DANIELI 8:25 - Sura Magali Nuntu Ngkatuwu

²⁵ Ua siʼa maria akalanya waʼa mpombambanya da moyowe. Siʼa da mampobangke-bangkeka koronya, pai ri kabareʼenya ndasoro-soro siʼa da maʼopisaka sondo tau. Sako Mokole Anu Makuasa nataha maewa. Paikanya siʼa da ndalesaki banya ua roso ntolino.

DANIELI 8:25 Referans Kwoze

DANIELI 8:11

Naewa sako tadulako ncurodado ncuruga, napapeʼ onto pawianaka pawai panyomba saeo-saeo ndapanyombaka ri tadulako setu, pai maruasi banua mpanyomba ri siʼa.

Pangkita 17:14

Tau seʼe da moʼiwali maewa i Ana Bimba setu. Paikanya i Ana Bimba setu pai waʼa anagurunya anu todo anu roomo napeboo pai napilisi setu da manganangi waʼa datu setu, maka Siramo Pue nu waʼa mpue, pai Datu nu waʼa datu.”

AYUBI 34:20

Ri ntongo mbengi tau seʼe da mate ncoroba. I Pue Ala da mangahuku tau anu makuasa pai tau anu da magero; saru-saru gaga da ndapampepate tau maroso.

DANIELI 11:45

Pai siʼa mangabini woʼu kema ngkamokolenya ri oyo ntasi pai buyu kareʼe Banua i mPue. Paikanya ripurinya siʼa mate pai bereʼe mau sambaʼa tau anu da mampelae siʼa.”

DANIELI 7:26

Nepa waʼa ntopobotusi ncuruga da mogombo pai da mangayali kakuasanya pai da mangagero siʼa rantani masana.

DANIELI 7:8

Sindara yaku mampepeoleka waʼa ntondunya, tingkarasaka tuwu sambaʼa tondu anu ntaninya ri oyo waʼa ntondu setu. Tondu setu kodi-kodi paikanya nakoto mangaigi waʼa ntondu anu riunya painaka tatogo tondu setu marabu. Tondu anu kodi setu mampotumpu mata ewa mata ntolino pai nguju anu sondo paunya mobangke-bangke.

Ratapan 4:6

Waʼa ntauku pura ndahuku meruu ngkapari painaka bangani Sodomo anu podo sampompida mata magonu ua pale mPue Ala banya ua powia ntolimo.

Yeremia 48:26

Ndatoʼo i mPue, “Ndipowiamo Moabi naka yangu, maka siʼa mobangke-bangke ri Yaku. Siʼa da metaduli ri luanya, pai da napopogeleka ntau.

Palaong mPomakau i mPue Yesu 12:23

Ri tempo setu seʼe malaʼeka i mPue mantoposaka i Herode, maka siʼa bareʼemo mantubunaka i Pue Ala. Nakokoti ntolodo wayaa ngkomponya rantani mate.

Pangkita 19:16

Ri jubanya pai ri paʼanya lau teʼuki toʼo seʼi, “Datu ri waʼa datu, pai Pue ri waʼa ntua.”

2 Tesalonika 2:3

Paikanya mau bara ewambeʼi ntano, neʼe boi nalego-lego ntau komi. Maka ri kabareʼepanya rata ri eo setu, da reʼe riunya petondoni anu da mewali: Maria tau anu da mampesapuka peayanya, mampesapuka i Kerisitu; pai i Manusia Majaʼa anu tepakanoto da mewali bangani naraka, da mampetujuka koronya.

2 Tesalonika 2:8

nepa da tongawa i Manusia Majaʼa setu. Maka ane ratamo i Pue Yesu, Sira da mampepate i Manusia Majaʼa setu, ndatawuisi, nepa ndageroka pai sindi ngkilaya ngkarata-A.

DANIELI 9:25

Ukimo pai parindayamo inceʼi: Papitu ngkani papitu ntaʼu, da liumo, montepuʼu ungka ri tempo pampapesuwu songka da mangawangu muni Yerusale, rantani rata sambaʼa tadulako anu ndapilisi i mPue Ala. Sangkasae papitu ngkani ono mpuyu pai radua ntaʼu waʼa jaya pai waʼa bente Yerusale da ndawali wangu muni, paikanya tempo setu buke pai kapari.

DANIELI 11:12

Inceʼe painaka da mekiunde siʼa ua penanginya pai ua napangkoto mampepate iwalinya anu sondo, paikanya siʼa bareʼe da makuasa mpaliu.