DANIELI 6:8 - Sura Magali Nuntu Ngkatuwu

⁸ Kami pura-pura anu mampasilolongani kamokolemi, madago waʼa ntopoparesa, waʼa petoro, waʼa sarungkoro petoro pai waʼa mpegawai ntaninya, roomo mogombo mamposintuwuimo da naka komi pue mami da mampapesuwu sura parenta anu sangaya-ngaya da nawianaka ntau ri gori ngkamonconya mbolimo komi pueku da mampesongkaka da naka ri raya anu togompuyu ndeme bareʼe maya mau sambaʼa tau anu da mamparata perapinya ri sambaʼa lamoa bara ri sambaʼa tau, podo maya da merapi ri komi pueku. Bara isema anu mancapu songka seʼi sangaya-ngaya da ndatendeka ri wayau ncinga.

DANIELI 6:8 Referans Kwoze

DANIELI 6:15

Madonge inceʼe masusa raya i datu pai ipu rayanya, painaka napepali jaya da mancorepaka i Danieli. Nakarataka ngkinowia i datu ntongo monawa-nawa.

SETERI 1:19

Inceʼe painaka kaperapi ri komi Datu, da ndipareʼemo botusi kono i Datu Weʼa Wasati setu bareʼemo maya mancuara i Datu. Botusi setu da mewali sambaʼa unda-unda Parisia pai Media, mewali bareʼemo maya da ndawalisaka. Roo setu palancanga i Datu Weʼa Wasati da ndiwaika weʼa ntaninya anu meruu kagadonya pai siʼa.

DANIELI 6:12

Butu nakita waʼa iwali i Danieli, kanjau i Danieli ntongo mekakai ri Pue Ala puenya,

Yesaya 10:1

Marugimo komi anu mampareʼe waʼa mpadika anu bareʼe sintimba da majeani bancaku.

SETERI 8:10

Waʼa ncura setu nabate mpale i Modekai ri toʼo i Datu Ahasiwero pai ndadikaka tanda ngkamokole. Roo setu napokau i Modekai waʼa ntau anu mangkeni sura setu njoʼu ri waʼa poropinci, melamba ri waʼa nyara i datu anu makaliki.

SETERI 3:12

Inceʼe painaka ri sampuyu pai tatogo wuya kaʼisa, napeboo i Hamani waʼa sekeretarisi i datu. Tau seʼe nasongka da mampowia sura silulu pai anu natotorakaka tau seʼe pai sura setu da ndapalimba ri mpengaya-ngaya basa pai da ndapalimba ri mpengaya-ngaya urupu anu ndapake ri pura-pura lemba. Sura setu da ndaʼuki ri toʼo i Datu Ahasiwero pai da ndatandaika sincia, nepa da ndapakatu maliga-liga ri pura-pura tau anu makuasa, petoro pai waʼa ntau bangke ri pura-pura poropinci. Bangani ncura setu inceʼemo, ri sampuyu pai tatogo eo mbuya Adari pura-pura to Yahudi, tuʼa mangura, weʼa pai waʼa ananggodi sangaya-ngaya da ndapepate neʼe boi ndapepurungi, pai waʼa aga-aga ntau seʼe da ndatima.

SETERI 8:8

Paikanya sura anu roomo ndaʼuki ri toʼo i datu pai tanda mpale i datu bareʼemo maya da ndabalisaka. Paikanya reʼe ri komi kuasa da maʼuki sura kono banca Yahudi ewambeʼi ntano anu ndiepe madago. Ndiʼukimo sura setu ri toʼoku pai ndidikaka tanda ngkamokole.”

SETERI 8:3

Roo setu njoʼu i Seteri mancuara i datu. Mombukotu siʼa seʼi motumangi mamperapi da naka ndabalisaka tinako ndaya i Hamani anu majaʼa setu da mampepate to Yahudi.

Matius 24:35

Yangi pai lino da paya, paikanya nuntu-Ku bareʼe da paya rantani masae-sae.”

DANIELI 5:28

ndatila, kamokole ndatila ndawaika Media pai Parasia.”

Masmur 94:21

Tau seʼe mamposintuwui da maewa tau mayoa, mahuku rantani mate tau anu bareʼe masala.