DANIELI 8:17 - Sura Magali Nuntu Ngkatuwu

¹⁷ Nepa mekakore i Jabaraeli ri suaraku mantimosuki yaku. Nakeni ngkaʼai ngkaeka ndayaku madungka yaku. Natoʼo i Jabaraeli ri yaku, “Tolino anu podo awu ntana, siko sangaya-ngaya da mangaincani kono pepatongawa setu inceʼe kono kapusa lino.”

DANIELI 8:17 Referans Kwoze

DANIELI 8:19

“Yaku da mangantoʼoka siko nunjaa anu da mewali ri purinya ua karau ndaya i mPue Ala. Maka pepatongawa anu nukita setu inceʼe mantuju kapusa lino.

DANIELI 12:4

Nepa natoʼo woʼu malaeka setu ri yaku, “Danieli, seʼi-seʼi dampomo sura setu, pai patakamo segeli, da naka tedampo mpaliu rantani rata ri kapusa lino. Maria tau anu da mampebutuka mamparesa nunjaa anu ntongo tepewali. Paikanya pompari-mpari ntau seʼe setu podo da ngkabongo.”

Pangkita 1:17

Ri pangkitaku Sira, madungka yaku manyomba ri witia, ewa tau anu matemo yaku. Paikanya ndalaenaka pale-a mokana ri wawoku, nepa ndatoʼo, “Neʼe maeka! Yakumo seʼi anu kaʼisa pai anu kapusanya.

HABAKU 2:3

Ukimo incetu, maka seʼi-seʼi banyapa temponya. Paikanya tempo setu da ratamo maliga-liga, pai nunjaa anu Kupatongawaka siko manoto da tepewali. Mau ndakita ewa da masaepa, paikanya popeamo! Tempo setu manoto da rata pai bareʼemo da teencu.

DANIELI 12:13

Siko Danieli, katodomo rantani rata ri kapusanya. Siko da mate, paikanya da membangu da mantarima saromu ri kapusa lino.”

DANIELI 11:40

Ane mosumo tempo ngkapusa ngkakuasa datu ntana utara, datu ntana selata da mangaungku siʼa. Nepa i datu ntana setu da mampesawaki popaungku setu ri gori ngkaʼainya. Siʼa da mangkeni kareta mpoʼiwali anu sondo, nyara pai kapala. Da mopaungku ewa porumuku ue mowo, pai da mampotundasi maria negara.

Pangkita 22:8

Yaku, i Yohane anu madonge pai mangkitamo pura-puranya seʼi. Ri karoonya kudonge pai kukita, mombukotu yaku metutu ri suara malaʼeka anu roo mantujuka yaku pura-puranya setu, da kumanyomba ri siʼa,

Matius 17:8

Butu membangu tau seʼe nakita bareʼemo reʼe tau ntaninya, jamo i Yesu ngkalio-A.

DANIELI 10:16

Ungka lairia malaʼeka anu ewa taʼa ntolino setu malaenaka palenya nepa naisu wiwiku. Mompau yaku ri siʼa kutoʼo, “Pue, pepatongawa seʼi mampaka pari rayaku painaka bereʼe liu-liu rosoku.

DANIELI 10:11

Natoʼo malaʼeka setu ri yaku, “Danieli, siko ndapotowe i mPue Ala. Pembangumo pekakore nepa nupedongeka mpodago waʼa mpauku seʼi. Yaku ndapokau maʼi ri siko.” Sindara pompaunya ewanceʼe, mekakoremo yaku kandende-ndende.

DANIELI 9:27

Mokole setu da mampareʼe pojanji pai tau anu sondo ri raya anu papitu ntaʼu. Ri parantongo tempo setu, siʼa da mangampapeʼonto pawianaka pawai panyomba pai panyomba. Ungka lairia sangaya anu ndatoʼo jaʼa anu da mangagero da ndadika ri Banua i mPue pai da njau mpaliu njairia rantani siʼa anu mangadika njairia napere ngkagero anu ndapakanotomo i mPue Ala da tilanya.”

DANIELI 9:23

Sindara siko montepuʼu mekakai ri Pue Ala, Sira mangawai sononya. Yaku seʼi da mamparata maka Sira mampotowe siko. Mewali, pedongekamo mpodago-dago sindara yaku mantotoraka posoki mpepatongawa setu.

DANIELI 8:15

Sindara ntongo kupari-pari manawa-nawa da kuparata ndaya posoki mpepatongawa setu, tingkarasaka mekakore ri suaraku sangaya anu ewa tolino.

DANIELI 2:46

Ungka lairia mombukotumo i Datu Nebukanesa ri suara i Danieli, pai mawai songka da naka i Danieli ndatubunaka pai ri siʼa da ndapanyombaka panyomba anu da ndaʼombasi pai waʼa mpanyomba anu ntaninya.

YEHESIKIELI 6:2

“Ee tolino anu podo awu ntana, peolemo waʼa buyu ri Isaraeli, pai paratamo pauku kono popahuku tila ntau seʼe.

Pomulanya 17:3

Painaka mombukotu metutu manyomba i Burahima, nepa ndatoʼo i mPue Ala,

YEHESIKIELI 44:4

Ungka lairia tuama setu mampoyunu yaku njoʼu ri baa-baa tondo utara anu mombesuara pai Banua i mPue, kupatomata mpodago, nepa kukita Banua i mPue setu nakulamuti rara anu makilaya anu mampatongawa kanjau i mPue. Nepa medungkalaka yaku mombukotu manyomba,

DANIELI 7:16

Nepa kutimosuki sambaʼa tau anu mekakore njairia pai kumerapi totoraka kono pura-pura setu, inceʼe painaka natoʼoka yaku.

DANIELI 8:27

Ungka lairia kuepe malente wukuku painaka majuʼa yaku bara sangkuja ndeme kasaenya. Roo setu nepa membangu yaku mawianaka tetala anu ndapepombaika i datu ri yaku. Paikanya mapari rayaku manawa-nawa waʼa mpepatongawa setu pai bareʼe kukota marata ndaya.

YEHESIKIELI 2:1

“Ee tolino anu podo awu ntana, pekakoremo. Yaku da mompau pai siko.”

DANIELI 11:27

Roo setu datu radua setu da mancuara sambaʼa meja mangkoni sangkani-ngkani, paikanya majaʼa tinako ndaya ntau seʼe, pai tau seʼe da mombembambasi. Paikanya tangara ndaya ntau seʼe bareʼe mewali maka bareʼepa rata temponya.