DANIELI 8:10 - Sura Magali Nuntu Ngkatuwu

¹⁰ Tondu setu kakomaʼai-ai kabangkenya rantani gana rosonya da mangaungku surodado ncuruga inceʼemo waʼa betuʼe, painaka reʼe bara tesangkuja ri oyonya napetasoka ri tana nepa naija-ijaki.

DANIELI 8:10 Referans Kwoze

Pangkita 12:4

Pai ikunya manoʼo sampotila tatogo waʼa betuʼe ri yangi nepa napetasoka ri wawo lino. Naga setu mekakore ri suara mbeʼa anu da moana setu, mantundani da poananya, liu-liu da naomo ananggodi setu.

Yesaya 14:13

Siko mantunggai da mepone ri yangi paiu da mampotunda gadera mpoparentamu ri wawo betuʼe anu ndateka! Nusarumaka da nuleʼo motunda mewali mokole ri wawo buyu tondo utara kareʼe waʼa lamoa mompasambaka.

DANIELI 8:7

Kupatomata mpodago napangarumpa bimba laki setu. Maʼai kojo kasengkenya painaka narumpa bimba laki setu liu mapuʼa tondunya anu radua setu. Bimba laki setu bereʼe rosonya meewa. Siʼa madungka ri tana nepa naija-ija, pai bereʼe mau sambaʼa tau anu mangkoto mampesangkai.

DANIELI 7:7

Sindara kupampeole inceʼe mesuwu woʼu pinatuwu anu kaʼaopo. Siʼa maʼai ngkaroso pai matarusu tengiri raya mangkita. Pai waʼa ngisinya anu mabose pai matarusu tengiri raya mangkita. Pai waʼa ngisinya anu mabose pai ewa kapani besi siʼa manganyangi pai mangangkoni sinokonya, nepa naija-ija waʼa yabinya. Mosisala pai pinatuwu anu riunya maka siʼa reʼe sampuyu tondunya.

DANIELI 11:28

Ungka lairia datu ntana utara da mewalili ri tananya mangkeni waʼa aga-aga anu naleʼo mampanuru. Siʼa mompari-mpari da mangagero agama anu nakekeni waʼa ntau i mPue Ala. Siʼa da mowia malulu pepokononya nepa da mewalili ri tananya ngkalionya.

DANIELI 11:30

Maka waʼa nto Roma pai waʼa ngkapalanya da rata ungka ri Siperu da mangaungku siʼa, painaka merata eka ndayanya. Painaka mewalili siʼa ri kasengke ndayanya pai napari-pari da mangagero agama waʼa ntau i mPue Ala. Siʼa mampedongeka totoraka waʼa ntau anu mampalaikamo agama setu.

Yeremia 48:26

Ndatoʼo i mPue, “Ndipowiamo Moabi naka yangu, maka siʼa mobangke-bangke ri Yaku. Siʼa da metaduli ri luanya, pai da napopogeleka ntau.