DANIELI 8:4 - Sura Magali Nuntu Ngkatuwu

⁴ Kukita bimba laki setu metondu-tondu ri kasoyoa, ri utara pai ri selata. Bereʼe mau sambaʼa pinatuwu anu mangkoto maewa siʼa bara anu lapa ungka ri kuasanya. Siʼa mowia gori mpepokononya pai mewali mobangke-bangke.

DANIELI 8:4 Referans Kwoze

DANIELI 11:16

Datu ntana utara setu da mowia gori mpepokononya, maka beliu-liu reʼe peewa mau sakodi. Siʼa woʼu da mampotundasi tana anu madolidi pai mangkuasai pura-pura.

DANIELI 11:36

Datu ntana utara da mowia gori mpepokono ndayanya. Ri pobangke-bangkenya da natoʼo kasiʼanya anu meruu ngkabangkenya pai lamoa mbeʼi ntano, sako pai Pue Ala Anu Nate ri Peawanya siʼapa anu meruu ngkabangke. Siʼa da nakoto mowia ewanceʼe rantani pura karau ndaya i mPue Ala. Maka nunjaa anu roo ndapakanoto i mPue Ala sangaya-ngaya da tewianaka riunya.

DANIELI 8:7

Kupatomata mpodago napangarumpa bimba laki setu. Maʼai kojo kasengkenya painaka narumpa bimba laki setu liu mapuʼa tondunya anu radua setu. Bimba laki setu bereʼe rosonya meewa. Siʼa madungka ri tana nepa naija-ija, pai bereʼe mau sambaʼa tau anu mangkoto mampesangkai.

Mikha 5:8

Isaraeli da manganangi waʼa iwalinya pai da mangagero tau seʼe pura-pura.

DANIELI 7:5

Pinatuwu anu karadua taʼanya ewa beruangi. Siʼa mekakore pai witinya radua, pai mantanjua togo mbenci wuku usu ri oyo ngisinya. Kudonge oni nganga mompau ri siʼa mantoʼo, “Iomo konimo sanganya maria-ria gori mpepokonomu!”

DANIELI 5:30

Ri wengi setu seʼe ndapepate i Belisasari datu nto Babeli setu.

DANIELI 5:19

Ewancetumo kabangkea painaka painaka waʼa ntau ungka ri mpengaya-ngaya banca, lemba, pai basa, kandende-ndende pai maeka ri sira. Ane da raya mampepate tau, ndapepate ewanceʼemo seʼe tau seʼe. Pai ane da rayaa mancorepaka sambaʼa tau, ndasorepaka tau setu. Sira anu mangabangkei pai mangangkodisi isema ntano malulu pepokonoa.

YEHESIKIELI 34:21

Komi manganangi-nangi pai mangantondu bimba anu majuʼa painaka tau seʼe teiri-iri ungka ri dompu bimba.

Masmur 50:22

Ndiparindayamo, komi anu mangkalingani i Pue Ala; ndisoro-soro boi Kugero komi, pai bereʼe anu da mancorepaka komi.

Masmur 7:2

Boo Pue Ala pueku, yaku metatondo ri komi; ndisorepaka pai ndilapasaka yaku ungka ri pale waʼa ntau anu maduduki yaku.

AYUBI 10:7

Kamonconya lawi ndiincani pai ndirata ndaya, yaku bareʼe masala, yaku monco. Ndiincani bereʼe mau sambaʼa tau anu mangkoto da malapasaka yaku ungka ri palemi.

Ulang 33:17

I Yusupu mampotumpu roso ewa sambaʼa bantengi, pai tondu benci, inceʼemo ri ncowunya to Manase pai mompuyu ncowunya to Eparai. Waʼa banca nasui ntondu, najujuli rantani rata ri tando lino.”

1 RAJA-RAJA 22:11

Reʼe sambaʼa nabi ri oyo ntau seʼe anu mampotoʼo i Sedekia ana i Kenaʼana, napowia tondu-tondu besi, natoʼo i Aha, “Inceʼimo anu da ndatoʼo i mPue, ‘Da ewanceʼi da ndipantondu-ntondu to Siria da ndipagero tau seʼe.’ ”

Masmur 44:5

Komimo Mokoleku pai Pue Ala pueku, anu mampapenangi waʼa ntau-Mi.