DANIELI 4:2 - Sura Magali Nuntu Ngkatuwu

² Da rayaku mangampauka komi anu ndapojingki pai tanda ngkuasa anu ndawianakamo i mPue Ala Anu Ndate ri Peawanya ri yaku.

DANIELI 4:2 Referans Kwoze

DANIELI 3:26

Nepa natimosuki i Nebukanesa dampu setu, nepa meboo siʼa natoʼo, “Sadara, Mesa pai Abenego, waʼa mbatua i mPue Ala Ane Ndate ri Peawanya! Ndipesuwumo ungka ri dampu setu!” Mesuwumo kojo tau seʼe.

Masmur 66:16

Ndikamaʼimo pai ndipedongekamo, ee pura-pura tau meaya, da kupampauka komi nunjaa anu ndapowia i mPue Ala ri yaku.

Masmur 71:18

Boo Pue Ala, neʼe ndipalaika yaku, rantani tuʼa yaku pai keʼuwamo, da naka yaku mampobambarika kuasa pai karoso-Mi, ri pura-pura muli anu nepa darata.

Masmur 51:14

Ndipakawongko muni rayaku ua poncorepaka ungka ri Komi, ndipakayuʼu rayaku da mepoʼinaya ri Komi.

Yosua 7:19

Natoʼo i Yosua ri Akani, “Anaku pangakumo pai toʼomo mpayoa ireʼi ri suara i mPue, mPue Ala pue nto Isaraeli, nunjaa anu roo nupowia. Toʼokamo yaku neʼe boi nusambunika.”

Yohanes 4:48

Ndatoʼo i Yesu ri pegawai ntopoparenta setu, “Ane bareʼe ndikita waʼa ntanda ngkuasa setu, bareʼe da ndiaya.”

DANIELI 4:17

Incetumo botusi mami, kami waʼa malaʼeka anu tikali pai mainga-inga mpaliu. Tinako ndaya mami inceʼemo da naka waʼa ntau ri mbeʼi ntano kareʼenya da mangaʼaku, i Pue Ala Anu Ndate ri Peawanya, makuasa ri wawo ngkuasa kamokole ntolino pai kamokole setu da ndawaika isema ntano anu ndapilisi, bara ri tau anu bereʼe kojenya ntano!’

DANIELI 4:24

Pueku, ewaseʼimo posoki mpepatongawa setu pai inceʼimo pobotusi i mPue Ala Anu Ndate ri Peawanya kono kakominya pueku.

DANIELI 4:25

Komi da ndairi ungka ri oyo waʼa ntolino pai da tuwu ri oyo waʼa mpinatuwu ri pada. Ri raya anu papitu ntaʼu kasaenya komi da mangaande ewo ewa japi pai da yore ri tongo mpada, painaka da nayoʼosi ndini. Roo setu komi da mangaʼaku kaʼi Pue Alanya Anu Ndate ri Peawanya anu makuasa ri wawo ngkamokole ntolino, pai kamokole setu da ndapepombaika ri sema ntano anu ndapilisi.

DANIELI 4:34

Ri kapusamo ntempo anu papitu ntaʼu setu, metingara yaku ri yangi, nepa wali ngkayoa muni rayaku. Inceʼe painaka kuunde i Pue Ala Anu Ndate ri Peawanya. Kuunde pai kubangkei Sira anu tuwu rantani masae-sae setu. “Pue Ala anu mewali datu rantani masae-sae. Sira anu makuasa rantani pusa lino.

DANIELI 5:18

I Pue Ala Anu ndate ri Peawanya anu mampapewali papami i Nebukanesa datu anu bangke pai mangawaika sira kabangke pai katetoʼo.

DANIELI 6:27

Yaku mampoparentaka ri pura-pura tau anu reʼe ri raya mpoparenta ngkamokoleku da naka maeka pai mantubunaka Pue Ala anu napanyomba i Danieli! Sira inceʼemo Pue Ala anu tuwu rantani masae-sae, Sira moparenta rantani pusa lino poparentaa bareʼe da magero. Kakuasaa bereʼe da kapusanya.

DANIELI 7:25

Siʼa da mompau ewa i Pue Ala Anu Ndate ri Peawanya pai mangajeani waʼa ntau i mPue ala. Siʼa da mompari-mpari mawalisaka waʼa mpadika pai waʼa eo bangke agama waʼa ntau i mPue Ala, pai tau seʼe da napapeʼuru ri raya anu tatogo ntaʼu santongo kasaenya.

AYUBI 7:14

Paikanya ndiekasi yaku pai pangipi; ndiparata pangipi majaʼa pai pakita ndaya.

Masmur 65:9

Pura-pura bangani lino maeka pai metubunaka mangkita waʼa mpowiami anu bangke. Pura-pura bangani lino ungka ri tandonya sambali rata ri tandonya sambali ndipapogumora ri wongko ndaya.

DANIELI 2:1

Ri anu sambengi, ri karua ntaʼunya poparenta i Datu Nebukanesa, mangipi sira. Pangipia setu mampakasusa rayaa, painaka bareʼemo naleʼo yore.