DANIELI 7:6 - Sura Magali Nuntu Ngkatuwu

⁶ Ntongo kumangaole-oleka inceʼe, mesuwumo pinatuwu anu ntaninya. Taʼanya ewa Harimau loba, paikanya ri wutongonya njau aopo pani ntonci, pai siʼa aopo woʼonya. Tongawa siʼa reʼe kuasanya.

DANIELI 7:6 Referans Kwoze

Pangkita 13:2

Pinatuwu anu kukita setu ewa taʼa harimau pai witinya ewa witi beruangi pai ngujunya ewa nguju ncinga. Naga anu kukita riunya mawai rosonya ri pinatuwu setu sangkani pai gadera mpoparentanya pai kuasanya anu bangke.

Hosea 13:7

Inceʼe painaka Yaku da mantarangkaku komi ewa powia singa tumunda, ewa harimau bulatu Yaku da mangantundani komi ri jaya.

DANIELI 10:20

Nepa mesono siʼa natoʼo, “Bara nuincanimo nunjaa puʼunya painaka yaku maʼi madadu siko? Tinako ndayaa inceʼemo da mangantoʼoka siko nunjaa anu teʼuki ri raya Ncura ngKamonco. Seʼi-seʼi yaku sangaya-ngaya da mewalili moʼiwali mangaewa malaʼeka anu mangkariani Parasia. Roo setu malaʼeka anu mangkariani Yunani da rata. Bereʼe anu da mampelae yaku waʼanyamo podo i Mikaeli, malaʼeka anu mangkariani Isaraeli, negaramu.

DANIELI 7:4

Anu kaʼisa taʼanya ewa singa, paikanya siʼa reʼe paninya ewa pani ntonci kuayangi. Sindara kupampeole siʼa tingkarasaka tewutu paninya pai telapasaka; teʼokotaka siʼa ungka ri wawo ntana pai ndapapekakore ewa tolino, nepa ndawaika nawa-nawa ntolino.

DANIELI 2:39

Paikanya butu motandomo kadatumi, da meumba kamokole ntaninya anu banyamo ewa kabangke ngkamokolemi. Nepa da mebete kamokole anu katatogo anu ewa napatongawa santila ri koro nturuki anu podo tambaga setu, anu da mangkuasai sambawo lino.

YEHESIKIELI 17:3

anu Yaku, Pue Anu Ndate ri Peawanya da mangantoʼoka tau seʼe: Reʼemo sambaʼa tonci kuayangi anu bangke kojo, madolidi wuyunya mabini pai maroso paninya. Siʼa moyoko njoʼu ri buyu Libano, mangampati sambaʼa yoyo sampuʼu kaju cemara,

DANIELI 7:5

Pinatuwu anu karadua taʼanya ewa beruangi. Siʼa mekakore pai witinya radua, pai mantanjua togo mbenci wuku usu ri oyo ngisinya. Kudonge oni nganga mompau ri siʼa mantoʼo, “Iomo konimo sanganya maria-ria gori mpepokonomu!”