DANIELI 2:5 - Sura Magali Nuntu Ngkatuwu

⁵ Mesono i datu ndatoʼo, “Roomo kupakanoto ewaseʼi: Komi sangaya-ngaya da mangantoʼoka yaku pangipi setu sangkani pai peolanya. Pai ane bareʼe ndikoto, komi da ndasasa pai banuami da ndaruasi.

DANIELI 2:5 Referans Kwoze

DANIELI 3:29

Inceʼe painaka kupesongkaka ri sambaʼa-sambaʼa tau ungka ri banca, lemba banca bara basa nunjaa ntano, anu mampasowa pau pompetikodi ri Pue Ala anu napanyomba i Sadara, i Mesa pai i Abenego, da ndasasa pai banuanya da ndadungkalaka pai da mewali awu. Maka bereʼe lamoa anu mangkoto da mangawianaka nunjaa anu roo ndawianaka mPue Ala setu.”

ESIRA 6:11

Inceʼi songkaku ri komi, bara isema anu malewa songka seʼi, da ndawuka sangkaju nono ungka ri banuanya nepa ndasombi wuntunya da ndatawalaka tau setu rantani polasi. Pai banua ntau setu da ndarongkasi pai soma waka banua setu da ndapantajika nyoo.

2 RAJA-RAJA 10:27

Turuki setu ndatunju sangkani pai banuanya, tana setu ndapapewali tampa mpantajika nyoo nakarataka ri eo seʼi.

Masmur 50:22

Ndiparindayamo, komi anu mangkalingani i Pue Ala; ndisoro-soro boi Kugero komi, pai bereʼe anu da mancorepaka komi.

DANIELI 2:12

Madonge pesono ntau seʼe setu maʼai kojo kajaʼa ndaya i datu pai napasongka tau mampepate pura-pura waʼa ntau loʼe ri Babeli.

Masmur 58:7

Boo Pue Ala, ndirutesimo ngisi ntau seʼe, ndiwukasimo bengko ncinga anu mangurapa setu, Pue.

1 Samuel 15:33

Natoʼo i Semueli, “Ewa penaimu maria ine anu tetaji ananya, ewanceʼe seʼe da naepe inemu ua da katetaji ananya.” Nepa nabatu i Semueli i Aga ri suara lampaʼani ri Giligali.

Ulang 13:16

Pura-pura aga-aga ntau ri kota setu da ndapasambaka pai da ndabuyunaka ri tana lapa, roo setu, kota pai waʼa aga-aganya sangaya-ngaya da ndaʼombasi mewali panyomba ri Pue Ala puemi. Kota setu da mewali awu pai da ndapalaikamo bareʼemo maya ndawali wangu muni.

Yosua 6:26

Ri tempo setu napareʼe i Yosua tanga, natoʼo, “Isema ntano anu da mampebutuka mawali wangu muni kota Yeriko seʼi, da napere ntadeasi ungka ri mPue. Isema anu madika pondasinya siʼa da tetaji ananya uyue, pai isema anu mampataka waʼa dampo baa-baanya da tetaji ananya anu kasupua.”

DANIELI 4:9

“Ee Belitasari, tadulako ntau anu maria pangaincaninya, kuincani kasikonya buke pai inosa waʼa lamoa anu magali, painaka bereʼe rahasia anu da tesambuni ri siko. Padongeka pangipiku seʼi, pai totorakamo posokinya.