DANIELI 8:12 - Sura Magali Nuntu Ngkatuwu

¹² Inceʼe painaka waʼa ntau njairia montepuʼu mowia salaa pai bareʼemo mampanyombaka waʼa mpanyomba anu roo ndapakanoto setu. Panyomba anu monco ndanawumo ri tana. Reʼe wuanya pura-pura waʼa anu nawianaka ntondu setu.

DANIELI 8:12 Referans Kwoze

Yeremia 12:1

“Ane yaku maore kara-karaku ri suarami, boo Pue, sangaya-ngaya da tongawa kakominya anu monco. Paikanya da rayaku mampeoasi ri komi kono kasintimba: Wenu painaka tau majaʼa gana-gana katuwunya? Wenu painaka tau anu bareʼe mayoa inceʼe anu morasi?

Yesaya 59:14

Padika anu monco roomo ndawawence pai kamonco ndapakalawa. Kayoa ndaya ndapesaru-saru ri suara ntau sondo, pai kanoto ndaya bareʼe ndaaya.

Pangkita 13:7

Pai ndawai tempo ri siʼa da mampoʼiwalika waʼa ntau magali pai da manangi tau seʼe, pai ri siʼa ndawai kuasa ri pura-pura lemba, waʼa ntau ri pura-pura basa pai banca.

DANIELI 11:28

Ungka lairia datu ntana utara da mewalili ri tananya mangkeni waʼa aga-aga anu naleʼo mampanuru. Siʼa mompari-mpari da mangagero agama anu nakekeni waʼa ntau i mPue Ala. Siʼa da mowia malulu pepokononya nepa da mewalili ri tananya ngkalionya.

DANIELI 8:4

Kukita bimba laki setu metondu-tondu ri kasoyoa, ri utara pai ri selata. Bereʼe mau sambaʼa pinatuwu anu mangkoto maewa siʼa bara anu lapa ungka ri kuasanya. Siʼa mowia gori mpepokononya pai mewali mobangke-bangke.

Masmur 119:142

Kayoami bareʼe bali rantani masae-sae, pai padikami manoto monco.

Masmur 119:43

Nditulungi yaku da naka neʼe bali-bali mangantoʼo anu monco, maka yaku mancarumaka pepokono-Mi.

AYUBI 12:6

Paikanya katuwu ntopojampa bereʼe anu maekasi; tau anu maewa i Pue Ala madago katuwunya. Ntanoka lamoa anu nasarumaka ntau seʼe, podo roso ntau seʼe ngkalionya.

1 Samuel 23:9

Paikanya naepe ndayamo i Daudi, kareʼenya tinako ndaya i Saulu da mampepate siʼa. Inceʼe painaka natoʼoka i tadu mpanyomba Abiyata, “Keni kaku maʼi epo setu.”

Masmur 28:5

Tau seʼe bareʼe mantubunaka powia i mPue, pai waʼa anu ndapowia. Inceʼe painaka Sira da mangahuku tau seʼe pai da mangagero tau seʼe rantani msae-sae.

DANIELI 7:21

Butu kupatomata mpodago, kukita tondu setu moʼiwali mangaewa waʼa ntau i mPue Ala pai manganangi tau seʼe.