DANIELI 8:7 - Sura Magali Nuntu Ngkatuwu

⁷ Kupatomata mpodago napangarumpa bimba laki setu. Maʼai kojo kasengkenya painaka narumpa bimba laki setu liu mapuʼa tondunya anu radua setu. Bimba laki setu bereʼe rosonya meewa. Siʼa madungka ri tana nepa naija-ija, pai bereʼe mau sambaʼa tau anu mangkoto mampesangkai.

DANIELI 8:7 Referans Kwoze

DANIELI 11:11

Inceʼe painaka masengkemo datu ntana selata, painaka njoʼu siʼa ri kareʼe mpombetoto maewa datu ntana utara. Siʼa da naleʼo manangi surodado anu sondo anu nawawanaka datu ntana utara.

DANIELI 7:7

Sindara kupampeole inceʼe mesuwu woʼu pinatuwu anu kaʼaopo. Siʼa maʼai ngkaroso pai matarusu tengiri raya mangkita. Pai waʼa ngisinya anu mabose pai matarusu tengiri raya mangkita. Pai waʼa ngisinya anu mabose pai ewa kapani besi siʼa manganyangi pai mangangkoni sinokonya, nepa naija-ija waʼa yabinya. Mosisala pai pinatuwu anu riunya maka siʼa reʼe sampuyu tondunya.

Yosua 8:20

Meeli waʼa nto Ai anu meduduki setu, nakita meokotakamo rangasu sawi ri yangi. I Yosua woʼu pai waʼa ncurodadonya mangkita rangasu setu, inceʼe tandanya kota setu naleʼomo waʼa yununya anu ntaninya. Mewali, metorobaka i Yosua pai waʼa ncurodadonya mantomu pai malebatusaka waʼa nto Ai anu meduduki setu. Waʼa nto Isaraeli anu masuakimo kota Ai setu, maʼi woʼu mampelae i Yosua, painaka surodado nto Ai ndaporoupimo bareʼemo naleʼo molonco. Bereʼe mau sambaʼa tau anu maleʼo lapa, pura-pura napepate nto Isaraeli,

TADUMPANYOMBA 26:37

Komi da molonco rantani momberumpa pai yunumi, seʼi bereʼe anu maʼilawu. Maka bereʼe liu-liu rosomi da maewa iwalimi.

DANIELI 8:6

Mbula laki setu mantimosuki bimba laki anu kukita ri wingke ngkoronya setu, nepa merumpa gori ngkasengkenya.

DANIELI 8:8

Mbula laki setu kakobangke-bangke. Paikanya jabutu sawimo ri ungka ngkakuasanya, mapuʼamo tondunya anu bangke setu, nepa ri wakanya setu tuwu aopo tondu anu marate, sambaʼa-sambaʼa seʼe moara ntaninya.

DANIELI 8:10

Tondu setu kakomaʼai-ai kabangkenya rantani gana rosonya da mangaungku surodado ncuruga inceʼemo waʼa betuʼe, painaka reʼe bara tesangkuja ri oyonya napetasoka ri tana nepa naija-ijaki.

DANIELI 7:12

Waʼa mpinatuwu anu ntaninya puramo ndayali kuasanya, paikanya tau seʼe ntongo ndawaipa tempo da tuwu rata ri tempo anu ndapakanoto.