DANIELI 5:7 - Sura Magali Nuntu Ngkatuwu

⁷ Mekiu siʼa, mamperapi da naka waʼa ntopotonaa, to poʼopo-opo, anu loʼe mampeole betuʼe ndapeboo. Ri karata ntau seʼe, natoʼo i datu, “Isema ntano anu mangkoto mangabasa uki setu pai mangantoʼoka yaku posokinya, da kuwaika siʼa rengko ngkamokole inceʼemo juba makodara pai enu wuyawa tanda ngkatetubunaka. Pai siʼa da kulanti mewali tau anu katatogo anu makuasa ri raya ngkamokoleku.”

DANIELI 5:7 Referans Kwoze

DANIELI 5:29

Madonge inceʼe, ganggara napokau i Belisasari waʼa mpegawainya da naka mampaporengkoka i Danieli juba anu makodara pai mampapogonggaka siʼa ri leʼenya enu wuyawa. Nepa ndalanti i Danieli mewali tau anu katatogo makuasa ri kamokolenya.

DANIELI 5:16

Nepa kudonge mpinca kasikonya anu mangkoto mangabulere waʼa rahasia pai mangangkaresaka waʼa anu mapari. Ane nukoto mangabasa uki seʼi pai mangantoʼoka yaku posokinya, siko da kuwaika rengko ngkamokole inceʼemo juba makodara pai enu wuyawa tanda ngkatetubunaka. Pai siko da kulanti mewali tau anu katatogo makuasa ri raya ngkamokoleku.”

DANIELI 2:48

Inceʼe painaka nawaika i Danieli lanti anu ndateka, nawaika woʼu mpengaya-ngaya pombai anu meawa kojo, pai ndalanti mewali petoro Babeli, pai napapewali tadulako ri pura-pura topontotoraka ri langkanae.

DANIELI 2:6

Paikanya ane ndikoto mantoʼo, da kuwaika komi hadia anu meawa sangkani pai katetubunaka anu bangke. Mewali seʼi-seʼi nditoʼokamo yaku pangipiku setu sangkani pai peolanya!”

DANIELI 2:2

Inceʼe painaka napeboo waʼa ntau loʼe mowati pai tau loʼe ri potonaa, topopakuli pai waʼa ntau anu reʼe pangaincani da mantotoraka peola mpangipia.

YEHESIKIELI 16:11

Kupakadolidi siko pai paramata, enu pai waʼa ntoga.

Yesaya 47:13

Malengemumo ua kasondo gaga ntotoraka. Pokaumo waʼa ntopebolobiangi maʼi mancorepaka siko; tau seʼe anu mamparesamo waʼa suno-suno yangi, pai mampaguru waʼa betuʼe, pai sangkani-sangkani wuya Dawoʼu da mangantoʼo nunjaa anu da mewali ri siko.

DANIELI 4:14

Morimbo oni nganganya mompau natoʼo, ‘Towomo puʼu ngkaju setu pai tandosimo waʼa raʼanya, rudusi waʼa iranya pai posebukamo waʼa wuanya. Irimo waʼa mpinatuwu anu moyuku-yuku ri lerunya pai waʼa ntonci anu mosea ri waʼa raʼanya.

NGAYU I NCALOMO 1:10

Pidimu magaya ri oyo parewa pompakadolidi, leʼemu napapeawa enu mparamata.

PATADA 1:9

maka waʼa ntotoraka ntau seʼe marangani da kadago engkomu daʼewa tali pai enu anu mampakadolidi taʼamu.

SETERI 3:1

Bara sangkuja ngkasae ungka njairia i Datu Ahasiwero malanti tau sambaʼa i Hamani toʼonya mewali ampu lemba. I Hamani seʼi ana i Hamedata ungka ri muli i Agagi.

1 Samuel 17:25

Natoʼo ntau seʼe “Peolemo setu maʼi! Nudongemo waʼa mpaunya anu mampetikodi kita! Mokoleta i Saulu, roo mojanji, ndatoʼo, Isema makoje mampepate i Golia, da ndawaika saronya anu bangke kojo. Pai ndatoʼo woʼu i Mokole, tau setu da ndapaporongo pai anaa. Pai tina mpapa ntau setu bareʼe da ndapakonoka asele.”

Pombilang 24:11

Seʼi-seʼi palaimo, pewalili ri banuanu! Kujanjika siko saromu, paikanya bareʼe ndawai i mPue da nutarima saromu setu.”

Pombilang 22:17

Yaku da mawaika siko saromu anu maria kojo, pai da kuwianaka nunjaa ntano anu nutoʼo. Maʼimo, pai tadeasi kaku banca setu.”

Pombilang 22:7

Ungka lairia njoʼumo kojo waʼa ntadulako nto Moabi pai to Mijea setu mangkenika i Bila saronya da napampokono mantadeasi to Isaraeli. Butu jela ri banua i Bila, naparatamo ntau seʼe ri siʼa patuu i Mokole Bala.

Pomulanya 41:8

Bangke reme mowuro-wuro bareʼe rodo raya i datu, inceʼe painaka napokau tau mampeboo pura-pura topowalia pai anu loʼe ri tana Masiri. Nepa napauka tau seʼe pangipinya, paikanya bereʼe mau sambaʼa anu mangkoto mantotoraka posokinya.

Posuwunya 7:11

Inceʼe painaka napeboo i datu waʼa ntaunya loʼe pai waʼa ntopowalia, nepa napowia ntau seʼe woʼu anu ewanceʼe ua kuasa mbalianya.

Yeremia 50:35

Ndatoʼo i mPue, “Mageromo Babeli sangkani pai palilinya pai topoparentanya sangkani pai waʼa ntau loʼenya!

DANIELI 1:4

Tau seʼe setu sangaya-ngaya da waʼa ntau mangura anu bereʼe posarinya. Tau seʼe sangaya-ngaya da madolidi, ndateka sikolanya, loʼe da gana-gana pangaincaninya pai singkana kojo da motetala ri raya langkanae. I Asipenasi sangaya-ngaya da mampaguru tau seʼe mobasa pai moʼuki basa Babeli.

DANIELI 1:20

Sangkani-sangkani i datu mawai pompeoasi anu da ndatotoraka pai da ndanawa-nawa, nakita totoraka pai parata ndaya ntau mangura aopo setu sampuyu ngkani peruu ngkadagonya ungka ri totoraka pai ponawa-nawa pura-pura topowati pai tau loʼe modoʼa-doʼa ri raya mpoparentanya.

DANIELI 2:27

Mesono i Danieli, “Pueku, bereʼe tau anu maria pangaincani, maria opo-opo, to pebolobiangi bara anu loʼe mampeole betuʼe anu mangkoto da mangantoʼoka komi kono inceʼe.

DANIELI 5:11

Maka ri raya ngkamokole mpueku reʼe sambaʼa tuama anu buke pai inosa waʼa lamoa anu magali. Sindara mpoparenta mpapa mpueku, tau setu tongawa mampotumpu pangaincani, parata ndaya pai loʼe ndaya, anu ewa kaloʼe waʼa lamoa. Papa mpueku Datu Nebukanesa mangalantimo siʼa mewali tadulako waʼa ntau loʼe montonaa, opo-opo, pai waʼa ntau anu maria pangaincani pai loʼe mampeole betuʼe.

DANIELI 5:15

Waʼa ntau loʼe pai anu loʼe ri opo-opo napebutuka mabasa uki seʼi pai da mangantoʼoka yaku posokinya. Paikanya bareʼe nakoto ntau seʼe.