʼe bareʼe mepoʼinaya ri waʼa ncongka-Mi, pai bareʼe tuwu silulu pai waʼa mpatadami. Pura-pura anu ndipesongkaka ri tau seʼe, bereʼe mau sangaya anu nawianaka ntau seʼe. Inceʼe painaka ndipapapereka tau seʼe waʼa ngkapari seʼi.

Yeremia 39:16

mantoʼoka i Ebe-Meleki to Sudani setu i Pue Anu Makuasa, Pue Ala nto Isaraeli, mantoʼo ewaseʼi. “Ewa anu kutoʼomo riunya, yaku da mampapapereka kota seʼi kapari, pai banya kadago. Siko da mangkita katepewalinya setu.

DANIELI 12:1

Malaeka anu mampake rengko ayapa lena setu mompau woʼu natoʼo, “Ri tempo setu da rata malaeka bangke i Mikaeli topongkariani bancamu. Ungka lairia da rata tempo ngkapari anu bereʼe kasiwianya ungka ri kareʼe waʼa banca. Paikanya pura-pura tau ungka ri bancamu anu toʼonya teʼuki ri sura mPue Ala ndasorepaka.

Sakharia 7:12

Napakapeni ntau seʼe rayanya painaka mapeni ewa watu. Maʼai karau ndayaku maka tau seʼe bareʼe malulu waʼa pompaguru anu roomo kuwaika tau seʼe mampoliu waʼa nabi anu riunya.

2 RAJA-RAJA 22:16

pantoʼo i mPue “Yaku da mangahuku Yerusale pai pura-pura tau banganinya silulu pai anu ndaʼuki ri raya ncura anu ndarata setu, anu roo nabasa i mokole.

Yesaya 43:28

waʼa ntadu mpanyombamu mampakakarikamo Banua-Ku. Inceʼe painaka Isaraeli Kupepombaika ndapetikodi, pai muli i Yako Kupapaliuka ndaʼopisaka.”