DANIELI 4:25 - Sura Magali Nuntu Ngkatuwu

²⁵ Komi da ndairi ungka ri oyo waʼa ntolino pai da tuwu ri oyo waʼa mpinatuwu ri pada. Ri raya anu papitu ntaʼu kasaenya komi da mangaande ewo ewa japi pai da yore ri tongo mpada, painaka da nayoʼosi ndini. Roo setu komi da mangaʼaku kaʼi Pue Alanya Anu Ndate ri Peawanya anu makuasa ri wawo ngkamokole ntolino, pai kamokole setu da ndapepombaika ri sema ntano anu ndapilisi.

DANIELI 4:25 Referans Kwoze

DANIELI 4:17

Incetumo botusi mami, kami waʼa malaʼeka anu tikali pai mainga-inga mpaliu. Tinako ndaya mami inceʼemo da naka waʼa ntau ri mbeʼi ntano kareʼenya da mangaʼaku, i Pue Ala Anu Ndate ri Peawanya, makuasa ri wawo ngkuasa kamokole ntolino pai kamokole setu da ndawaika isema ntano anu ndapilisi, bara ri tau anu bereʼe kojenya ntano!’

Yeremia 27:5

“Ri kabangke ngkuasa-Ku pai karoso-Ku Kupapewali lino pai tolino sangkani pai waʼa mpinatuwu pai Kupepombaika ri sema anu kupokono.

Masmur 83:18

Mbolimo tau seʼe ndapakaea mpaliu pai maeka, mbolimo tau seʼe mate ri kajaʼanya.

DANIELI 2:21

Siramo anu mampakanoto katedikanaka ndaoa pai tempo, Sira anu mampapeʼonto pai malanti tau anu makuasa. Sira woʼu anu mangawai kaloʼe ndaya, pai mangawai parata ndaya.

Masmur 106:20

Tau seʼe mancawani i Pue Ala anu bangke pai turuki japi anu maande ewo.

Masmur 75:7

Maka pobotusi bareʼe da reʼe rata ungka ri pebetea bara ri kasoyoa banya woʼu ungka ri utara bara selata.

Masmur 103:19

I Pue moncongka ri suruga, Sira Mokole anu mangkuasai pura-pura.

DANIELI 2:37

Komi pue datu anu meawa, datu ri waʼa mokole; komimo anu meruu ngkakuasami, i Pue Ala ri suruga mangawaikamo komi kadatu seʼi, kakuasa, karoso pai peawa.

DANIELI 2:47

Ndatoʼo i datu, “Monco kojo Danieli. Pue Ala puemu setu maʼai ngkabangke ungka ri Pue Ala. Sira anu makuasa ri wawo waʼa datu, pai mampatongawa mpengaya-ngaya rahasia. Inceʼe tongawamo ri pangkotomu mantotoraka posoki rahasia seʼi.”

DANIELI 4:2

Da rayaku mangampauka komi anu ndapojingki pai tanda ngkuasa anu ndawianakamo i mPue Ala Anu Ndate ri Peawanya ri yaku.

DANIELI 4:16

Mbolimo nawa-nawa ngkatolinonya da mogumbali mewali nawa-nawa mpinatuwu ri raya anu papitu ntaʼu kasaenya.