DANIELI 3:26 - Sura Magali Nuntu Ngkatuwu

²⁶ Nepa natimosuki i Nebukanesa dampu setu, nepa meboo siʼa natoʼo, “Sadara, Mesa pai Abenego, waʼa mbatua i mPue Ala Ane Ndate ri Peawanya! Ndipesuwumo ungka ri dampu setu!” Mesuwumo kojo tau seʼe.

DANIELI 3:26 Referans Kwoze

DANIELI 3:17

Ane ri Pue Ala anu kapanyomba mangkoto mancorepaka kami ungka ri dampu anu mareka-reka apunya setu pai ungka ri kuasami pueku, manoto da ndapawianaka inceʼe.

DANIELI 4:2

Da rayaku mangampauka komi anu ndapojingki pai tanda ngkuasa anu ndawianakamo i mPue Ala Anu Ndate ri Peawanya ri yaku.

Pangkita 19:5

Nepa kudonge ungka ri gadera mpoparenta setu oni nganga anu mantoʼo, “Undemo Pue Ala, ee pura-pura watua i mPue Ala, pai pura-pura – kodi bangke – anu manyomba ri Pue Ala!”

Galatia 1:10

Bara ndisarumaka yaku ewa da mampepali da napaʼaku ntolino? Manoto bareʼe kojo! Yaku podo mancarumaka pampomonco i mPue Ala. Ara yaku mampari-mpari mantima raya ntolino da naka napokono ntolino yaku? Ane ntongo ewanceʼe powiaku, tongawa yaku banya pomokau i ngKerisitu.

Palaong mPomakau i mPue Yesu 16:17

Nalulu mpaliu mbeʼa setu kami pai Paulu, seʼi meboo-boo natoʼo, “Waʼa ntau seʼi inceʼemo pomokau i mPue Ala Anu Makuasa! Tau seʼe rata mampetumbuka komi ewambeʼi jayanya da naka waʼa ngkasangkompo marata katesorepaka!”

DANIELI 2:47

Ndatoʼo i datu, “Monco kojo Danieli. Pue Ala puemu setu maʼai ngkabangke ungka ri Pue Ala. Sira anu makuasa ri wawo waʼa datu, pai mampatongawa mpengaya-ngaya rahasia. Inceʼe tongawamo ri pangkotomu mantotoraka posoki rahasia seʼi.”

Yesaya 52:12

Komi bareʼe da mondadu-ndadu malai, pai banya ewa tau anu meloso. Maka i Pue da mamponinika komi; Pue Ala pue nto Isaraeli da mangkantawi komi sape-sape.

Yosua 4:10

Waʼa ntadu mpanyomba janjau mekakore ri tongo-tongo ngKoro Yarade rantani roo nawianaka ntau seʼe pura-pura anu ndasongkaka i mPue ri tau seʼe mampoliu i Yosua. Inceʼe silulu pai totoraka i Musa ri Yosua. Maliga kojo powote nto Isaraeli i Koro Yarade.

Palaong mPomakau i mPue Yesu 16:37

Paikanya natoʼo i mPaulu ri waʼa mpolisi setu, “Kami seʼi to Roma, bareʼepa ndibotusi, kami roo ndawombo ri suara ntau sondo, nepa ndipari ntarunggu. Roo setu nepa da ndipokau kami mesuwu mponjii-njii? Kami bareʼe kapokono! Pokau waʼa ntoponcongka setu maʼi ngkalionya malapa kami.”

DANIELI 6:20

Mosureme membangumo i datu, pai ganggara njoʼu sira ri kareʼe wayau ncinga.

Yesaya 28:16

Inceʼe painaka i Pue Anu Ndate ri Peawanya mantoʼ ewaseʼi, “Yaku da mangadika nono watu pancuʼu anu maroso ri Sioni; sambaʼa watu pancuʼu anu masuli pai lau ukinya anu mantoʼo, ‘Isema anu maroso peaya ndayanya bareʼe da meʼuru panangi.’

ESIRA 5:11

Mesono tau seʼe, natoʼo, ‘Kami seʼi watua i mPue Ala anu mangkuasai yangi pai lino. Kamintongo mawangunaka muni Banua i mPue anu ndawangu pai ndaparoo ri bara tesangkuja mpuyu ntaʼu anu liumo, anu nawangu sambaʼa mokole bangke nto Isaraeli.

Pomulanya 14:18

I Melekisede, mokole ri Sale anu mewali tadu mpanyomba ri Pue Ala Anu Ndate ri Peawanya, mangkeni roti pai anggoro ri Burahima,

Palaong mPomakau i mPue Yesu 27:23

Maka sambengi ngena i Pue Ala anu kupanyomba mampokau malaʼeka rata ri yaku, i Pue Ala anu mampotumpu yaku.

Ulang 4:20

Paikanya komi inceʼe banca anu ndasorepaka ungka ri tana Masiri ri kareʼe mpajeani komi. Komi ndakeni mpesuwu ungka njairia, da naka mewali taua da ewa katedikanakami wawaseʼi.

1 RAJA-RAJA 8:51

Tau seʼe inceʼemo waʼa ntaumi anu ndikeni mpesuwu ungka ri tana Masiri kareʼe mpangajeani tau seʼe.

Yeremia 11:4

Pojanji setu roomo kupareʼe pai waʼa ntau piamo ntau seʼe sindara kupangkeni mpesuwu tau seʼe ungka ri tana Masiri, tana anu ewa naraka ri tau seʼe. Yaku mampokau tau seʼe da mepoʼinaya ri yaku pai da mawianaka pura-pura nunjaa anu roo kusongkaka tau seʼe. Wawaseʼi roomo woʼu kutoʼoka to Yahuda pai bangani Yerusale, ane mepoʼinaya tau seʼe ri Yaku, tau seʼe da mewali tauku pai Yaku da mewali Pue Ala ntau seʼe.

DANIELI 7:25

Siʼa da mompau ewa i Pue Ala Anu Ndate ri Peawanya pai mangajeani waʼa ntau i mPue ala. Siʼa da mompari-mpari mawalisaka waʼa mpadika pai waʼa eo bangke agama waʼa ntau i mPue Ala, pai tau seʼe da napapeʼuru ri raya anu tatogo ntaʼu santongo kasaenya.

Masmur 66:12

Ndipapaliuka kami napolanda iwali; kami mangalempo ue mowo pai apu. Paikanya seʼi-seʼi kami ndipoyunumo ri kareʼe anu gana-gana.

DANIELI 6:21

Karatanya njairia, meboo sira ri oni ngangaa tongawa kaipu-ipu ndayaa, ndatoʼo, “Danieli, watua i mPue Ala anu tuwu! Bara nakoto mPue Ala puemu anu todo nupanyomba setu mancorepaka siko ungka ri waʼa ncinga setu?”