DANIELI 8:15 - Sura Magali Nuntu Ngkatuwu

¹⁵ Sindara ntongo kupari-pari manawa-nawa da kuparata ndaya posoki mpepatongawa setu, tingkarasaka mekakore ri suaraku sangaya anu ewa tolino.

DANIELI 8:15 Referans Kwoze

DANIELI 10:16

Ungka lairia malaʼeka anu ewa taʼa ntolino setu malaenaka palenya nepa naisu wiwiku. Mompau yaku ri siʼa kutoʼo, “Pue, pepatongawa seʼi mampaka pari rayaku painaka bereʼe liu-liu rosoku.

Pangkita 1:13

Ri tongo-tongo potunda ncilo setu mekakore tau sambaʼa pangkitaku ewa sambaʼa tolino. Siʼa mamporengko juba anu marate tudu-tudu ri todunya. Tau setu mampataka ompo dada wuyawa.

DANIELI 10:18

Inceʼe painaka naisu woʼu yaku, nepa kuepe terangani rosoku.

Pangkita 13:18

Anu moyowe ireʼi inceʼemo kaloʼe, isema anu loʼe, nakoto maimba posoki angka mpinatuwu setu, maka angka setu inceʼemo toʼo ncambaʼa tau, pai angka setu inceʼemo onoatu onompuyu pai aono (666).

Markus 13:14

“Komi da mangangkita ‘Kajaʼa anu Mampakagero’ mekakore ri kareʼe anu bareʼe maya napekakore. (Patiendo ri tau anu mabasa: Ndinawa-nawa nunjaa posokinya!) Ri tempo setu tau anu njau ri Yudea sangaya-ngaya da molonco ndeku ri buyu mongkodo.

Markus 4:12

da naka, ‘Mau napeole ntau seʼe, paikanya bareʼe da nakita, da napedongeka mpaliu, paikanya bareʼe narata ndaya ntau seʼe, inceʼi mewali da naka neʼe nakita pai narata ndaya ntau seʼe. Pai neʼe jela ri Pue Ala painaka bareʼe da ndakitanaka salaanya.’ ”

Matius 24:30

Roo setu da tongawamo petondoni i Ana Manusia ri yangi. Pura-pura tau ri lino da motumangi. Da nakita ntau seʼe i Ana Manusia maʼi ri wawo limu ri kakuasa pai ri peawa anu bangke.

Matius 24:15

“Da ndikitasi ‘Kajaʼa anu mampakagero,’ ewa anu natoʼo i Nabi Danieli, mekakore ri kareʼe anu magali. (Komi anu mabasa da ndipepewoloka posokinya!)

Matius 13:36

Ungka lairia ndapalaika i Yesu waʼa ntau sondo setu mesua Sira ri raya banua. Butu tepalaimo waʼa ntau sondo setu, maʼimo anaguru-A madadu Sira natoʼo, “Nditotorakaka kami nunjaa posokinya nuntu mporapa lee ri oyo gandu setu.”

DANIELI 12:8

Pura-pura anu natoʼo setu lawi paka kudonge, paikanya bareʼe kurata ndaya. Nepa kumeoasi kutoʼo, “Pue, ewambeʼi da potandonya pura-pura setu?”

DANIELI 10:5

Metingara yaku nepa kukita sambaʼa tau anu morengko lena pai mosoʼo ntongo wuyawa anu malino.

DANIELI 7:28

Ewanceʼemo anu kuparata seʼi. Maʼai kojo kapari ndayaku, painaka memisa kojo lioku, paikanya bereʼe mau sambaʼa tau anu kutoʼoka pura-pura setu.

DANIELI 7:13

Ri raya mpepatongawa anu kukita ri wengi setu, kukita sangaya anu ewa tolino. Siʼa rata nakulamuti limu nepa njoʼu ri sira anu tuwu bereʼe kapusanya setu pai ndapapombeincani pai Sira.

Yesaya 9:6

Siʼa da moparenta ewa mokole muli i Daudi, da maʼai kabangke ngkuasanya. Tananya da maʼuono mpaliu pai dalindo raya; poparentanya da merontada ri Padika pai kayoa montepuʼu seʼi-seʼi rantani masae-sae. I Pue Anu Makuasa sangaya-ngaya da mangawianaka.

Yosua 5:14

Mesono tau setu, “Banya yunu, pai banya woʼu iwali.” “Yaku rata ireʼi ewa tadulako ncurodado i mPue.” Padonge i Yosua pompaunya ewanceʼe, liu-liu mombukotu manyomba siʼa ri tau setu, nepa natoʼo, “Yaku seʼi watuami pue. Nunjaa anu da kukoto mampowiaka komi pue?”

DANIELI 8:1

Ri taʼu katatogo poparenta i Datu Belisasari yaku mangarata pepatongawa anu karadua.

DANIELI 8:19

“Yaku da mangantoʼoka siko nunjaa anu da mewali ri purinya ua karau ndaya i mPue Ala. Maka pepatongawa anu nukita setu inceʼe mantuju kapusa lino.

Sakharia 1:9

Meoasi yaku ri sira kutoʼo, “Pue, nunjaa posokinya pura-pura nyara seʼi?” Mesono sira ndatoʼo, “Nepa kutujuka siko posokinya.