DANIELI 2:48 - Sura Magali Nuntu Ngkatuwu

⁴⁸ Inceʼe painaka nawaika i Danieli lanti anu ndateka, nawaika woʼu mpengaya-ngaya pombai anu meawa kojo, pai ndalanti mewali petoro Babeli, pai napapewali tadulako ri pura-pura topontotoraka ri langkanae.

DANIELI 2:48 Referans Kwoze

DANIELI 2:6

Paikanya ane ndikoto mantoʼo, da kuwaika komi hadia anu meawa sangkani pai katetubunaka anu bangke. Mewali seʼi-seʼi nditoʼokamo yaku pangipiku setu sangkani pai peolanya!”

DANIELI 5:11

Maka ri raya ngkamokole mpueku reʼe sambaʼa tuama anu buke pai inosa waʼa lamoa anu magali. Sindara mpoparenta mpapa mpueku, tau setu tongawa mampotumpu pangaincani, parata ndaya pai loʼe ndaya, anu ewa kaloʼe waʼa lamoa. Papa mpueku Datu Nebukanesa mangalantimo siʼa mewali tadulako waʼa ntau loʼe montonaa, opo-opo, pai waʼa ntau anu maria pangaincani pai loʼe mampeole betuʼe.

DANIELI 4:9

“Ee Belitasari, tadulako ntau anu maria pangaincaninya, kuincani kasikonya buke pai inosa waʼa lamoa anu magali, painaka bereʼe rahasia anu da tesambuni ri siko. Padongeka pangipiku seʼi, pai totorakamo posokinya.

DANIELI 5:29

Madonge inceʼe, ganggara napokau i Belisasari waʼa mpegawainya da naka mampaporengkoka i Danieli juba anu makodara pai mampapogonggaka siʼa ri leʼenya enu wuyawa. Nepa ndalanti i Danieli mewali tau anu katatogo makuasa ri kamokolenya.

DANIELI 5:16

Nepa kudonge mpinca kasikonya anu mangkoto mangabulere waʼa rahasia pai mangangkaresaka waʼa anu mapari. Ane nukoto mangabasa uki seʼi pai mangantoʼoka yaku posokinya, siko da kuwaika rengko ngkamokole inceʼemo juba makodara pai enu wuyawa tanda ngkatetubunaka. Pai siko da kulanti mewali tau anu katatogo makuasa ri raya ngkamokoleku.”

DANIELI 3:30

Roo setu ndapapepone i datu lanti i Sadara, i Mesa pai i Abenego, painaka tau seʼe mewali waʼa ntau anu bangke lantinya ri poropensi Babeli.

DANIELI 3:12

Paikanya bara tesangkuja to Yahudi anu ndiwaikan kuasa moparenta ri poropensi Babeli seʼi, bareʼe mampedongeka songkami setu pue. Tau seʼe setu i nceʼemo i Sadara, i Mesa pai i Abenego, tau setu bareʼe napokono manyomba ri waʼa lamoami pueku pai bareʼe woʼu manyomba ri turuki wuyawa anu ndiwangu setu pue.”

DANIELI 3:1

Ri anu sangkani i Datu Nebukanesa mampowia sambaʼa turuki wuyawa anu kalangkatinya 27 meteri kabininya 3 meteri. Nawangu inceʼe ri Rato Dura ri poropensi Babeli.

Yeremia 5:5

Moruana da kunjoʼu ri waʼa ntau bangke, da mompau pai tau seʼe. Manoto tau seʼe naincani nunjaa anu ndapokono pai ndaperapi i mPue Ala ungka ri tau seʼe.” Paikanya tau seʼe pura-pura woʼu bareʼe napokono ndasongka i mPue; tau seʼe bareʼe napokono mepoʼinaya ri Sira.

AYUBI 1:3

Pai siʼa woʼu mampotumpu anamayunu anu sondo, bimbanya reʼe 7.000, 3.000 onta, 1000 japi pai 500 kalide, mayamo ndatoʼo siʼamo tau anu ri wawo ngkakoreʼenya ri oyo waʼa ntau anu meari ri tondo Pebetea.

2 RAJA-RAJA 5:1

I Naʼama inceʼemo sambaʼa tadulako ncurodado nto Siria anu maʼai kojo napampomawo pai napantubunaka i mokole nto Siria. Maka ua pombawanaka i Naʼama, maria ngkani ndawai i mPue penangi ri surodado nto Siria. I Naʼama sambaʼa tau loʼe pai makoje, paikanya siʼa ketangga juku-juku suma ngkoronya.

2 Samuel 19:32

I Barasilai setu maʼaimo kojo katuʼanya, tinuwunya ganamo uayu mpuyu ntaʼu. Siʼa sambaʼa tau anu koreʼe kojo, ri sindara karoo-roo i mokole ri Mahanai, i Barasilai anu mampatoka pangkoni i mokole.

1 Samuel 25:2

Ri kota Maoni, njau sambaʼa tuama ungka ri tina i ngKalebi i Naba toʼonya. Siʼa mampotumpu pada bangke ndapangkambi waʼa mpinatuwunya anu sondo kojo imbanya mosu ri kota Karameli. Siʼa teimba tau anu koreʼe maka mampotumpu 3.000 bimba pai 1.000 mbula. Rongonya i Abigai toʼonya; siʼa sambaʼa weʼa anu loʼe pai madolidi woʼu, paikanya langkainya i Naba sambaʼa tau anu makasara pai bareʼe madago poʼengkonya. Ri anu sandeme i Naba ntongo magunci wuyu bimbanya ri Karameli.

1 Samuel 17:25

Natoʼo ntau seʼe “Peolemo setu maʼi! Nudongemo waʼa mpaunya anu mampetikodi kita! Mokoleta i Saulu, roo mojanji, ndatoʼo, Isema makoje mampepate i Golia, da ndawaika saronya anu bangke kojo. Pai ndatoʼo woʼu i Mokole, tau setu da ndapaporongo pai anaa. Pai tina mpapa ntau setu bareʼe da ndapakonoka asele.”

Pombilang 24:11

Seʼi-seʼi palaimo, pewalili ri banuanu! Kujanjika siko saromu, paikanya bareʼe ndawai i mPue da nutarima saromu setu.”

1 Samuel 2:8

Ungka ri kapari ndaya ua kakaasi-asi ngkatuwu, ungka ri pepa ngkatuwu ndalapasaka tau kapuru raya. Tau seʼe ndapapotunda pai waʼa ngkabosenya, ndawaikan palancanga anu tetubunaka. Pampatunda lino seʼi i Pue tumpunya, ri wawonya Sira mampatunda dunia.

DANIELI 5:7

Mekiu siʼa, mamperapi da naka waʼa ntopotonaa, to poʼopo-opo, anu loʼe mampeole betuʼe ndapeboo. Ri karata ntau seʼe, natoʼo i datu, “Isema ntano anu mangkoto mangabasa uki setu pai mangantoʼoka yaku posokinya, da kuwaika siʼa rengko ngkamokole inceʼemo juba makodara pai enu wuyawa tanda ngkatetubunaka. Pai siʼa da kulanti mewali tau anu katatogo anu makuasa ri raya ngkamokoleku.”

DANIELI 8:27

Ungka lairia kuepe malente wukuku painaka majuʼa yaku bara sangkuja ndeme kasaenya. Roo setu nepa membangu yaku mawianaka tetala anu ndapepombaika i datu ri yaku. Paikanya mapari rayaku manawa-nawa waʼa mpepatongawa setu pai bareʼe kukota marata ndaya.

DANIELI 4:6

Nepa kupeboo waʼa ntau loʼe anu reʼe ri Babeli da mangantotorakaka yaku peola mpangipi seʼe.