DANIELI 7:9 - Sura Magali Nuntu Ngkatuwu

⁹ Sindara yaku ntongo mampeole inceʼe, reʼe bara tesangkuja gadera mpoparenta ndadika njairia. Nepa Sira anu tuwu bereʼe kapusanya motunda ri sambaʼa gadera mpoparenta ri oyo waʼa gadera mpoparenta setu. Rengko-A pai wuyuanya mabuya magali ewa taʼa bagi. Gadera mpoparenta-A pai waʼa bolanya mareka-reka ewa reka apu,

DANIELI 7:9 Referans Kwoze

Pangkita 1:14

Wuyuanya mabuya ewa wuyu bimba, ewa kabuya ngkapasi. Matanya mareka-reka ewa apu,

Markus 9:3

Rengko-A mabuya pai makilayamo. Bereʼe sambaʼa topobusu ri lino seʼi anu mangkoto da mampakabuya rengko anu ewanceʼe.

Matius 17:2

Nakitasaka anaguru-A tebalisakamo taʼa i Yesu, lio-A merara ewa eo, puju ngkoro-A mabuya makilaya.

Mikha 5:2

Mewali, i Pue da mampapaliuka waʼa ntaua da nakuasai waʼa iwali ntau seʼe rantani rata ri tempo weʼa anu ndapakanoto da mewali ine ntau anu makuasa setu mampoana siʼa. Roo setu waʼa ntau anu kasambaʼa-mbaʼa bancanya anu njau ri kareʼe mpantawani da ndapasambaʼa-mbaʼa muni pai banca ntau seʼe.

DANIELI 7:22

Ungka lairia Sira anu tuwu bereʼe kapusanya setu rata pai mangawai botusi anu mampakamonco waʼa ntau i mPue Ala Anu Ndate ri Peawanya. Maka ratamo temponya tau seʼe mantarima kuasa da moparenta.

DANIELI 7:13

Ri raya mpepatongawa anu kukita ri wengi setu, kukita sangaya anu ewa tolino. Siʼa rata nakulamuti limu nepa njoʼu ri sira anu tuwu bereʼe kapusanya setu pai ndapapombeincani pai Sira.

Pangkita 19:18

Ndikamaʼimo mangkoni sanga waʼa datu, waʼa ntadulako ncurodado, pai sanga waʼa mpomakoje; ndikamaʼimo mangkoni sanga waʼa ntopelamba nyara pai sanga waʼa nyaranya pai sanga ntolino pura-pura, kodi bangke, watua bara kabosenya!”

Pilipi 3:9

pai monco kojo sambaʼa-mbaʼa pai Sira. Pokenta anu madago pai Pue Ala bareʼe kupepali ngkalioku mampoliu pepoʼinaya ri waʼa mpadika agama, seʼi-seʼi yaku maratamo pokenta anu madago pai Pue Ala, ua yaku meaya ri Kerisitu; mewali pokenta anu madago setu kurata ungka ri Pue Ala, mamponono peaya ri Yesu Kerisitu.

Palaong mPomakau i mPue Yesu 2:33

Sira ndalanti ri potunda anu ndateka pai ndawai i mPue Ala kuasa, nepa mantarima Inosa mPue Ala anu roo ndajanji i mPapa. Pai anu seʼi-seʼi ndidonge pai ndikita inceʼemo Inosa setu, anu ndawaika kami.

Palaong mPomakau i mPue Yesu 2:30

Roomo ndapapaincanika i mPue Ala ri Daudi, mojanji pai mosumpa Sira, ndatoʼo ewaseʼi, da reʼe sambaʼa ri oyo mulimu anu da ndapatongko i mPue Ala mewali mokole. Ua i Daudi seʼe sambaʼa nabi naincani janji setu,

HABAKU 1:12

Pue, ungka ipiamo komi inceʼe Pue Ala. Komi Pue Ala pueku anu magali pai bereʼe kapusanya. Pue, Pue Ala pueku pai petatondoku, banca Babeli ndipilisi pai ndipapewali makaliki da mangahuku kami.

Yesaya 9:6

Siʼa da moparenta ewa mokole muli i Daudi, da maʼai kabangke ngkuasanya. Tananya da maʼuono mpaliu pai dalindo raya; poparentanya da merontada ri Padika pai kayoa montepuʼu seʼi-seʼi rantani masae-sae. I Pue Anu Makuasa sangaya-ngaya da mangawianaka.

Masmur 90:2

Ri kabareʼepanya ndapapewali waʼa buyu, ri kabareʼepanya lino pai tana ndipapotaʼa, Komimo Pue Ala anu bereʼe tepuʼu pai kapusanya.

1 Timotius 6:16

Sira bareʼe nakoto ngkapate mangkuasai; Sira tuwu ri peawa ngkakilaya anu mesindi bareʼe nakoto ntau mantimosuki. Bareʼepa reʼe mau sambaʼa tolino anu mangkita Sira, bara da mangkoto mampeole Sira. Siramo anu da ndabangkei pai tumpu ngkuasa rantani masae-sae! Ami.

Masmur 45:8

Komi mampotowe anu monco pai mampobanciika anu majaʼa; inceʼe painaka i Pue Ala, Pue Ala puemi mampilisimo komi, pai mampakadago katuwumi meruu ungka ri waʼa mokole ntaninya.

1 Yohanes 1:5

Ewanceʼemo nuntu anu kadonge ungka ri Ana-A anu roomo kapetumbuka komi: i Pue Ala inceʼemo reme, ri Sira bereʼe kawenginya.

Matius 28:3

Lio malaʼeka setu ewa kila, pai puju ngkoronya maʼai kabuyanya.

Pangkita 4:2

Liu-liu nakuasai Inosa mPue Ala yaku. Nepa kukita ri raya ncuruga, sambaʼa gadera mpoparenta pai njau tau sambaʼa motunda njairia.

Pangkita 20:4

Nepa kukita waʼa gadera mpoparenta, pai waʼa ntau anu motunda ri waʼa gadera mpoparenta setu ndawaika kuasa da mangabotusi huku. Kukita woʼu waʼa ntanoana waʼa ntau anu roomo ndapewoʼoki, maka tau seʼe anu mawai posabi kono i Yesu, pai mampobambarika nuntu ungka ri Pue Ala. Waʼa ntau setu bareʼe manyomba ri pinatuwu, bara ri turukinya. Tau seʼe woʼu bereʼe napantarima tanda mpinatuwu setu ri tongo ndoʼu bara ri pale ntau seʼe. Inceʼe painaka tuwu muni tau seʼe nepa moparenta ewa mokole sangkani-ngkani pai i Kerisitu sancowu ntaʼu kasaenya.

1 RAJA-RAJA 22:19

Natoʼo woʼu i Mika, “Seʼi-seʼi pedongeka nunjaa anu ndatoʼo i mPue! Kukita i Pue motunda ri gadera mpoparenta-A ri suruga, natolilimi waʼa malaʼeka mekakore sape-sape ri sori-A.

2 Tawarikh 18:18

Mompau woʼu i Mika, natoʼo, “Seʼi-seʼi pedongeka nunjaa anu ndatoʼo i mPue ri yaku. Kukita i Pue motunda ri gadera mpoparenta-A ri suruga, natolilimi waʼa malaʼeka anu mekakore ri sori-A.

YEHESIKIELI 1:26

Ri wawo ata anu maliogu setu reʼe sangaya anu ewa gadera mpoparenta ungka ri watu inta pai ri wawonya njau motunda sangaya anu ndakita ewa tolino.

Masmur 93:2

Gadera mpoparentami toa ungka pontepuʼunya, komi reʼemo, bereʼe pontepuʼumi.

Yesaya 6:1

Ri taʼu ngkapate i Mokole Usia, yaku mangkita i Pue. Sira motunda ri gadera mpoparenta-A anu ndateka pai meawa. Juba-A mangkaʼuwi samba-samba Banua i mPue.

Yeremia 49:38

Waʼa mokole pai waʼa ntopoparenta ntau seʼe da kulesaki, pai ri tana ntau seʼe da kuwangu gadera mpoparentaku.