DANIELI 7:1 - Sura Magali Nuntu Ngkatuwu

^1-2 Ri anu sambengi, ri taʼu anu kaʼisa poparenta i Belisasari mewali datu ri Babeli, i Danieli mangipi pai mangkita pepatongawa. Pangipi setu kuʼuki, pai ewaseʼi podedenya pepatongawa setu: Mewui ngoyu marimbo ungka ri pura-pura payompo yangi, painaka mampareʼe lompiu ri tasi bangke.

DANIELI 7:1 Referans Kwoze

AMOSI 3:7

I Pue Anu Ndate ri Peawanya bareʼe da mawianaka bara nunjaa-njaa ntano bareʼepa ndatoʼo rencana ri waʼa nabi watuaa.

YOELI 2:28

“Roo inceʼe ripurinya pura-pura tau da kubuketika pai inosa-Ku, inceʼe painaka waʼa anami tuama pai weʼa da mampetumbu waʼa nuntu-Ku; waʼa ntau tuʼa anu reʼe ri oyomi da mangipi pepatongawa da ndawai ri waʼa ngalitau pai anaweʼa.

DANIELI 5:1

Ri anu sandeme i Datu Belisasari mampeboo sancowu waʼa ntau bangke da maʼi ri posusanya anu bangke, pai manginu-nginu anggoro.

DANIELI 4:5

Paikanya ri anu sambengi sindara ntongo lintu yore, yaku mangipi mangkita pepatongawa anu maʼai pampakaʼipunya rayaku.

DANIELI 1:17

I Pue Ala mawai kaloʼe ndaya pai pangaincani ri tau mangura anu aopo setu ri mpengaya-ngaya kaloʼe. Ri Danieli banya podo inceʼe paikanya ndawai woʼu kaloʼe da mantotoraka pepatongawa pai pangipi.

Yeremia 23:28

Nabi anu mangipi kamonconya da mangantoʼo, ‘Inceʼi podo pangipi!’ Paikanya nabi anu marata nuntu ungka ri Yaku sangaya-ngaya da mamparata nuntu setu ri gori ngkamonconya. Gandu bareʼe ndakoto da mampasintolio pai deami.

Pangkita 1:19

Inceʼe painaka, ukimo pura-pura anu nukita, inceʼemo anu reʼe wawaseʼi pai waʼa anu nepa da mewali ripurinya raneo.

HABAKU 2:2

I Pue mangasono yaku ewaseʼi, “Wotimo yosa-yosa ri sangkomba tana mepuyu, nunjaa anu da kupatongawaka siko, da naka saru-saru ndabasa.

DANIELI 7:15

Waʼa mpepatongawa anu kukita setu mampakalingu raya pai mampakapari rayaku.

DANIELI 7:13

Ri raya mpepatongawa anu kukita ri wengi setu, kukita sangaya anu ewa tolino. Siʼa rata nakulamuti limu nepa njoʼu ri sira anu tuwu bereʼe kapusanya setu pai ndapapombeincani pai Sira.

DANIELI 2:1

Ri anu sambengi, ri karua ntaʼunya poparenta i Datu Nebukanesa, mangipi sira. Pangipia setu mampakasusa rayaa, painaka bareʼemo naleʼo yore.

Pombilang 12:6

ndatoʼo i mPue, “Pedongekamo waʼa mpauku seʼi! Ane reʼe nabi ri oyomi, yaku da mampatongawa koroku ri siʼa mampoliu pekita ndaya, pai Yaku da mompau ri siʼa mampojaya pangipi.

Pomulanya 46:2

Mawengi mepatongawa i Pue Ala mantoʼoka siʼa, “Yako! Yako!” Mesono i Yako natoʼo, “Seʼi yaku Pue.”

Pangkita 10:4

Jabutu mowotu gundu papitu setu, da rayakumo maʼuki i nceʼe, paikanya reʼe oni nganga ungka ri suruga mantoʼo, “Neʼe nuʼuki inceʼi, nunjaa anu natoʼo gundu papitu seʼi neʼe nutoʼo-toʼoka tau pai neʼe nuʼuki!”

2 Korintus 12:1

Lawi bereʼe rasinya da mekiunde. Paikanya da rayaku woʼu mampekiundeka kono waʼa anu ndapapakitaka yaku i mPue Ala ri pepatongawa pai pekita ndaya.

Roma 15:4

Pura-pura anu ndaʼuki ri Sura Magali inceʼe da mampaguru kita. Maka waʼa pompaguru anu tarata ungka ri Sura Magali inceʼe mampakaroso pai mampakatodo kita painaka takoto mampeondaka katuwuta ri Pue Ala.

DANIELI 8:1

Ri taʼu katatogo poparenta i Datu Belisasari yaku mangarata pepatongawa anu karadua.

DANIELI 7:7

Sindara kupampeole inceʼe mesuwu woʼu pinatuwu anu kaʼaopo. Siʼa maʼai ngkaroso pai matarusu tengiri raya mangkita. Pai waʼa ngisinya anu mabose pai matarusu tengiri raya mangkita. Pai waʼa ngisinya anu mabose pai ewa kapani besi siʼa manganyangi pai mangangkoni sinokonya, nepa naija-ija waʼa yabinya. Mosisala pai pinatuwu anu riunya maka siʼa reʼe sampuyu tondunya.

DANIELI 5:30

Ri wengi setu seʼe ndapepate i Belisasari datu nto Babeli setu.

DANIELI 5:22

Paikanya anaa, inceʼemo komi pueku ngkaliomi, bareʼe ndipokono mampakalauka koro, seʼi ndiincanimo pura-pura setu.

YEHESIKIELI 1:1

Ri sambaʼa eo mbuya anu kaʼaopo ri taʼu katatogo mpuyu, ri taʼu kaʼalima tepuʼu i Mokole Yoyakini ndakeni ri kareʼe pantawani, yaku, Tadu mPanyomba Yehesikieli ana i Busi, njau ri wingke ngKoro Kebari ri Babeli, sangkani-ngkani pai waʼa ntawani to Yahudi anu ntaninya. Tingkarasaka teloka yangi pai yaku marata pepatongawa kono Pue Ala. Kudonge i Pue mompau ri yaku pai kuepe reʼe roso ngkuasa-A.

Yeremia 36:4

Inceʼe painaka kupeboo i Baruki ana i Neria, nepa kutoʼoka siʼa pura-pura anu ndatoʼo i mPue ri yaku. Naʼuki i Baruki pura-puranya ri sura anu ndayuyu setu.

Yeremia 27:7

Pura-pura banca da meʼuru ri siʼa, ri ananya pai makumpunya rantani rata tempo da kanawu ngkamokolenya ngkalionya. Ri tempo setu banca Babeli da meʼuri ri waʼa banca anu maroso pai waʼa mokole anu bangke.

Yesaya 30:8

I Pue Ala mampokau yaku da mangaʼuki kajaʼa waʼa ntaua ri sambaʼa sura anu da mewali patiendo rantani masae-sae.

Yesaya 8:1

Ndatoʼo i mPue ri yaku, “Timamo sambaʼa watu mpoʼuki anu bangke, nepa da nuʼukika pai waʼa hurupu anu yosa kojo: ‘Maher-Syalal HasyBas’ posokinya: Pampamuru anu Makaliki, Pangarampa anu Maliga.

AYUBI 4:13

Bareʼe lintu kayoreku maka narendosi, ewa kumampangipika anu majaʼa ri raya mbani.

Pomulanya 15:1

Ungka lairia, i Burahima marata pekita ndaya pai nadonge oni nganga i mPue mompau ri siʼa ndatoʼo, “Neʼe maeka Burahima, yaku da mangkantawi siko ungka ri karugi, pai da mawaika siko saromu anu bangke.”

Yeremia 36:32

Inceʼe painaka kutima yuyu ncura anu dawoʼu kuwaika i Baruki juru tulisiku setu. Nepa naʼuki pura-pura anu kuʼimalaka siʼa, inceʼemo bangani yuyu ncura anu kaʼisa ndaranganika bara tesangkuja ngaya woʼu nuntu anu ntaninya siwia pai incetu.

YEHESIKIELI 40:2

Ri raya sambaʼa pepatongawa, i Pue Ala mangkeni yaku ri tana Isaraeli pai madika yaku ri wawo buyu anu ndateka. Ri suaraku kukita satobu banua anu motaʼa ewa sambaʼa kota.

DANIELI 2:26

Ungka lairia ndatoʼo i datu ri Danieli anu karua ntoʼonya i Belitasari, “Ara da nukoto mantoʼoka yaku pangipiku sangkani pai peolanya?”

DANIELI 4:13

Sindara yaku ntongo monawa-nawa pepatongawa setu, kukita sambaʼa malaʼeka menaʼu ungka ri suruga; tongawa siʼa tikali kojo pai moncoro-ncoro.