DANIELI 4:22 - Sura Magali Nuntu Ngkatuwu

²² Boo pueku, puekumo puʼu ngkaju anu malangkati pai maroso setu. Kabangke mpueku teranga-rangani sawi ri yangi pai kakuasa mpueku tebini rata ri tando lino.

DANIELI 4:22 Referans Kwoze

2 Samuel 12:7

Mompau woʼu i Nata natoʼo, “Tau koreʼe setu komimo seʼe Mokole! Maka ewaseʼi pantoʼo i mPue, Pue Ala pue nto Isaraeli, ‘Kupatongkomo siko mewali mokole nto Isaraeli pai Kulapasakamo siko ungka ri pale i Saulu.

Pangkita 18:5

Maka salaanya mowawo-wawomo sawi ri yangi, pai ndaendomo i mPue Ala waʼa ngkajaʼanya.

Matius 14:4

Maka reʼe napanceko i Yohane i Herode natoʼo, bareʼe maya siʼa mamporongo rongo ngkasangkomponya.

Masmur 108:4

Pue, yaku mangaunde Komi ri oyo waʼa banca. Mawo rayaku da mongayu maunde Komi ri oyo waʼa ntolino.

Masmur 36:5

Podo jaʼa anu nanawa-nawa ri paturuanya; bereʼe dago anu nawianaka podo jaʼa anu napokono.

2 Tawarikh 28:9

Reʼe sambaʼa nabi i mPue anu mampotoʼo i Odedi maroo-roo ri kota Samaria. Sindara mpewalili ncurodado nto Isaraeli mangkeni tawani ungka ri Yahuda, natomu i Odedi tau seʼe ri kabareʼepanya mesua ri kota, natoʼoka tau seʼe, “Komi manangimo to Yahuda ua i Pue Ala pue ngkaimi mangkarausi tau seʼe. Paikanya ndaincani i mPue ewambeʼi kajaʼami mampepate surodado nto Yahuda.

Pomulanya 28:12

Ri kayorenya seʼe mangipimo siʼa, nakita ri raya mpangipinya seʼe reʼe sangkaju eja anu mompatunda puʼunya ri lino pai wuntunya sawi ri yangi, pai nakita woʼu waʼa malaeka pone panaʼu ri eja setu.

Pomulanya 11:4

Natoʼo ntau seʼe, “Maʼimo tapangawangu sambaʼa kota pai sambaʼa banua toaya anu sawi-sawi ri yangi wumbunya da naka tebambari kita pai bareʼemo da tesebu kita ri sambawo lino.”

YEHESIKIELI 17:3

anu Yaku, Pue Anu Ndate ri Peawanya da mangantoʼoka tau seʼe: Reʼemo sambaʼa tonci kuayangi anu bangke kojo, madolidi wuyunya mabini pai maroso paninya. Siʼa moyoko njoʼu ri buyu Libano, mangampati sambaʼa yoyo sampuʼu kaju cemara,

DANIELI 4:11

Puʼu ngkaju setu malangkati kojo; wotonya bangke pai maroso. Yoyonya sawi ri yangi painaka yosa napangkita ntau pura-pura ri sambawo lino.

DANIELI 4:21

Waʼa iranya marombo pai momberoe wuanya painaka gana nakoni waʼa bangani dunia seʼi. Waʼa mpinatuwu maila moyuku-yuku ri ara lerunya, pai waʼa ntonci mosea ri waʼa raʼanya.

DANIELI 4:36

Jabutu menaa muni rayaku, katetoʼoku pai peawaku pai katebambari ngkamokoleku ndapapewalili muni ri yaku, yaku nasuncu waʼa mpegawaiku pai waʼa ntau bangke, pai yaku ndapapewalili ri kamokoleku, pai peawaku maʼai woʼu kabangkenya ungka ri anu owi.

Yeremia 27:5

“Ri kabangke ngkuasa-Ku pai karoso-Ku Kupapewali lino pai tolino sangkani pai waʼa mpinatuwu pai Kupepombaika ri sema anu kupokono.

DANIELI 2:21

Siramo anu mampakanoto katedikanaka ndaoa pai tempo, Sira anu mampapeʼonto pai malanti tau anu makuasa. Sira woʼu anu mangawai kaloʼe ndaya, pai mangawai parata ndaya.

DANIELI 4:29

Pusa sampuyu pai radua mbuya ungka njairia, sindara yaku ntongo melinja-linja ri bonde anu ndate ri wawo ata langkanaeku ri Babeli,