DANIELI 6:10 - Sura Magali Nuntu Ngkatuwu

¹⁰ Inceʼe painaka nadika i Datu Dariusi bate mpalenya ri sura parenta setu.

DANIELI 6:10 Referans Kwoze

Masmur 55:17

Paikanya yaku meboo ri Pue Ala, i Pue da mangancorepaka yaku.

Palaong mPomakau i mPue Yesu 5:29

Mesono i Peturu pai waʼa ncuro anu ntaninya natoʼo, “Kami sangaya-ngaya da medonge ri Pue Ala pai banya da medonge ri tolino.

Masmur 95:6

Maʼimo kita mombukotu manyomba ri Sira, mombukotu ri suara i mPue, anu mampareʼe kita.

Ibrani 13:15

Inceʼe painaka, mampoliu i Yesu, neʼe bali-bali paundeta i Pue Ala; inceʼemo peunde mpanyombata ri Sira, anu tapanyombaka mampoliu oni ngangata mabangkei toʼo-A.

Pilipi 4:6

Neʼe reʼe bara nunjaa-njaa anu ndipoʼipu ndaya. Ndipekakaimo, ndiperapimo ri Pue Ala mpengaya-ngaya anu ndipoyoweka. Nunjaa anu ndipodaraya ndipetumbumo ri pau mpotarima kase ri Pue Ala.

Masmur 34:1

Polinga i Daudi. Ri tempo mpokira-kiranya ewa tau wando ri suara i Abimele, painaka siʼa ndairi pai napalai.

Masmur 5:7

Ndigero waʼa ntau anu mampokono mombamba, tau anu kalopu-lopu pai topopepate Ndipetikodi.

Palaong mPomakau i mPue Yesu 9:40

Napokau i mPeturu tau seʼe pura-pura mesuwu, nepa mombukotu siʼa mekakai. Roo mekakai nepa nasuaraki wata ngkoro i Dorokasi natoʼo, “Tabita pembangu!” Menaa mata i Dorokasi, butu nakita i Peturu, membangu motunda siʼa.

Yunus 2:4

Kutoʼo ri rayaku: I Pue marumbamo yaku seʼi ungka ri suara-A. Bareʼemo da kuleʼo mangkita banua ngkareʼe-A anu magali.

1 RAJA-RAJA 8:54

Ewanceʼemo pekakai i Salomo, mombukotu siʼa ri suara lampaʼani, natora palenya, dodo mpalenya tondo ri yangi, roo setu nepa mekakore siʼa,

1 RAJA-RAJA 8:44

Ane rapanya komi mancongka taumi da njoʼu moʼiwali pai ri mbeʼi ntano kanjau ntau seʼe, pai tau seʼe moara sintondo ri kota anu ndipilisi seʼi pai mekakai sipontu Banua anu kuwangu da kareʼe mpanyomba ri komi,

Epesus 3:14

Inceʼe puʼunya painaka kumombukotu ri suara mPapa.

Palaong mPomakau i mPue Yesu 10:9

Bangke reme njoʼumo kojo tau anu napokau i ngKoroneli, bepa rata tau seʼe ri Yope, i Peturu mepone ri kataba banua da mekakai.

DANIELI 6:13

njoʼumo tau seʼe mancuara i datu mampogiluka i Danieli. Natoʼo ntau seʼe, “Ara banya pueku roomo madika bate mpale ri sura parenta anu mapetangani tau pura-pura ri raya anu togo mpuyu ndeme da mamparata perapi ri sambaʼa lamoa bara ri sambaʼa tau, pai podo maya da merapi ri komi? Pai teʼuki woʼu, bara isema anu malewa songka setu da ndatendeka ri raya wayau ncinga?” Mesono i datu ndatoʼo, “Monco kojo pai parenta setu mewali padika Media pai Parasia anu bareʼe maya da ndawalisaka.”

Ibrani 4:16

Inceʼe painaka, mbolimo kita ri kakoje ndaya mancuaraki i Pue Ala anu moparenta ri kapande ndaya. I Pue Ala da mampokapuru kita pai da madonco kita, da taparata pompelae ane jelamo temponya.

1 RAJA-RAJA 8:38

tuarapa ndipedongeka pekakai ntau seʼe. Ane reʼe ri oyo waʼa ntaumi to Isaraeli mekakai ua kapari ndayaa, mekakai ri komi mabulere palenya sintondo Banua mPanyomba seʼi,

Pangkita 2:10

Neʼe ndipokaeka waʼa mpejeani anu ndiepe maka bareʼemo masae. Neʼe ndikalingani, santila ri komi da naparintarunggu i majaʼa, da napebutuka komi, sampuyu ndeme kasaenya da ndipaepe pejeani. Mbolimo komi da mepoʼinaya ri Yaku rantani mate, Yaku da mawaika komi saro mpenangimi inceʼemo katuwu anu monco.

Kolose 3:17

Kaʼedenya nunjaa anu ndiwianaka pai anu ndipau, da ndiwianakamo pai da ndipaumo ri raya ntoʼo i Yesu. Pai mbolimo komi da maunde i Pue Ala Papa kono nunjaa anu ndawianaka i Yesu tilami.

Pilipi 1:20

Anu kupodaraya pai kupomata-mata da naka neʼe podo ngkabongo potetalaku. Maʼai kupampomata-mata da naka neʼe bali-bali, pagonya ri tempo seʼi da motetala ri kakoje ndaya pai ri gori-gori mpangkoto ntanoanaku, madago ri sindara ntongo tuwupa bara ri tempo ngkamateku pura-pura da mampapeawa i Kerisitu.

Palaong mPomakau i mPue Yesu 20:36

Roo mompau i Paulu ewanceʼe, mombukotu siʼa pai waʼa ntau seʼe pura-pura mekakai.

NEHEMIA 6:11

Paikanya mesono yaku, kutoʼo, “Yaku seʼi banya tau anu dangga anu da molonco mesambuni. Pai yaku seʼi podo anggota biasa bareʼe maya mesua ri Banua i mPue, yaku da mate. Bareʼe kupokono!”

2 Tawarikh 6:38

Ane ri tana ntau setu monco-monco kojo tau seʼe majea ungka ri waʼa ncalaanya, pai mekakai ri komi mosuara ri tana seʼi inceʼemo tana anu roomi ndiwaika waʼa ngkai mami, sintondo kota anu Ndipilisi seʼi pai banua anu roo kuwanguka Komi seʼi,

Pangkita 2:13

Kuincani ri mbeʼi kareʼemi, inceʼemo ri gadera mpoparenta i majaʼa. Komi todo ri Yaku. Pai ri tempo pampepate i Antipa sabiku anu todo ri suarami ri posea i Majaʼa, ri tempo setu komi bareʼe meuranaka ri peayami ri Yaku.

Pilipi 1:14

Pai ri ndapantarunggu yaku, maria waʼa ngkasangkompo anu sampepeaya pai kita kakoteranga-rangani peayanya ri Pue Ala, painaka bareʼemo maeka raya ntau seʼe mampetumbu nuntu i mPue Ala ri kakoje ndayanya.

Palaong mPomakau i mPue Yesu 21:5

Paikanya butu pura tempo mami njairia malai woʼu kami mampaliu pelinja mami. Pura-pura tau seʼe sangkani pai waʼa ananggodi maata kami rata ri sambali ngkota. Ri wiwi ntasi, njairia kami mombukotu mekakai.

Palaong mPomakau i mPue Yesu 20:24

Paikanya pura-pura setu bareʼe kupepurungi katuwuku, podoia kupari-pari mamparoo tetala anu ndapesarumakaka i Yesu ri yaku, pai yaku da todo rantani rata ri kapusa ngkatuwuku da mampobambarika Nuntu ngKatuwu kono puru ndaya i mPue Ala.

Palaong mPomakau i mPue Yesu 7:60

Mombukotu i Setepanu nepa meboo marimbo oni nganganya natoʼo, “Pue, neʼe ndipapakoyoka tau seʼe salaa ntau seʼe!” Roo mompau ewanceʼe puramo inosanya.

Palaong mPomakau i mPue Yesu 5:20

“Ndikanjoʼumo mekakore ri Banua i mPue ndipetumbuka waʼa ntau kono katuwu anu dawoʼu seʼi.”

Palaong mPomakau i mPue Yesu 4:29

Seʼi-seʼi Pue, yosa ndipangkita ewambeʼi napaekasi kami. Ndipasoaka tempo ri kami waʼa mbatua-Mi seʼi da mampobambarika Nuntu-Mi ri kabareʼenya maeka.

Palaong mPomakau i mPue Yesu 3:1

Ri anu sandeme ndekumo i Peturu pai Yohane ri Banua i mPue, ri tinti tatogo tepile reme ri tempo mpekakai.

Palaong mPomakau i mPue Yesu 2:15

Waʼa ntau seʼi bareʼe mayangu ewa anu ndisawanga ndaya, maka seʼi nepa tinti sasio mowuro.

Lukas 22:41

Ungka lairia malai Sira lawa sakodi ungka ri tau seʼe, tempo-temponya sampewunu mbatu kalawanya,

Lukas 14:26

“Ane reʼe tau anu melulu ri Yaku, paikanya meruu pampomawonya inenya pai papanya, rongonya pai waʼa ananya, pai waʼa ngkasangkomponya, pagonya ane maʼai napampariwawo tila ngkoronya ngkalionya, bareʼe da nakoto melulu ri Yaku.

Masmur 86:3

Komimo Pue Ala Pueku, ndipokapurumo yaku boo Pue, maka rantani soyo reme yaku mekakai ri Komi.

ESIRA 9:5

Sindara pawianaka panyomba ri ngkinowia, meoko yaku ungka ri potunda-tundaku ri kapari ndayaku, sangkani rengkoku anu masia setu kumombukotu pai kumekangkabe ri Pue Ala pueku, mompau yaku kutoʼo,

DANIELI 9:4

Mpengaya-ngaya salaa bancaku kupangakuka ri Pue Ala pueku. Kutoʼo, “Pue Ala, Komi bangke, pai kami mantubunaka Komi. Bareʼe bali-bali ndipangabangani janji-Mi pai mampatongawa kapande ndayami anu bareʼe kapuranya ri tau anu mampotowe komi pai anu mangawianaka nunjaa anu ndipesongkaka.

Markus 3:3

Ndaseko i Yesu tau anu kape palenya sambali setu ndatoʼo, “Maʼimo ireʼi pekakore ri suara.”