DANIELI 4:3 - Sura Magali Nuntu Ngkatuwu

³ Maʼai ngkabangke tanda ngkuasa anu ndawianaka! Maʼai kojo ndapampojingki anu ndawianaka! Pue Ala anu mewali mokole rantani masae-sae. Sira makuasa rantani pusa lino.”

DANIELI 4:3 Referans Kwoze

Masmur 145:13

Poparenta-Mi todo rantani pusa lino, kuasa-Mi bareʼe bali popalapi-lapi tau. I Pue ri pura-pura janjia, buke towe ri mpengaya-ngaya powiaa.

DANIELI 2:44

Ri tempo mpoparenta waʼa mokole setu, i Pue Ala ri suruga mangampatunda sambaʼa kamokole anu da todo rantani masae-sae, pai bareʼe da reʼe banca anu mangkoto manganangi. Kamokole setu da mangagero pura-pura kamokole anu ntaninya setu.

Yesaya 25:1

Pue, Komi Pue Ala pueku, kubangkei Komi pai kuunde toʼomi. Maka waʼa mpowiami anu ndapojingki; Komi mantunggai ndayamo ungka ipiamo, pai mangawianaka ri katodomi.

DANIELI 7:14

Siʼa ndawaika katetubunaka pai kuasa ewa mokole, painaka waʼa ntau ungka ri mpengaya-ngaya banca, lemba pai basa meʼuru ri siʼa. Kakuasanya da toa rantani masae-sae, pai poparentanya bareʼe da posa.

Pangkita 11:15

Malaʼeka anu kapapitu mantawuisi surupetanya, ndadonge waʼa oni nganga anu marimbo kojo ungka ri suruga anu mantoʼo, “Kuasa anu da mamparenta lino seʼi-seʼi reʼe ri pale mPueta Mokole Tadungkadago anu ndajanjika kita. Sira da moparenta rantani masae-sae!”

Ibrani 1:8

Paikanya ri Ana-A setu ndatoʼo i mPue Ala, “Gadera mpoparenta-Mu, oo Pue Ala da rantani masae-saenya! Poparenta-Mu inceʼe poparenta anu mayoa.

1 Timotius 1:17

I Pue Ala makuasa ri pura-pura tempo, anu singkana ndatubunaka pai ndaunde. Sira anu bareʼe da reʼe kapusanya, anu bareʼe takita mata pai anu sambaʼa-mbaʼa! Ami.

DANIELI 7:27

Kuasa pai kabangke waʼa ngkamokole ri lino da ndawaika waʼa ntau i mPue Ala Anu Ndate ri Peawanya. Kuasa ntau seʼe da moparenta bereʼe kapusanya pai pura-pura anu makuasa ri lino meʼuru ri tau seʼe ri pepoʼinaya.”

1 Petrus 4:11

Tau anu mampetumbu bambari, da napetumbumo bambari ungka ri Pue Ala; tau anu mamporiokoi tau ntaninya, da naporiokoimo ua roso ungka ri Pue Ala, da naka ri pura-puranya anu ndiwianaka seʼe da tongawa i Pue Ala anu ndabangkei mampoliu i Yesu Kerisitu. Siramo anu makuasa anu singkana da ndabangkei rantani masae-sae. Ami.

Ibrani 2:4

Terangani woʼu, i Pue Ala mampakaroso posabi waʼa ntau setu ri pampatongawa mpengaya-ngaya petondoni anu ndapojingki pai bareʼe mesua ri nawa-nawa, pai pantila-ntila waʼa mpombai mpuru ndaya ungka ri Inosa mPue Ala silulu pai pepokono-A.

Yeremia 10:10

Paikanya Komi Pue, Pue Ala anu monco, Pue Ala anu mawai katuwu, Mokole anu bereʼe tepuʼu pai kapusanya. Ane marau Komi moenggo lino, ane masengke Komi waʼa banca bareʼe da toa. (

Masmur 105:27

Ri tana Masiri natuju ntau seʼe waʼa anu ndapojingki, waʼa mpowia anu bangke ungka ri Pue,

DANIELI 4:17

Incetumo botusi mami, kami waʼa malaʼeka anu tikali pai mainga-inga mpaliu. Tinako ndaya mami inceʼemo da naka waʼa ntau ri mbeʼi ntano kareʼenya da mangaʼaku, i Pue Ala Anu Ndate ri Peawanya, makuasa ri wawo ngkuasa kamokole ntolino pai kamokole setu da ndawaika isema ntano anu ndapilisi, bara ri tau anu bereʼe kojenya ntano!’

Yesaya 28:29

Kaloʼe setu ungka ri Pue Ala Anu Makuasa popuʼunya. Pura-pura tinako ndaya i mPue madago pai reʼe polantonya.

Yesaya 9:7

Roomo ndapakanoto i mPue huku tila ngkamokole nto Isaraeli.

Masmur 104:24

Ara mariasa powia mpale-Mi, Pue, pura-pura ndipapewali ri kaloʼe pampasilolongani; lino buke pai anu ndipapewali.

Masmur 92:5

Maka powiami mampakawongko rayaku, yaku mongau mawongko raya ua waʼa mpowia mpalemi.

Masmur 86:10

Maka Komi maroso pai waʼanyamo Komi Pue Ala anu mawianaka waʼa ntanda ngkuasa.

Masmur 77:19

Gundu monduruku, mesindi kila, moenggo pai monjua lino.

Masmur 72:18

Undemo i Pue, Pue Ala pue nto Isaraeli! Podo Sira anu mampowia waʼa anu da ndabangkei.

Masmur 66:7

Sira moncongka pai kuasaa rantani masae-sae. Ndipetiro waʼa banca, da naka waʼa ntau anu meewa bareʼe nakoto baleparu ri suaraa.

Ulang 4:34

Bara da reʼe sambaʼa lamoa anu mangkoto da malapasaka banca ungka ri kuasa waʼa banca ntaninya anu maroso nepa napapewali sambaʼa banca anu da mewali taunya. Ewa anu ndapowia i mPue Ala puemi ri to Masiri ua komi? Ndikita ngkaliomi ewambeʼi i Pue Ala ua roso ngkuasa anu bangke mampareʼe pejeani pai poʼiwali pai mampareʼe waʼa tanda ngkuasa anu ndapojingki.

Roma 11:33

Ewanceʼe ntano peawa ngkakoreʼe mPue Ala! Sira loʼe pai mayombu mponawa-nawa! Isema anu da mangkoto maluluwaka waʼa mpobotusi-A? Isema anu mangkoto da marata ndaya pawianaka-A tetala-A?

DANIELI 2:2

Inceʼe painaka napeboo waʼa ntau loʼe mowati pai tau loʼe ri potonaa, topopakuli pai waʼa ntau anu reʼe pangaincani da mantotoraka peola mpangipia.