DANIELI 7:11 - Sura Magali Nuntu Ngkatuwu

¹¹ Sindara yaku maole-oleka inceʼe, ntongo kudongepa seʼe i tondu kodi setu mompau-pau ri pobangke-bangkenya. Roo setu pinatuwu anu kaʼaopo setu ndapepate, pai watangkoronya ndatendeka ri raya apu rantani pura mewali amaa.

DANIELI 7:11 Referans Kwoze

Pangkita 19:20

Paikanya pinatuwu setu ndasoko sangkani-ngkani pai nabi kambamba-mbamba anu roomo mampowia waʼa ntanda ngkuasa ri suara mpinatuwu. (Pai waʼa tanda ngkuasa setumo pinatuwu setu mambambasi waʼa ntau anu mampotumpu tanda mpinatuwu setu, pai waʼa ntau anu manyomba ri turuki mpinatuwu setu.) Nepa pinatuwu pai nabi kambamba-mbamba setu ndatajika tuwu-tuwu ri tasi apu anu mareka-reka pai belerangi.

Pangkita 20:10

Nepa i Majaʼa anu mantengosi tau seʼe setu ndapetasoka ri raya ntasi apu pai belerangi. Njairiamo kareʼe mpinatuwu pai nabi kambamba-mbamba setu tau seʼe anu ndapetasokamo riunya njairia. Tau seʼe da ndajeani ri eo pai ri wengi rantani masae-sae.

2 Tesalonika 2:8

nepa da tongawa i Manusia Majaʼa setu. Maka ane ratamo i Pue Yesu, Sira da mampepate i Manusia Majaʼa setu, ndatawuisi, nepa ndageroka pai sindi ngkilaya ngkarata-A.

DANIELI 7:8

Sindara yaku mampepeoleka waʼa ntondunya, tingkarasaka tuwu sambaʼa tondu anu ntaninya ri oyo waʼa ntondu setu. Tondu setu kodi-kodi paikanya nakoto mangaigi waʼa ntondu anu riunya painaka tatogo tondu setu marabu. Tondu anu kodi setu mampotumpu mata ewa mata ntolino pai nguju anu sondo paunya mobangke-bangke.

Pangkita 18:8

Inceʼe puʼunya, painaka ri raya anu podo sandemeja siʼa napere rugi – juʼa, pari ndaya, pai kaoro. Pai siʼa da ndaʼombasi ri apu, maka ratamo temponya kuasa i mPue Ala anu da mangabotusi hukunya.”

DANIELI 8:25

Ua siʼa maria akalanya waʼa mpombambanya da moyowe. Siʼa da mampobangke-bangkeka koronya, pai ri kabareʼenya ndasoro-soro siʼa da maʼopisaka sondo tau. Sako Mokole Anu Makuasa nataha maewa. Paikanya siʼa da ndalesaki banya ua roso ntolino.

Pangkita 20:12

Nepa kukita waʼa ntau mate, kodi bangke mekakore ri suara gadera mpoparenta setu. Nepa ndabulere waʼa ncura. Nepa ndabulere sambaʼa sura anu ntaninya, inceʼemo Sura nTau Tuwu. Roo setu ndabotusimo huku ntau mate, singkono pai waʼa mpowia ntau seʼe ewa anu lau ndaʼuki ri waʼa ncura setu.

Pangkita 20:4

Nepa kukita waʼa gadera mpoparenta, pai waʼa ntau anu motunda ri waʼa gadera mpoparenta setu ndawaika kuasa da mangabotusi huku. Kukita woʼu waʼa ntanoana waʼa ntau anu roomo ndapewoʼoki, maka tau seʼe anu mawai posabi kono i Yesu, pai mampobambarika nuntu ungka ri Pue Ala. Waʼa ntau setu bareʼe manyomba ri pinatuwu, bara ri turukinya. Tau seʼe woʼu bereʼe napantarima tanda mpinatuwu setu ri tongo ndoʼu bara ri pale ntau seʼe. Inceʼe painaka tuwu muni tau seʼe nepa moparenta ewa mokole sangkani-ngkani pai i Kerisitu sancowu ntaʼu kasaenya.

I Yudas 1:16

Bareʼe bali-bali kakanguru-nguru pai ponggantali ntau setu. Tau setu malulu waʼa mpepokononya ngkalionya anu masalaa. Tau seʼe mampekiundeka koronya pai maunde-unde tau da mampepali rasinya.

2 Petrus 2:18

Tau seʼe mampau waʼa mparata ndayanya mampake basa anu lese ndadonge ntanoka mbamba; sawoyo ndaya mposalara napake ntau seʼe da manawusaka waʼa ntau anu nepa telapa mpinca ungka ri oyo ntau anu betumoro.

DANIELI 11:45

Pai siʼa mangabini woʼu kema ngkamokolenya ri oyo ntasi pai buyu kareʼe Banua i mPue. Paikanya ripurinya siʼa mate pai bereʼe mau sambaʼa tau anu da mampelae siʼa.”

DANIELI 7:12

Waʼa mpinatuwu anu ntaninya puramo ndayali kuasanya, paikanya tau seʼe ntongo ndawaipa tempo da tuwu rata ri tempo anu ndapakanoto.