DANIELI 5:11 - Sura Magali Nuntu Ngkatuwu

¹¹ Maka ri raya ngkamokole mpueku reʼe sambaʼa tuama anu buke pai inosa waʼa lamoa anu magali. Sindara mpoparenta mpapa mpueku, tau setu tongawa mampotumpu pangaincani, parata ndaya pai loʼe ndaya, anu ewa kaloʼe waʼa lamoa. Papa mpueku Datu Nebukanesa mangalantimo siʼa mewali tadulako waʼa ntau loʼe montonaa, opo-opo, pai waʼa ntau anu maria pangaincani pai loʼe mampeole betuʼe.

DANIELI 5:11 Referans Kwoze

DANIELI 4:18

Ee, Belitasari inceʼemo pangipiku. Mewali seʼi-seʼi toʼokamo yaku nunjaa peolanya. Maka bereʼe mau sambaʼa ungka ri oyo waʼa ntau anu loʼe anu reʼe ri poparentaku anu mangangkoto mangantoʼoka yaku, paikanya siko da nukoto, maka siko buke pai waʼa inosa lamoa anu magali.”

DANIELI 5:14

Kudonge siko buke pai waʼa inosa lamoa anu magali, pai kasikonya mampotumpu kaloʼe, parata ndaya, pai loʼe anu bereʼe kasiwianya.

Pangkita 3:9

Ndiendomo inceʼi: Waʼa ntau anu mewali palili i Majaʼa setu, waʼa ntau kambamba-mbamba anu mangaku to Yahudi ntanoka banya, da kupowia tau seʼe rantani rata mombukotu ri suarami. Pai da napaincani ntau seʼe kayakunya mampotowe komi.

Palaong mPomakau i mPue Yesu 12:22

Padonge ntau sondo pompau i Herode, meboo-boo tau seʼe marimbo oni nganganya natoʼo, “Inceʼi oni nganga i lamoa, banya oni nganga ntolino!”

DANIELI 2:11

Komi mantangara ndaya sangaya anu maʼai kaparinya. Bereʼe mau sambaʼa tau anu mangkoto da mangabangani banya mantoʼo waʼa lamoa, paikanya tau seʼe bereʼe ri oyo ntolino.”

2 Samuel 14:17

Kupoaya monco kojo janjimi seʼi Mokole da mancorepaka yaku, maka komi Mokole ewa malaʼeka i mPue Ala, anu mangkoto mampaposisala mbeʼi anu madago pai anu majaʼa. Mbolimo i Pue Ala puemi da mangkariani komi Mokole!”

Palaong mPomakau i mPue Yesu 16:16

Mewali ri anu sandeme sindara kami njoʼu ri kareʼe mpekakai, momberata kami pai sambaʼa weʼa; siʼa setu anamayunu. Weʼa setu nakuasai nceta anu mangkoto mampakanoto waʼa nunjaa anu da mewali ripurinya. Nakoto mampeole were ngkatuwu ntau sambaʼa pai sambaʼa. Ua potetalanya anu ewanceʼe mampaporasimo waʼa puenya.

Palaong mPomakau i mPue Yesu 14:11

Pangkita ntau sondo anu napowia i mPaulu setu, meboo-boo tau seʼe ri basa Likaoni natoʼo, “Menaʼumo waʼa lamoa ri oyota motaʼa ewa tolino!”

Pomulanya 41:38

Nepa natoʼo i datu ri tau seʼe, “Bareʼe da reʼe tarata tau ntaninya anu da meruu ungka ri Yusupu, maka siʼa ndawawanaka Inosa mPue Ala.”

YEHESIKIELI 28:3

Nusarumaka siko meruu kaloʼemu pai i Danieli painaka bereʼe rahasia anu da tesambunika ri siko.

DANIELI 1:4

Tau seʼe setu sangaya-ngaya da waʼa ntau mangura anu bereʼe posarinya. Tau seʼe sangaya-ngaya da madolidi, ndateka sikolanya, loʼe da gana-gana pangaincaninya pai singkana kojo da motetala ri raya langkanae. I Asipenasi sangaya-ngaya da mampaguru tau seʼe mobasa pai moʼuki basa Babeli.

DANIELI 2:22

Sira anu mampatongawa rahasia anu maʼai ngkatesambuni. Sira ndaincani pura-pura anu mewali ri raya mbani. Sira nakulamuti rara anu mangkido.

DANIELI 5:7

Mekiu siʼa, mamperapi da naka waʼa ntopotonaa, to poʼopo-opo, anu loʼe mampeole betuʼe ndapeboo. Ri karata ntau seʼe, natoʼo i datu, “Isema ntano anu mangkoto mangabasa uki setu pai mangantoʼoka yaku posokinya, da kuwaika siʼa rengko ngkamokole inceʼemo juba makodara pai enu wuyawa tanda ngkatetubunaka. Pai siʼa da kulanti mewali tau anu katatogo anu makuasa ri raya ngkamokoleku.”

YEHESIKIELI 28:4

Nupake loʼe ndayamu pai nawa-nawamu da mampasambaka aga-aga, wuyawa pai salaka.

DANIELI 4:5

Paikanya ri anu sambengi sindara ntongo lintu yore, yaku mangipi mangkita pepatongawa anu maʼai pampakaʼipunya rayaku.

DANIELI 4:6

Nepa kupeboo waʼa ntau loʼe anu reʼe ri Babeli da mangantotorakaka yaku peola mpangipi seʼe.