DANIELI 8:23 - Sura Magali Nuntu Ngkatuwu

²³ Mosu ri da potando waʼa ngkamokole setu, ane sawimo ri puncunya kajaʼa, da meokomo sambaʼa mokole anu mapeni woʼo, pai loʼe metengosi.

DANIELI 8:23 Referans Kwoze

Pangkita 19:20

Paikanya pinatuwu setu ndasoko sangkani-ngkani pai nabi kambamba-mbamba anu roomo mampowia waʼa ntanda ngkuasa ri suara mpinatuwu. (Pai waʼa tanda ngkuasa setumo pinatuwu setu mambambasi waʼa ntau anu mampotumpu tanda mpinatuwu setu, pai waʼa ntau anu manyomba ri turuki mpinatuwu setu.) Nepa pinatuwu pai nabi kambamba-mbamba setu ndatajika tuwu-tuwu ri tasi apu anu mareka-reka pai belerangi.

1 Timotius 4:1

Yonto pantoʼo Inosa mPue Ala da rata temponya santila tau da meuranaka pai da mampesapuka i Kerisitu. Tau seʼe da medongemo ri waʼa inosa anu melinguni pai malulu waʼa pompaguru inosa majaʼa,

DANIELI 7:20

Da rayaku woʼu mangaincani kono tandunya anu sampuyu ri woʼonya pai kono tondu kodi anu mesuwu ri oyonya pai mangawuka tatogo tandu anu reʼemo riunya setu. Tondu kodi setu reʼe mata pai nguju anu mompau-pau ri pobangke-bangkenya. Siʼa meruu ndapampokaeka painaka waʼa ntondu anu ntaninya setu.

DANIELI 7:11

Sindara yaku maole-oleka inceʼe, ntongo kudongepa seʼe i tondu kodi setu mompau-pau ri pobangke-bangkenya. Roo setu pinatuwu anu kaʼaopo setu ndapepate, pai watangkoronya ndatendeka ri raya apu rantani pura mewali amaa.

DANIELI 7:8

Sindara yaku mampepeoleka waʼa ntondunya, tingkarasaka tuwu sambaʼa tondu anu ntaninya ri oyo waʼa ntondu setu. Tondu setu kodi-kodi paikanya nakoto mangaigi waʼa ntondu anu riunya painaka tatogo tondu setu marabu. Tondu anu kodi setu mampotumpu mata ewa mata ntolino pai nguju anu sondo paunya mobangke-bangke.

DANIELI 7:25

Siʼa da mompau ewa i Pue Ala Anu Ndate ri Peawanya pai mangajeani waʼa ntau i mPue ala. Siʼa da mompari-mpari mawalisaka waʼa mpadika pai waʼa eo bangke agama waʼa ntau i mPue Ala, pai tau seʼe da napapeʼuru ri raya anu tatogo ntaʼu santongo kasaenya.

DANIELI 8:25

Ua siʼa maria akalanya waʼa mpombambanya da moyowe. Siʼa da mampobangke-bangkeka koronya, pai ri kabareʼenya ndasoro-soro siʼa da maʼopisaka sondo tau. Sako Mokole Anu Makuasa nataha maewa. Paikanya siʼa da ndalesaki banya ua roso ntolino.

YEHESIKIELI 38:16

Nepa nuungku waʼa ntauku Isaraeli ewa lompiu mayoro lino. Ane ratamo temponya siko da kupakatu da mampotundasi tana-Ku. Ua powiaku anu mampoliu siko, ee Gogi, waʼa banca anu maincani isema Yaku, inceʼemo Pue Ala anu magali.

YEHESIKIELI 38:8

Bara sangkuja ntaʼupa siʼa da Kuparenta da mangaungku sambaʼa lemba pai waʼa ntau banganinya anu roo ndapasambaka muni ungka ri waʼa banca anu sondo anu da mampeari tana setu ri kaʼuononya. I Gogi da mampotundasi waʼa buyu Isaraeli anu masaemo kasoanya pai anu jamo awunya setu, paikanya seʼi-seʼi napearimo waʼa ntaunya ri kalindo ndaya.

DANIELI 11:24

Ri pokira-kiranya siʼa da mangaungku lemba anu malimbokori ri tempo waʼa ntau anu njau njairia tuwu ri kalindo ndayanya. Siʼa da mangawianaka anu bareʼepa reʼe napawianaka ntau piamonya. Nepa da natila-tilaka waʼa ntaunya aga-aga anu napamuru pai kakoreʼe anu naleʼo ri poʼiwali. Siʼa da mampowia akala da mangaungku waʼa ngkota anu reʼe bentenya, paikanya temponya da ronga pura.

DANIELI 11:21

Natoʼo woʼu malaʼeka setu, “Datu anu tondanya mamparenta tana utara, inceʼe sambaʼa tau anu baleparu, anu kamonconya bareʼe sintinaja da mewali datu. Paikanya siʼa da rata ri kabareʼenya ndasoro-soro, pai mangarampa potunda i datu ri poʼakalanya.

DANIELI 10:14

Yaku rata da mawaika siko parata ndaya kono nunjaa anu da mewali raneonya ri bancamu. Pepatongawa seʼi kono reme anu nepa da rata.”

Pomulanya 15:16

Kagananya aopo lapi mulimu, waʼa makumpumu da mewalili ireʼi, pai yaku bareʼepa da mangairi to Amori ri kabareʼe gana kaʼai ngkajaʼa ntau seʼe anu sintinaja da ndahukuka tau seʼe.”

1 Tesalonika 2:16

Pai tau seʼe woʼu masalempori kami da mampetumbu ri waʼa banca anu banya to Yahudi kono nuntu anu da mancorepaka waʼa banca setu. Powia nto Yahudi setu podo maranga-rangani salaanya da naka maʼai kabangkenya. Pai ri kapusanya tau seʼe mangkoyo karau ndaya i mPue Ala!

Matius 23:32

Ane ewanceʼe, ndipowia mpaliumo pai ndisumparakamo waʼa ncalaa anu roo natepuʼu waʼa ngkaimi mampowia!

Ulang 28:50

Tau seʼe masii pai bareʼe da reʼe puru ndayanya ri waʼa ntau tuʼa pai waʼa ananggodi.

Pombilang 24:24

Paikanya ungka ri Kiperi da rata santibura kapala mpoʼiwali, tau seʼe da mampapeʼuru Asuri pai Heberi, ri purinya tibura ngkapala mpoʼiwali setu seʼe da magero.

PATADA 1:6

Ane ewanceʼe da nakoto ntau seʼe marata ndaya waʼa uneki mpau anu lau tesambuni ri raya waʼa mpatada pai marata ndaya anu natoʼo waʼa ntau loʼe mokenta pai nunjaa anu napekune ntau seʼe.

DANIELI 8:22

Tondu aopo anu tuwu ri kapuʼamo ntondu anu kaʼisa, posokinya komokole Yunani da tebureka mewali aopo kamokole, paikanya bareʼemo reʼe mau sambaʼa ri oyonya anu da ewa karoso ngkamokole anu uyu-uyunya setu.

DANIELI 8:24

Siʼa da mewali maroso kojo, paikanya banya ua rosonya ngkalionya. Siʼa da mampareʼe kagero anu ndapokaeka pai nunjaa ntano anu napowia sangaya-ngaya da mewali. Siʼa da mangagero waʼa ntau anu maroso pai waʼa ntau mPue Ala.