DANIELI 5:2 - Sura Magali Nuntu Ngkatuwu

² Sindara tau seʼe manginu-nginu, nasongka i Belisasari tau da mangantima waʼa mangko wuyawa pai salaka anu napamurumo mpapanya i Nebukanesa ungka ri raya Banua i mPue ri Yerusale. Tangara ndaya i Datu Belisasari da naka waʼa ntau bangke setu pai waʼa rongonya, waʼa rongo piaranya pai siʼa ngkalionya, da mampanginu waʼa mangko setu.

DANIELI 5:2 Referans Kwoze

DANIELI 1:2

I Pue masintuwunaka siʼa manganangi i Mokole Yoyaki, pai mampamuru santila waʼa aga-aga anu masuli ri Banua i mPue. Waʼa ntau anu natawani, nakeni ri banua lamoanya ri Babeli, pai waʼa aga-aga anu napamuru setu nadika ri raya ngkareʼe waʼa mparewa banua lamoa setu.

2 RAJA-RAJA 24:13

Pura-pura waʼa mparewa wuyawa anu napareʼe i Mokole Salomo ri Banua i mPue najaʼati i Nebukanesa nepa pura-pura aga-aga anu masuli olinya ri Banua setu pai anu ri raya langkanae ndakeni njoʼu ri Babeli. Pura-pura setu tepewali silulu pai anu roomo ndatoʼo i mPue.

DANIELI 5:23

Komi mobangke-bangke ri suara i mPue ri suruga pai makoje mampokau ndakeni mpesua waʼa mangko anu ndapamurumo ungka ri Banua i mPue. Nepa komi sangkani pai waʼa ntau bangke, waʼa rongo pai waʼa rongo piara mampanginumo waʼa mangko setu. Komi mangaunde-unde waʼa lamoa anu ndapowia ungka ri wuyawa, salaka, tambaga, besi, kaju pai watu, waʼa lamoa anu bareʼe nakoto meole, bara mompedongeka pai bareʼe naincani bara nunjaa-njaa. Pueku bareʼe mantubunaka i Pue Ala anu mampakanoto tuwu bara mate komi pai mampakanoto jaya ngkatuwu mpueku.

2 RAJA-RAJA 25:15

Waʼa mparewa wuyawa pai salaka, tesua waʼa mangko kodi, pai waʼa ntabo padika waa apu narurusi i Nebusarada ngkalionya.

DANIELI 5:18

I Pue Ala Anu ndate ri Peawanya anu mampapewali papami i Nebukanesa datu anu bangke pai mangawaika sira kabangke pai katetoʼo.

DANIELI 5:13

Inceʼe painaka ganggara ndakeni i Danieli mancuara i datu. Nepa meoasi idatu ri siʼa ndatoʼo, “Bara sikomo i Danieli, to Yahuda anu ndatawani, anu ndakenimo mpapaku ungka ri tana Yahuda?

DANIELI 5:11

Maka ri raya ngkamokole mpueku reʼe sambaʼa tuama anu buke pai inosa waʼa lamoa anu magali. Sindara mpoparenta mpapa mpueku, tau setu tongawa mampotumpu pangaincani, parata ndaya pai loʼe ndaya, anu ewa kaloʼe waʼa lamoa. Papa mpueku Datu Nebukanesa mangalantimo siʼa mewali tadulako waʼa ntau loʼe montonaa, opo-opo, pai waʼa ntau anu maria pangaincani pai loʼe mampeole betuʼe.

DANIELI 5:4

Seʼi manginu, tau seʼe mangaunde-unde waʼa lamoa anu ndapowia ungka ri wuyawa, salaka, tambaga, kaju pai watu.

Yeremia 52:19

Waʼa mparewa wuyawa pai salaka, tesua waa mangko anu masiwu pai kareʼe waʼa apu, waʼa mangko kareʼe mpadika daa mpinatuwu anu ndasambale da ndapanyombaka, kareʼe anu, witi ncilo, waʼa mangko anu dupa, waʼa mangko pantawa panyomba ue anggoro, pura naparuru i Nebusarada ngkalionya.

Yeremia 27:7

Pura-pura banca da meʼuru ri siʼa, ri ananya pai makumpunya rantani rata tempo da kanawu ngkamokolenya ngkalionya. Ri tempo setu banca Babeli da meʼuri ri waʼa banca anu maroso pai waʼa mokole anu bangke.

2 Tawarikh 36:18

Waʼa mparewa Banua i mPue pai waʼa mparewa ri rayanya anu masuli, ewanceʼe seʼe aga-aga i mokole pai waʼa mpegawainya napamuru i datu Babeli nakeni ri Babeli.

2 Tawarikh 36:10

Ri pombesawani ntaʼu, nakeni woʼu i Datu Nebukanesa i Yoyahi ri Babeli mewali tawani, pai waʼa aga-aga anu masuli ri raya Banua i mPue napamuru woʼu. Ungka lairia nalanti i Nebukanesa i Sedekia tama i Yoyahi mewali mokole nto Yahuda pai Yerusale.

2 Tawarikh 15:16

Ungka lairia napapenaʼu i Mokole Asa tuʼanya i Maʼaka, ungka ri lantinya Ine Lemba, maka siʼa anu mampowia turuki lamoa mposalara, dewi ngkalimbokori ntana. Nalesaki i Asa turuki Asera setu pura-pura nepa napanowa ri Ngoyo ngKidero.

2 Tawarikh 11:20

Morongo woʼu i Rehabea pai Maʼaka ana i Abisalo. Narata ntau seʼe aopo ana tuama inceʼemo: i Abia, i Atai, i Sisa pai Selomi.

2 Samuel 9:7

Natoʼo woʼu i Mokole Daudi, “Neʼe maeka rayamu! Mapuru rayaku ri siko, ua kadago ndaya mpapamu i Yonata. Pura-pura tana ngkaimu i Saulu, da kupapewalili ri siko pai siko sangkarate ntinuwumu maya marata pangkoni ungka ri langkanae.”

ESIRA 5:14

Pai napapewalili woʼu pura-pura parewa wuyawa pai salaka anu ndapake ri Banua i mPue pai pura-pura anu napamuru i Nebukanesa ungka ri Yerusale anu nadika ri raya banua lamoanya ri Babeli. Waʼa mparewa setu napepombaika i Datu Koresi ri tau sambaʼa i Sesabasari toʼonya. Siʼa ndalanti mewali petoro Yahuda.

Yeremia 50:35

Ndatoʼo i mPue, “Mageromo Babeli sangkani pai palilinya pai topoparentanya sangkani pai waʼa ntau loʼenya!

DANIELI 5:3

Ganggara waʼa mangko setu ndakeni ri siʼa, nepa manginu anggoro tau seʼe pura-pura mampake waʼa mparewa mpanginu setu.

DANIELI 5:30

Ri wengi setu seʼe ndapepate i Belisasari datu nto Babeli setu.