DANIELI 5:16 - Sura Magali Nuntu Ngkatuwu

¹⁶ Nepa kudonge mpinca kasikonya anu mangkoto mangabulere waʼa rahasia pai mangangkaresaka waʼa anu mapari. Ane nukoto mangabasa uki seʼi pai mangantoʼoka yaku posokinya, siko da kuwaika rengko ngkamokole inceʼemo juba makodara pai enu wuyawa tanda ngkatetubunaka. Pai siko da kulanti mewali tau anu katatogo makuasa ri raya ngkamokoleku.”

DANIELI 5:16 Referans Kwoze

DANIELI 5:7

Mekiu siʼa, mamperapi da naka waʼa ntopotonaa, to poʼopo-opo, anu loʼe mampeole betuʼe ndapeboo. Ri karata ntau seʼe, natoʼo i datu, “Isema ntano anu mangkoto mangabasa uki setu pai mangantoʼoka yaku posokinya, da kuwaika siʼa rengko ngkamokole inceʼemo juba makodara pai enu wuyawa tanda ngkatetubunaka. Pai siʼa da kulanti mewali tau anu katatogo anu makuasa ri raya ngkamokoleku.”

DANIELI 5:29

Madonge inceʼe, ganggara napokau i Belisasari waʼa mpegawainya da naka mampaporengkoka i Danieli juba anu makodara pai mampapogonggaka siʼa ri leʼenya enu wuyawa. Nepa ndalanti i Danieli mewali tau anu katatogo makuasa ri kamokolenya.

Pomulanya 40:8

Mesono tau seʼe natoʼo, “Ingena mawengi kami mangipi, pai bereʼe anu maincani posokinya.” Natoʼo i Yusupu, “Podo i Pue Ala anu da mampapaincanika tau posoki mpangipi. Koisa pepau pangipimu setu.”

Palaong mPomakau i mPue Yesu 8:18

Nakita i Ncimo pewalinya ewanceʼe, ua popadonco waʼa ncuro ri wawo ntanoana ntau seʼe painaka tau seʼe marata Inosa mPue Ala. Painaka njoʼu siʼa madadu i Peturu pai i Yohane, nawaika tau seʼe doi,

Pomulanya 41:15

Natoʼo i datu ri siʼa, “Yaku mangipi, paikanya bereʼe mau sambaʼa tau anu mangkoto mantotoraka posokinya. Reʼe anu mantoʼoka yaku, siko nukoto mantotoraka posoki mpangipi.”

DANIELI 2:6

Paikanya ane ndikoto mantoʼo, da kuwaika komi hadia anu meawa sangkani pai katetubunaka anu bangke. Mewali seʼi-seʼi nditoʼokamo yaku pangipiku setu sangkani pai peolanya!”

DANIELI 2:48

Inceʼe painaka nawaika i Danieli lanti anu ndateka, nawaika woʼu mpengaya-ngaya pombai anu meawa kojo, pai ndalanti mewali petoro Babeli, pai napapewali tadulako ri pura-pura topontotoraka ri langkanae.

DANIELI 6:2

I Dariusi mantila-ntila kamokolenya mewali saatu ruampuyu poropenci anu naparenta sambaʼa petoro.