DANIELI 7:13 - Sura Magali Nuntu Ngkatuwu

¹³ Ri raya mpepatongawa anu kukita ri wengi setu, kukita sangaya anu ewa tolino. Siʼa rata nakulamuti limu nepa njoʼu ri sira anu tuwu bereʼe kapusanya setu pai ndapapombeincani pai Sira.

DANIELI 7:13 Referans Kwoze

Matius 26:64

Mesono i Yesu ndatoʼo, “Ewamo pantoʼomu. Paikanya da ndiayamo: montepuʼu ungka ri tempo seʼi da ndikita i Ana Manusia motunda ri tondo mokana i mPue Ala Anu Makuasa, pai da rata meyapi-yapi limu ri yangi!”

Pangkita 1:7

Peole, Sira rata meyapi-yapi limu! Pura-pura tau da mangkita Sira, tesua woʼu waʼa ntau anu roo majolo ntawala Sira da mangkita karata-A seʼe. Pura-pura banca ri lino seʼi da tumangi ua Sira. Io inceʼe manoto! Ami!

Lukas 21:27

Maka ri tempo setumo da karata i Ana Manusia meyapi-yapi limu mampatongawa kuasa pai peawa anu bangke.

Pangkita 14:14

Ungka lairia kumeole, nepa kukita santai limu mabuya. Ri wawo limu setu motunda sambaʼa tau anu ndakita ewa tolino. Siʼa mamposongko makota wuyawa, pai palenya mantangke ariti anu mataja.

Matius 24:30

Roo setu da tongawamo petondoni i Ana Manusia ri yangi. Pura-pura tau ri lino da motumangi. Da nakita ntau seʼe i Ana Manusia maʼi ri wawo limu ri kakuasa pai ri peawa anu bangke.

Markus 13:26

Sindara setu da ndakita i Ana Manusia maʼi meyapi-yapi limu ri kuasa anu bangke pai peawa-Nya.

Matius 25:31

“Ane jela i Ana Manusia ewa Mokole naaweri waʼa malaʼeka, Sira da motunda ri gadera mpoparenta anu meawa.

Yohanes 3:13

Bareʼepa reʼe sambaʼa tau anu mepone ndeki suruga, waʼanya podo siʼa anu menaʼumo ri lino, inceʼemo i Ana Manusia.

Pangkita 1:13

Ri tongo-tongo potunda ncilo setu mekakore tau sambaʼa pangkitaku ewa sambaʼa tolino. Siʼa mamporengko juba anu marate tudu-tudu ri todunya. Tau setu mampataka ompo dada wuyawa.

Matius 13:41

I Ana Manusia da mampokau waʼa malaʼeka da mamparuru pai mampasambaka waʼa ntau masalaa pai anu majaʼa powianya ungka ri oyo waʼa ntau-A.

Pangkita 1:18

Yakumo seʼi anu tuwu! Yaku matemo paikanya peolemo, Yaku tuwu rantani masae-saenya. Yaku makuasa ri kapate pai makuasa ri kareʼe waʼa ntau mate.

Palaong mPomakau i mPue Yesu 7:56

“Ndipeolemo!” natoʼo i Ncetepanu, “kukita suruga teloka pai i Ana Manusia mekakore tondo mokana i mPue Ala!”

Ibrani 9:24

Maka i Kerisitu bareʼe mesua ri Lincu Magali anu napowia ntolino, anu podo mampapolimbayo Lincu Magali anu monco-monco kojo. I Kerisitu mesua ri suruga, njairia Sira wawaseʼi mancuara i Pue Ala tila ngkatesorepakata.

DANIELI 7:22

Ungka lairia Sira anu tuwu bereʼe kapusanya setu rata pai mangawai botusi anu mampakamonco waʼa ntau i mPue Ala Anu Ndate ri Peawanya. Maka ratamo temponya tau seʼe mantarima kuasa da moparenta.

Lukas 21:36

Ndiponcoro-ncoromo, ndipekakaimo neʼe bali-bali da ndipangkoto maliunaka pura-pura anu da mewali setu pai naka da ndileʼo mombesuara pai i Ana Manusia.”

Ibrani 2:14

Ua waʼa ntau anu ndatoʼo ana setu, inceʼemo tolino anu da mate, maka i Yesu mompasiwia pai tau seʼe pai tuwu ewa katedikanaka ngkatolino ntau seʼe. Powia-A ewanceʼe da naka ua kapate-A ndakoto manganangi i Majaʼa anu mangkuasai kapate.

1 Timotius 6:16

Sira bareʼe nakoto ngkapate mangkuasai; Sira tuwu ri peawa ngkakilaya anu mesindi bareʼe nakoto ntau mantimosuki. Bareʼepa reʼe mau sambaʼa tolino anu mangkita Sira, bara da mangkoto mampeole Sira. Siramo anu da ndabangkei pai tumpu ngkuasa rantani masae-sae! Ami.

DANIELI 7:9

Sindara yaku ntongo mampeole inceʼe, reʼe bara tesangkuja gadera mpoparenta ndadika njairia. Nepa Sira anu tuwu bereʼe kapusanya motunda ri sambaʼa gadera mpoparenta ri oyo waʼa gadera mpoparenta setu. Rengko-A pai wuyuanya mabuya magali ewa taʼa bagi. Gadera mpoparenta-A pai waʼa bolanya mareka-reka ewa reka apu,

YEHESIKIELI 1:26

Ri wawo ata anu maliogu setu reʼe sangaya anu ewa gadera mpoparenta ungka ri watu inta pai ri wawonya njau motunda sangaya anu ndakita ewa tolino.

Masmur 47:5

Sira anu mampilisika kita tana anu da tapopanta, napokawongko banca anu Sira ndapotowe.

Yohanes 12:34

Natoʼo ntau sondo, “Malulu sura mpadika mami Mokole Tadungkadago da tuwu rantani masae-sae. Wenu pai ndipantoʼo, i Ana Manusia sangaya-ngaya da ndaoretaka ungka ri lino seʼi? Ara isema i Ana Manusia setu?”

Yohanes 5:27

Sira mawaimo ri Anaa kuasa mpobotusi, maka Sira i Ana Manusia.

Yeremia 49:19

Ewa singa anu mesuwu ungka ri yopo mapepu mosu ri Koro Yarade pai mampesuwuki bimba anu mangande, ewanceʼemo Yaku da rata da mawuraga to Edomi anu molonco ungka ri tana ntau seʼe ri kabareʼenya nasoro-soro. Nepa da kupilisi sambaʼa tau anu da mamparenta banca setu. Isema anu mangkoto da maewa Yaku?

Matius 8:20

Mesono i Yesu ndatoʼo, “Sarigala reʼe wayaunya, pai tonci reʼe seanya, paikanya i Ana Manusia bereʼe kareʼe mpoturunya.”

Matius 28:18

Ndatimosuki i Yesu tau seʼe nepa ndatoʼoka, “Pura-pura kuasa anu ri suruga pai anu ri lino roomo ndawaika Yaku.

Lukas 24:27

Roo setu ndatotoraka i Yesu tau seʼe nunjaa anu teʼuki ri raya Ncura Magali anu kono koro-A, montepuʼu ungka ri waʼa ncura i Musa pai sura waʼa nabi.

1 Tesalonika 4:17

Roo, kita anu ntongo tuwupa sindara setu da ndaokotaka sangkani-ngkani ri raya limu da momberata pai Pue ri tongo ndaoa. Pai kita da maroo-roo sangkani-ngkani pai i Pue rantani masae-sae.

Masmur 110:2

Ungka ri Sioni ndapabini i mPue poparentamu; da nuparentamo waʼa iwaliku!

DANIELI 7:12

Waʼa mpinatuwu anu ntaninya puramo ndayali kuasanya, paikanya tau seʼe ntongo ndawaipa tempo da tuwu rata ri tempo anu ndapakanoto.

DANIELI 8:15

Sindara ntongo kupari-pari manawa-nawa da kuparata ndaya posoki mpepatongawa setu, tingkarasaka mekakore ri suaraku sangaya anu ewa tolino.

Masmur 2:8

Perapimo, pura-pura banca da Kupepombaika ri siko pai sambawo lino Kupapewali anumu.

DANIELI 2:44

Ri tempo mpoparenta waʼa mokole setu, i Pue Ala ri suruga mangampatunda sambaʼa kamokole anu da todo rantani masae-sae, pai bareʼe da reʼe banca anu mangkoto manganangi. Kamokole setu da mangagero pura-pura kamokole anu ntaninya setu.