DANIELI 8:21 - Sura Magali Nuntu Ngkatuwu

²¹ Mbula laki setu mantuju kamokole Yunani, pai tondu anu mojunjoa ri oyo matanya radua, inceʼemo kamokole anu kaʼisa.

DANIELI 8:21 Referans Kwoze

DANIELI 11:3

Ungka lairia da meoko sambaʼa mokole anu maroso. Siʼa da mangamparenta sambaʼa kamokole anu maʼai ngkabangke pai da mowia malulu pepokononya.

DANIELI 10:20

Nepa mesono siʼa natoʼo, “Bara nuincanimo nunjaa puʼunya painaka yaku maʼi madadu siko? Tinako ndayaa inceʼemo da mangantoʼoka siko nunjaa anu teʼuki ri raya Ncura ngKamonco. Seʼi-seʼi yaku sangaya-ngaya da mewalili moʼiwali mangaewa malaʼeka anu mangkariani Parasia. Roo setu malaʼeka anu mangkariani Yunani da rata. Bereʼe anu da mampelae yaku waʼanyamo podo i Mikaeli, malaʼeka anu mangkariani Isaraeli, negaramu.

DANIELI 8:20

Bimba laki anu nukita setu, anu mampotumpu tondu radua, inceʼe mantuju kamokole Media pai Perisia.

DANIELI 8:22

Tondu aopo anu tuwu ri kapuʼamo ntondu anu kaʼisa, posokinya komokole Yunani da tebureka mewali aopo kamokole, paikanya bareʼemo reʼe mau sambaʼa ri oyonya anu da ewa karoso ngkamokole anu uyu-uyunya setu.

DANIELI 2:39

Paikanya butu motandomo kadatumi, da meumba kamokole ntaninya anu banyamo ewa kabangke ngkamokolemi. Nepa da mebete kamokole anu katatogo anu ewa napatongawa santila ri koro nturuki anu podo tambaga setu, anu da mangkuasai sambawo lino.

DANIELI 7:6

Ntongo kumangaole-oleka inceʼe, mesuwumo pinatuwu anu ntaninya. Taʼanya ewa Harimau loba, paikanya ri wutongonya njau aopo pani ntonci, pai siʼa aopo woʼonya. Tongawa siʼa reʼe kuasanya.

Sakharia 9:13

Yahuda da kupake ewa pomakoje, pai Isaraeli ewa mata mpana anu jamo da ndapepanaka. Bangani Siono da kupake ewa penai; pai penai setu da kuungku waʼa nto Yunani.”