DANIELI 4:16 - Sura Magali Nuntu Ngkatuwu

¹⁶ Mbolimo nawa-nawa ngkatolinonya da mogumbali mewali nawa-nawa mpinatuwu ri raya anu papitu ntaʼu kasaenya.

DANIELI 4:16 Referans Kwoze

DANIELI 4:23

Pai ndikita woʼu sambaʼa malaʼeka menaʼu ungka ri suruga mantoʼo, ‘Towomo pai geromo puʼu ngkaju seʼi, paikanya papaliukamo tuʼanya ri raya ntana. Rambikamo pai rante besi pai tambaga nepa nupalaika ri tongo mpada. Papaliumo napayoʼo-yoʼosi rini pai tuwu sangkani-ngkani pai waʼa mpinatuwu ri raya anu papitu ntaʼu kasaenya.’

Pangkita 12:14

Paikanya ri weʼa setu reʼe ndapatokaka radua pani ntonci kuayangi anu bangke, da naka moyoko siʼa njoʼu ri kareʼenya ri pada bone, njairia siʼa da ndaporewu tatogo ntaʼu santongo kasaenya, bareʼemo da naleʼo naga maduduki.

DANIELI 4:25

Komi da ndairi ungka ri oyo waʼa ntolino pai da tuwu ri oyo waʼa mpinatuwu ri pada. Ri raya anu papitu ntaʼu kasaenya komi da mangaande ewo ewa japi pai da yore ri tongo mpada, painaka da nayoʼosi ndini. Roo setu komi da mangaʼaku kaʼi Pue Alanya Anu Ndate ri Peawanya anu makuasa ri wawo ngkamokole ntolino, pai kamokole setu da ndapepombaika ri sema ntano anu ndapilisi.

Yesaya 6:10

Nepa mompau woʼu Sira ri yaku ndatoʼo, “Pakakuyumo ponawa-nawa waʼa ntau setu, pakabongomo talinganya pai pakabutamo matanya, da naka neʼe nakita, bara nadonge, bara narata ndaya painaka da metoro mbalili ri yaku painaka da ʼosa.”

Ibrani 1:11

Pura-pura setu paka da paya, pai da maru ewa rengko; paikanya Siko bereʼe da kabalinya.

DANIELI 12:7

Tau anu ntaninya setu mantora palenya radua-duanya seʼe ndeki yangi. Kudonge siʼa montandokoro mamposabi i Pue Ala anu bereʼe kapusanya pai mopau natoʼo, “Waʼa anu mewali setu da tewianaka ri raya anu tatogo ntaʼu santongo kasaenya. Ane motandomo pangajeani waʼa ntau i mPue Ala, da motandomo woʼu waʼa anu ndapojingki pewalinya setu.”

DANIELI 11:13

Da karadua ngkaninyamo datu ntana utara mampasingkanduru surodado anu sondo, pai meruu ngkasondo woʼu painaka anu kaʼisa. Ane ratamo ri temponya, siʼa da moiwo woʼu njoʼu moʼiwali mampoyunu surodadonya anu sondo pai waʼa mparewanya anu sondo kojo.

DANIELI 7:25

Siʼa da mompau ewa i Pue Ala Anu Ndate ri Peawanya pai mangajeani waʼa ntau i mPue ala. Siʼa da mompari-mpari mawalisaka waʼa mpadika pai waʼa eo bangke agama waʼa ntau i mPue Ala, pai tau seʼe da napapeʼuru ri raya anu tatogo ntaʼu santongo kasaenya.

2 Samuel 18:32

Meoasi i mokole ri siʼa, natoʼo, “Ewambeʼi bambari i Abisalo, tau mangura setu, madago-dago?” Mesono watua setu, natoʼo, “Mbolimo pura-pura iwalimi Mokole, pura-pura tau anu maewa komi Mokole da mampomberataka katedikanakanya ewa tau mangura setu.”

DANIELI 7:28

Ewanceʼemo anu kuparata seʼi. Maʼai kojo kapari ndayaku, painaka memisa kojo lioku, paikanya bereʼe mau sambaʼa tau anu kutoʼoka pura-pura setu.