DANIELI 5:23 - Sura Magali Nuntu Ngkatuwu

²³ Komi mobangke-bangke ri suara i mPue ri suruga pai makoje mampokau ndakeni mpesua waʼa mangko anu ndapamurumo ungka ri Banua i mPue. Nepa komi sangkani pai waʼa ntau bangke, waʼa rongo pai waʼa rongo piara mampanginumo waʼa mangko setu. Komi mangaunde-unde waʼa lamoa anu ndapowia ungka ri wuyawa, salaka, tambaga, besi, kaju pai watu, waʼa lamoa anu bareʼe nakoto meole, bara mompedongeka pai bareʼe naincani bara nunjaa-njaa. Pueku bareʼe mantubunaka i Pue Ala anu mampakanoto tuwu bara mate komi pai mampakanoto jaya ngkatuwu mpueku.

DANIELI 5:23 Referans Kwoze

AYUBI 12:10

Pura-pura anu moʼinosa Sira anu mampatuwu; Sira anu makuasa ri inosa ntolino pura-pura.

DANIELI 4:37

Mewali seʼi-seʼi yaku, i Nebukanesa, maunde, mabangkei pai mampapeawa Datu Ncuruga. Pura-pura powia-A anu monco pai mayoa, pai Sira mangkoto mangkodisi tau anu mobangke-bangke.

Yeremia 10:23

Pue, kuincani bereʼe mau sambaʼa tau anu makuasa, anu mampakanoto katuwunya bara da mantoʼo jaya ngkatuwunya.

Yesaya 37:23

Ara nuincanimo isema anu nupepepara pai anu nupetikodi setu? Yaku, Pue Ala nto Isaraeli, Pue Ala anu magali.

Yesaya 2:12

Ri eo setu i Pue Anu Makuasa da mampapeʼuru pura-pura anu mobangke-bangke pai mekiunde.

Yeremia 50:29

Ndatoʼo i mPue, “Pokaumo waʼa ntopopana maungku Babeli. Iowaka waʼa ntau anu loʼe mepana. Ndilimbu kota setu pai neʼe ndiwai mau sambaʼa tau anu lapa. Pesawaki pura-pura powianya pai powiamo ri siʼa silulu pai powianya, maka tau seʼe baleparu ri Yaku, Anu Magali, Pue Ala pue nto Isaraeli.

PATADA 20:24

I Pue roomo mampakanoto jaya ngkatuwu ntolino ri wawo lino seʼi; inceʼe painaka tolino bareʼe da naincani jaya ngkatuwunya ngkalionya.

AYUBI 31:4

Manoto ndaincani i mPue Ala waʼa mpowiaku; ndakita pura-pura wia mbitiku.

Ibrani 4:13

Bereʼe sako sangaya anu tuwu anu tesambuni ungka pangkita mPue Ala. Pura-pura setu da tebulere ri kayosa-yosanya ri suara mPue Ala. Pai kita sangaya-ngaya da mabulere pura-pura ri suara-A.

Yesaya 37:19

Waʼa lamoa ntau seʼe natunju pai nalesaki, maka waʼa lamoa setu bereʼe liu-liu kuasanya. Tau seʼe podo turuki ungka ri kaju pai watu powia mpale ntolino.

Masmur 139:3

Komi mangkita yaku, sindara yaku motetala bara sindara yaku meosa, Komi ndiincani pura-pura anu kupowia.

2 RAJA-RAJA 14:10

Mewali siko Amasia mekiundemo, ua nukotomo yau manangi to Edomi. Ara bareʼepa gana penangimu setu? Moruana karoo-roomo ri banuamu! Wenu painaka nupepali tetala anu podo da mampakarugi koromu pai palilimu?”

1 Timotius 3:6

Sambaʼa topombawanaka dompu bareʼe maya tau anu nepa pesuanya to Kerisitu, maka da mobangke-bangke painaka tetadeasi ewa i Majaʼa owi.

1 Korintus 8:4

Kamonconya mangkoni pangkoni anu roomo ndapanyombaka ri lamoa, manoto taincani lamoa setu bereʼe. Pai taincani woʼu i Pue Ala podo sambaʼaja; bereʼe anu ntaninya.

Palaong mPomakau i mPue Yesu 17:25

Sira bareʼe da merapi tulungi ri tolino, maka Siramo anu mawai katuwu inosa pai mpengaya-ngaya ri tolino.

HABAKU 2:4

Pai neʼe nukalingani; tau anu majaʼa bareʼe da tesorepaka, paikanya tau anu mawianaka pepokono mPue Ala da tuwu ua katodonya ri Pue Ala.”

YEHESIKIELI 31:10

Inceʼe painaka Yaku, Pue Anu Ndate ri Peawanya, mangatoʼoka siko nunjaa anu da mewali ri puʼu ngkaju anu yoyonya meyapi limu setu. Maka kakondate-ndateka kako mobangke-bangkemo siʼa.

YEHESIKIELI 28:17

Kadolidi ntaʼamu anu mampapobangke-bangke siko pai katetoʼomu mampapopuʼu siko mawianaka powia anu majaʼa. Inceʼe painaka siko kupedasaka ri tana pai kupapewali patiendo ri waʼa mokole ntaninya.’ ”

YEHESIKIELI 28:5

Lawi siko loʼe mobalu-balu painaka seʼi-seʼi koreʼemo mpodago, pai kakoreʼemu setu anu mampapobangke-bangke siko!’ ”

YEHESIKIELI 28:2

“Ee tolino anu podo awu ntana, toʼoka i mokole Tirusi, nunjaa anu da kutoʼoka siʼa, Yaku Pue Anu Ndate ri Peawanya, ‘Ri pobangke-bangkemu nuepe koromu ewa lamoa anu ri gadera mpoparentanya ri tongo ntasi. Madago seʼe siko da moʼengko ewa lamoa paikanya neʼe nukalingani siko podo tolino biasa.

Yesaya 42:5

I Pue Ala anu mampapewali pai mangabini yangi; Sira anu mantari lino pai pura-pura anu tuwu ri wawonya. Sira anu mawaika tolino inosa ngkatuwu pai sumanga. Sira anu mamparata patada ri taua ewaseʼi,

Yesaya 33:10

Ndatoʼo i mPue ri banca setu, “Seʼi-seʼi Yaku da monggalemo pai da mawianakamo anu mampatongawa kakuasa-Ku.

Masmur 146:4

Ane mate tau seʼe, mewalili muni tana; ri eo setu pura-pura tinako ndayanya paya.

Masmur 115:16

Yangi podo i Pue tumpunya, paikanya lino ndapepombaika ri tolino.

Masmur 104:29

Ane metorobaka komi, merata eka ndaya ntau seʼe; ane nditima inosanya magero tau seʼe mewali awu ewa ri tepuʼunya.

TADULAKO 16:23

Ri anu sandeme mompasambakamo waʼa ntau anu makuasa ri oyo nto Pelisiti da mampareʼe posusa pai da mampareʼe panyomba anu bangke tila i Dagoni lamoa ntau seʼe. Mongayu-ngayu tau seʼe maunde-unde lamoa ntau seʼe, natoʼo, “Lamoata mawaimo penangi ri kita, ta nangimo i Simeso iwalita setu!”

Pomulanya 14:19

nepa nadonco i Burahima natoʼo, “Mbolimo i Pue Ala Anu Ndate ri Peawanya, anu mampapewalimo yangi pai lino, mangadonco i Burahima!

Pomulanya 2:7

Ungka lairia ndatima i mPue Ala tana sakodi, nepa ndalemo mewali tolino, roo setu nepa ndatawuisika inosa ri bolo engonya; painaka tuwumo tolino setu.

Pangkita 9:20

Paikanya waʼa yabi ntolino anu bareʼe majea ungka waʼa mpowianya, napari-pari ntau seʼe manyomba ri inosa majaʼa, pai ri waʼa lamoa wuyawa, salaka, tambaga, watu pai kaju anu bareʼe momata, bareʼe motalinga pai anu bareʼe nakoto melinja.

Yesaya 13:11

Ndatoʼo i mPue, “Yaku da mangahuku lino ua kajaʼanya, pai waʼa ntau majaʼa ua waʼa ncalaa ntau seʼe. Osema anu mekiunde da ndapetikodi, tau mobangke-bangke pai masii da ndahuku.

Yesaya 14:13

Siko mantunggai da mepone ri yangi paiu da mampotunda gadera mpoparentamu ri wawo betuʼe anu ndateka! Nusarumaka da nuleʼo motunda mewali mokole ri wawo buyu tondo utara kareʼe waʼa lamoa mompasambaka.

Yeremia 48:26

Ndatoʼo i mPue, “Ndipowiamo Moabi naka yangu, maka siʼa mobangke-bangke ri Yaku. Siʼa da metaduli ri luanya, pai da napopogeleka ntau.

1 Samuel 17:26

Natoʼo i Daudi, “Pai makoje kojo to Pelisiti topolamoa setu surodado i mPue Ala Anu Tuwu!” Mesono woʼu i Daudi ri surodado sambaʼa natoʼo, “Ara nunjaa saro anu da ndawaika tau anu mangkoto mampepate to Pelisiti setu, da mantandori mampetikodinya to Isaraeli?”

1 Samuel 17:36

Mewali Mokole, yaku roo mampepate singa bara beruangi, pai to Pelisiti topolamoa setu woʼu siwia pai waʼa mpinatuwu anu masii, maka tau setu makoje gaga mampetikodi surodado i mPue Ala Anu Tuwu.

Yeremia 50:28

Waʼa ntau anu njoʼu ri Yerusale ungka ri Babeli mangampau ewanbeʼi Pue Ala pueta mampesawaki powia nto Babeli ri Banua i mPue.)

DANIELI 8:11

Naewa sako tadulako ncurodado ncuruga, napapeʼ onto pawianaka pawai panyomba saeo-saeo ndapanyombaka ri tadulako setu, pai maruasi banua mpanyomba ri siʼa.

DANIELI 11:12

Inceʼe painaka da mekiunde siʼa ua penanginya pai ua napangkoto mampepate iwalinya anu sondo, paikanya siʼa bareʼe da makuasa mpaliu.