DANIELI 8:19 - Sura Magali Nuntu Ngkatuwu

¹⁹ “Yaku da mangantoʼoka siko nunjaa anu da mewali ri purinya ua karau ndaya i mPue Ala. Maka pepatongawa anu nukita setu inceʼe mantuju kapusa lino.

DANIELI 8:19 Referans Kwoze

HABAKU 2:3

Ukimo incetu, maka seʼi-seʼi banyapa temponya. Paikanya tempo setu da ratamo maliga-liga, pai nunjaa anu Kupatongawaka siko manoto da tepewali. Mau ndakita ewa da masaepa, paikanya popeamo! Tempo setu manoto da rata pai bareʼemo da teencu.

Pangkita 17:17

Maka i Pue Ala maʼiowaka tau seʼe da mawianaka tangara mPue Ala. I Pue Ala mampakasintuwu raya ntau seʼe da mampepombaika kuasa ntau seʼe ri pinatuwu setu, da naka pinatuwu setu anu moparenta rantani tepewali nunjaa anu ndatoʼo i mPue Ala.

DANIELI 11:27

Roo setu datu radua setu da mancuara sambaʼa meja mangkoni sangkani-ngkani, paikanya majaʼa tinako ndaya ntau seʼe, pai tau seʼe da mombembambasi. Paikanya tangara ndaya ntau seʼe bareʼe mewali maka bareʼepa rata temponya.

Pangkita 15:1

Nepa kukita woʼu sangaya petondoni anu ntaninya ri yangi, bangke pai ndapojingki. Reʼe papitu malaʼeka pai papitu kapari anu kapusanya; maka ri nceʼemo potando mpangantuju i mPue Ala karau ndaya-A.

Pangkita 11:18

Tau anu bareʼe mangaincani i Pue Ala da meewa, paikanya ratamo temponya Komi da mantuju karau ndaya-Mi. Pai ratamo woʼu temponya Komi da mabotusi huku tila waʼa ntau mate. Iseʼimo temponya da pawai saro ri waʼa mpomokau-Mi waʼa nabi pai pura pura tau-Mi, inceʼemo waʼa ntau anu manyomba ri Komi, bangke kodi ntano. Iseʼimo temponya dandagero waʼa ntau seʼe anu magero lino.”

Pangkita 10:7

Paikanya butu natawuisi malaʼeka anu kapapitu surupetanya, i Pue Ala da mawianakamo pepokono-A anu ntongo rahasia, ewa anu roomo ndatoʼoka waʼa mpomokau-A inceʼemo waʼa nabi.”

Pangkita 1:1

Bangani ncura seʼi inceʼemo kakononya nunjaa anu ndapatongawa i Yesu Kerisitu kakononya anu nepa da mewali. I Pue Ala mantoʼoka i Kerisitu da naka ndapatongawaka ri waʼa mbatua i mPue Ala kono nunjaa anu da ronga mewali. I Kerisitu mampokau malaʼekaa rata ri watua-A i Yohane da mantoʼoka siʼa waʼa anu da mewali setu.

DANIELI 8:23

Mosu ri da potando waʼa ngkamokole setu, ane sawimo ri puncunya kajaʼa, da meokomo sambaʼa mokole anu mapeni woʼo, pai loʼe metengosi.

Lukas 21:23

Ara maparisa da naepe waʼa mbeʼa anu manee koronya ri tempo setu, pai waʼa ine anu ntongo mampasusu ongaanya. Da maʼai kaparinya ri tana seʼi, waʼa ntau da ndahuku i mPue Ala.

Masmur 102:13

Paikanya komi, boo Pue, Mokole rantani masae-sae, bareʼe ndakalingani popalapi-lapi tau.

DANIELI 12:4

Nepa natoʼo woʼu malaeka setu ri yaku, “Danieli, seʼi-seʼi dampomo sura setu, pai patakamo segeli, da naka tedampo mpaliu rantani rata ri kapusa lino. Maria tau anu da mampebutuka mamparesa nunjaa anu ntongo tepewali. Paikanya pompari-mpari ntau seʼe setu podo da ngkabongo.”