DANIELI 5:19 - Sura Magali Nuntu Ngkatuwu

¹⁹ Ewancetumo kabangkea painaka painaka waʼa ntau ungka ri mpengaya-ngaya banca, lemba, pai basa, kandende-ndende pai maeka ri sira. Ane da raya mampepate tau, ndapepate ewanceʼemo seʼe tau seʼe. Pai ane da rayaa mancorepaka sambaʼa tau, ndasorepaka tau setu. Sira anu mangabangkei pai mangangkodisi isema ntano malulu pepokonoa.

DANIELI 5:19 Referans Kwoze

DANIELI 3:6

Pai bara isema anu bareʼe mawianaka songka seʼi, liu-liu da ndatendeka ri tongo apu mareka-reka.”

DANIELI 3:4

meboomo tau anu ndapopokau i datu marimbo oni nganganya natoʼo, “Ee waʼa ngkasangkompo ungka ri waʼa banca, lemba pai basa! Pedongeka songka i datu seʼi:

Roma 13:1

Pura-pura tau sangaya-ngaya da medonge ri topoparenta, maka bereʼe topoparenta anu bareʼe marata kuasa ungka ri Pue Ala. Pai waʼa ntopoparenta anu reʼe wawaseʼi, mampapelinja kuasanya ua songka ungka ri Pue Ala.

Yohanes 19:11

Mesono i Yesu, “Ane bareʼe ndapepombaika i mPue Ala ri siko, siko bereʼe kuasamu ri Yaku. Inceʼe puʼunya painaka tau anu mampepombaika Yaku ri siko anu meruu ngkabangke ncalaanya painaka siko.”

HABAKU 2:5

Kakoreʼe setu bareʼe bali-bali mambambasi tau. Tau bagagu mekiunde pai bereʼe karodo ndayanya. Ewa kapate, siʼa seʼi bereʼe kaʼosa ndayanya; ungka ri banca anu sambaʼa njoʼu ri banca anu sambaʼanya napanggurarusi.

DANIELI 4:22

Boo pueku, puekumo puʼu ngkaju anu malangkati pai maroso setu. Kabangke mpueku teranga-rangani sawi ri yangi pai kakuasa mpueku tebini rata ri tando lino.

DANIELI 3:29

Inceʼe painaka kupesongkaka ri sambaʼa-sambaʼa tau ungka ri banca, lemba banca bara basa nunjaa ntano, anu mampasowa pau pompetikodi ri Pue Ala anu napanyomba i Sadara, i Mesa pai i Abenego, da ndasasa pai banuanya da ndadungkalaka pai da mewali awu. Maka bereʼe lamoa anu mangkoto da mangawianaka nunjaa anu roo ndawianaka mPue Ala setu.”

PATADA 16:14

Karau ndaya i mokole inceʼe ewa bambari mpopahuku mate; tau anu loʼe mampari-pari da mampakamongku!

Pangkita 5:9

Tau seʼe mongayu mampongayuka ngayu dawoʼu: “Komi singkana mantima sura setu pai da mamposoki waʼa ncegelinya. Maka Komi roo ndapepate, pai ua kapate-Mi, tolino ungka ri mpengaya-ngaya negara, pai banca pai negara roomo Ndioli tila i mPue Ala.

2 RAJA-RAJA 25:28

madago powianya ri Yoyakini. Siʼa nadika meruu ri waʼa Mokole ntaninya anu njau ndatawani ri Babeli.

YEHESIKIELI 31:11

Inceʼe painaka Yaku bareʼemo mantarima siʼa pai da mampepombaika siʼa ri kuasa ntau ntaninya, anu da mampowia siʼa sintimba pai kajaʼanya.

DANIELI 4:17

Incetumo botusi mami, kami waʼa malaʼeka anu tikali pai mainga-inga mpaliu. Tinako ndaya mami inceʼemo da naka waʼa ntau ri mbeʼi ntano kareʼenya da mangaʼaku, i Pue Ala Anu Ndate ri Peawanya, makuasa ri wawo ngkuasa kamokole ntolino pai kamokole setu da ndawaika isema ntano anu ndapilisi, bara ri tau anu bereʼe kojenya ntano!’

DANIELI 11:3

Ungka lairia da meoko sambaʼa mokole anu maroso. Siʼa da mangamparenta sambaʼa kamokole anu maʼai ngkabangke pai da mowia malulu pepokononya.

DANIELI 11:16

Datu ntana utara setu da mowia gori mpepokononya, maka beliu-liu reʼe peewa mau sakodi. Siʼa woʼu da mampotundasi tana anu madolidi pai mangkuasai pura-pura.

DANIELI 11:36

Datu ntana utara da mowia gori mpepokono ndayanya. Ri pobangke-bangkenya da natoʼo kasiʼanya anu meruu ngkabangkenya pai lamoa mbeʼi ntano, sako pai Pue Ala Anu Nate ri Peawanya siʼapa anu meruu ngkabangke. Siʼa da nakoto mowia ewanceʼe rantani pura karau ndaya i mPue Ala. Maka nunjaa anu roo ndapakanoto i mPue Ala sangaya-ngaya da tewianaka riunya.

TOPOTUNTU 8:3

I mokole nakoto mowia malulu pepokononya, ane bareʼe napokono siko, muroana tilawangi siʼa.

DANIELI 4:19

Madonge inceʼe i Danieli anu ndapapotoʼo woʼu i Belitasari, tesaluntengku pai jingki rayanya sambinoro. Inceʼe painaka yaku, Datu Nebukanesa mompau ri siʼa kutoʼo, “Belitasari, neʼe mapari rayamu ua pangipi pai posokinya setu.” Mesono i Belitasari natoʼo, “Pueku, sangkadagonya ane rapanya anu natoʼo mpangipi setu da mampere waʼa iwali mpueku pai neʼe ri komi.

DANIELI 11:12

Inceʼe painaka da mekiunde siʼa ua penanginya pai ua napangkoto mampepate iwalinya anu sondo, paikanya siʼa bareʼe da makuasa mpaliu.