DANIELI 3:18 - Sura Magali Nuntu Ngkatuwu

¹⁸ Paikanya ane rapanya Sira bareʼe woʼu mancorepaka, mbolimo da ndipaincani pueku, kakaminya bareʼe da manyomba ri lamoami pueku pai bareʼe woʼu da manyomba ri turuki wuyawa anu ndiwangu setu pueku.”

DANIELI 3:18 Referans Kwoze

Matius 10:39

Bara isema anu mampepurungi inosanya, siʼa da paya ngkabongo inosanya, paikanya bara isema anu bareʼe mampepurungi inosanya ua mamponcuruka Yaku siʼa da ndasorepaka.”

Pangkita 12:11

Waʼa ngkasangkompota manangimo siʼa pai daa i Ana Bimba setu, pai ua nuntu anu monco ungka ri Pue Ala anu napobambarika ntau seʼe. Bareʼe napepurungi ntau seʼe mampepombaika inosanya rantani mate.

Yosua 24:15

Ane rapanya komi bareʼe ndipokono da meʼuru ri Pue, da ndibotusimo sandeme seʼi seʼe, bara isema anu da peʼurumi: bara da ri waʼa lamoa ntaninya anu napanyomba waʼa ntau piamomi ri Mesopotamia owi bara ri waʼa lamoa nto Amori anu wawaseʼi tananya ndipearimo. Paikanya kami – yaku pai waʼa ntinaku – pao da meʼuru ri Pue.”

DANIELI 3:28

Nepa mompau i datu ndatoʼo, “Undemo i Pue Ala anu napanyomba i Sadara, i Mesa pai i Abenego. Sira mampokaumo malaʼeka-A mancorepaka watua-A tatogo anu meaya ri Sira. Tau seʼe mangalewamo songkaku moruana mate painaka da manyomba bara da mangaunde lamoa mbeʼi ntano, podo ri Pue Ala pue ntau seʼe panyombanya.

PATADA 28:1

Tau majaʼa molonco seʼi bereʼe nu maduduki, paikanya tau mayoa, makoje ewa singa.

AYUBI 13:15

Inceʼe lawi kutunggai maka mapesemo rayaku! Ane da ndapepate i mPue Ala yaku, lawi kutanusakamo, paikanya da kupau kamonco mpowiaku ri suaraa.

Palaong mPomakau i mPue Yesu 4:19

Paikanya mesono i Peturu pai i Yohane, “Ndinawa-nawa mpodago nunjaa anu monco ri suara mPue Ala. Da malulu songkami bara da malulu songka i mPue Ala.

TADUMPANYOMBA 19:4

Neʼe mampanyomba lamoa. Neʼe ndipowia turuki ungka ri wuyawa ndipanyomba, maka Yakumo Pue Ala puemi.

Matius 10:28

Neʼemo ndipokaeka tau anu mangkoto mampepate koro, paikanya bareʼe nakoto mampepate tanoana. Ndipokaekamo i Pue Ala anu mangkoto magero koro sangkani pai tanoana ri naraka.

Matius 16:2

Mesono i Yesu ndatoʼo, [“Ane da soyomo reme, nditoʼo, ‘Madago penaa ndeme, maka mawaa bembei yangi.’

Ibrani 11:25

Meruu napampokono tuwu mapari sangkani-ngkani pai tau i mPue Ala painaka da tuwu ri kagana-gananya mau podo sarai ri katuwu ntau masalaa.

1 RAJA-RAJA 19:14

Mesono i Elia, natoʼo, “Boo Pue, Pue Ala Anu Makuasa, yaku bareʼe bali-bali motetala podo malulu pepokonomi. Paikanya to Isaraeli malewamo pojanji ntau seʼe pai komi. Tau seʼe marongkasi waʼa lampaʼani mpanyomba ri komi pai mampepate waʼa nabimi. Jamo yaku ngkalioku Pue anu totaʼa, pai seʼi-seʼi tau seʼe da mampepate yaku!”

1 RAJA-RAJA 19:18

Paikanya njau 7.000 tau ri to Isaraeli anu da kusorepaka, inceʼemo waʼa ntau anu todo ri yaku pai bareʼepa reʼe pombukotunya manyomba bara paekinya turuki lamoa Baali.”