DANIELI 7:21 - Sura Magali Nuntu Ngkatuwu

²¹ Butu kupatomata mpodago, kukita tondu setu moʼiwali mangaewa waʼa ntau i mPue Ala pai manganangi tau seʼe.

DANIELI 7:21 Referans Kwoze

DANIELI 12:7

Tau anu ntaninya setu mantora palenya radua-duanya seʼe ndeki yangi. Kudonge siʼa montandokoro mamposabi i Pue Ala anu bereʼe kapusanya pai mopau natoʼo, “Waʼa anu mewali setu da tewianaka ri raya anu tatogo ntaʼu santongo kasaenya. Ane motandomo pangajeani waʼa ntau i mPue Ala, da motandomo woʼu waʼa anu ndapojingki pewalinya setu.”

Pangkita 17:14

Tau seʼe da moʼiwali maewa i Ana Bimba setu. Paikanya i Ana Bimba setu pai waʼa anagurunya anu todo anu roomo napeboo pai napilisi setu da manganangi waʼa datu setu, maka Siramo Pue nu waʼa mpue, pai Datu nu waʼa datu.”

DANIELI 8:24

Siʼa da mewali maroso kojo, paikanya banya ua rosonya ngkalionya. Siʼa da mampareʼe kagero anu ndapokaeka pai nunjaa ntano anu napowia sangaya-ngaya da mewali. Siʼa da mangagero waʼa ntau anu maroso pai waʼa ntau mPue Ala.

Pangkita 17:6

Nepa kukita weʼa setu mampomayangu daa waʼa ntau i mPue Ala pai daa waʼa ntau anu ndapepate mamponcuruka katodonya ri Pue Yesu. Ri pangkitaku weʼa setu, liu-liu tontoa yaku.

Pangkita 19:19

Ungka lairia kukita pinatuwu setu, pai waʼa datu lino sangkani pai waʼa ncurodadonya, mompasambaka da mombetoto maewa siʼa anu melamba ri nyara mabuya setu pai surodadonya.

DANIELI 8:12

Inceʼe painaka waʼa ntau njairia montepuʼu mowia salaa pai bareʼemo mampanyombaka waʼa mpanyomba anu roo ndapakanoto setu. Panyomba anu monco ndanawumo ri tana. Reʼe wuanya pura-pura waʼa anu nawianaka ntondu setu.

DANIELI 11:31

Nepa napokau waʼa ncurodado anu da mampakakarika Banua i mPue. Tau seʼe da mampapeʼonto pawianaka panyomba anu sandeme-sandeme pai mampatunda sangaya anu ndapokaeka anu ndatoʼo anu mampakagero.

DANIELI 7:20

Da rayaku woʼu mangaincani kono tandunya anu sampuyu ri woʼonya pai kono tondu kodi anu mesuwu ri oyonya pai mangawuka tatogo tandu anu reʼemo riunya setu. Tondu kodi setu reʼe mata pai nguju anu mompau-pau ri pobangke-bangkenya. Siʼa meruu ndapampokaeka painaka waʼa ntondu anu ntaninya setu.

DANIELI 8:9

Ungka ri sambaʼa tondu setu tuwu woʼu sambaʼa tondu kodi, anu mewali maʼai kabangkenya pai kakuasanya tebini tondo selata, tondo pebetea pai tondo ri tana anu madolidi.