DANIELI 2:44 - Sura Magali Nuntu Ngkatuwu

⁴⁴ Ri tempo mpoparenta waʼa mokole setu, i Pue Ala ri suruga mangampatunda sambaʼa kamokole anu da todo rantani masae-sae, pai bareʼe da reʼe banca anu mangkoto manganangi. Kamokole setu da mangagero pura-pura kamokole anu ntaninya setu.

DANIELI 2:44 Referans Kwoze

Matius 28:18

Ndatimosuki i Yesu tau seʼe nepa ndatoʼoka, “Pura-pura kuasa anu ri suruga pai anu ri lino roomo ndawaika Yaku.

Masmur 145:13

Poparenta-Mi todo rantani pusa lino, kuasa-Mi bareʼe bali popalapi-lapi tau. I Pue ri pura-pura janjia, buke towe ri mpengaya-ngaya powiaa.

DANIELI 6:26

Roo setu i Datu Dariusi mampakatu sura rata ri waʼa ntau mempangaya-ngaya banca, lemba pai basa ri sambawo lino, “Petabea pai karodo ndaya!

Mikha 4:7

Tau seʼe ndalenteimo pai tuwu lawa ungka ri lipu mpebete ntanoananya. Paikanya ungka ri waʼa ntau yabinya setu, Yaku da mantepuʼu sambaʼa muli anu dawoʼu. Tau seʼe da mewali banca anu bangke pai maroso. Yaku da mamparenta tau seʼe ungka ri Pongkuntana Sioni rantani masae-sae.”

Pangkita 11:15

Malaʼeka anu kapapitu mantawuisi surupetanya, ndadonge waʼa oni nganga anu marimbo kojo ungka ri suruga anu mantoʼo, “Kuasa anu da mamparenta lino seʼi-seʼi reʼe ri pale mPueta Mokole Tadungkadago anu ndajanjika kita. Sira da moparenta rantani masae-sae!”

DANIELI 7:27

Kuasa pai kabangke waʼa ngkamokole ri lino da ndawaika waʼa ntau i mPue Ala Anu Ndate ri Peawanya. Kuasa ntau seʼe da moparenta bereʼe kapusanya pai pura-pura anu makuasa ri lino meʼuru ri tau seʼe ri pepoʼinaya.”

DANIELI 4:34

Ri kapusamo ntempo anu papitu ntaʼu setu, metingara yaku ri yangi, nepa wali ngkayoa muni rayaku. Inceʼe painaka kuunde i Pue Ala Anu Ndate ri Peawanya. Kuunde pai kubangkei Sira anu tuwu rantani masae-sae setu. “Pue Ala anu mewali datu rantani masae-sae. Sira anu makuasa rantani pusa lino.

Yesaya 60:12

Banca pai lemba anu bareʼe napokono mepue ri siko, da magero pai da opi.

DANIELI 4:3

Maʼai ngkabangke tanda ngkuasa anu ndawianaka! Maʼai kojo ndapampojingki anu ndawianaka! Pue Ala anu mewali mokole rantani masae-sae. Sira makuasa rantani pusa lino.”

DANIELI 2:37

Komi pue datu anu meawa, datu ri waʼa mokole; komimo anu meruu ngkakuasami, i Pue Ala ri suruga mangawaikamo komi kadatu seʼi, kakuasa, karoso pai peawa.

Pomulanya 49:10

I Yahuda da mangkekeni toko mpoparenta, mulinya da moparenta rantani masae-sae. Waʼa banca da mangkeni asele, pai da manyomba meʼuru ri suaranya.

DANIELI 2:28

Paikanya ri suruga reʼe Pue Ala anu mampatongawa mpengaya-ngaya rahasia, pai Sira anu roo mantoʼoka komi nunjaa anu da mewali ri reme ripuri. Mewali seʼi-seʼi mbolimo ndiwai tempo ri yaku da mantotoraka pangipi pai pepatongawa anu nditarima ri sindara ngkayoremi setu.

Yohanes 12:34

Natoʼo ntau sondo, “Malulu sura mpadika mami Mokole Tadungkadago da tuwu rantani masae-sae. Wenu pai ndipantoʼo, i Ana Manusia sangaya-ngaya da ndaoretaka ungka ri lino seʼi? Ara isema i Ana Manusia setu?”

DANIELI 8:25

Ua siʼa maria akalanya waʼa mpombambanya da moyowe. Siʼa da mampobangke-bangkeka koronya, pai ri kabareʼenya ndasoro-soro siʼa da maʼopisaka sondo tau. Sako Mokole Anu Makuasa nataha maewa. Paikanya siʼa da ndalesaki banya ua roso ntolino.

DANIELI 2:34

Sindara komi ntongo meole-oleka turuki setu, reʼe saogu watu bangke anu maloka ungka ri apa buyu anu tindo, seʼi bereʼe tau anu mangalengko, mampere turuki setu ri witinya anu ndapowia ungka ri besi pai ri tana setu painaka malesa.

Ibrani 12:28

Inceʼe painaka mbolimo kita mampasowa peunde ri Pue Ala, ua kita mantarima ungka ri Pue Ala sambaʼa poparenta anu bareʼe da moenggo, mbolimo kita da montarima kase pai manyomba ri Pue Ala ri petubunaka pai ri kaeka ndaya, silulu pai pepokono i mPue Ala.

DANIELI 2:35

Turuki setu liu-liu madungka, mewalimo wune anu lau besi, tana puyu, tambaga, salaka, wuyawa anu mageromo ewa awu ri kareʼe mpangawaro gandu ri tempo mporeme. Wune setu mawaro nawui ngoyu, painaka bemoreʼe sako wakanya. Paikanya watu anu mampere turuki setu mewali bangke ewa buyu anu mangabuketi sambawo lino.

DANIELI 2:43

Kasigalo besi pai tana puyu setu inceʼe mantuju woʼu kamokole setu mampari-mpari da mampakaroso koronya, ri jaya mpombeporongoka paikanya pompari-mpari setu podo ngkabongo, podo ewa besi bareʼe da mewali sambaʼa-mbaʼa pai tana puyu.

HAGAI 2:7

Pura-pura banca da Kuwuraga pai aga-aga ntau seʼe da nakeni ri maʼi, paikanya Banua-Ku da buke pai kakoreʼe ntau seʼe.

2 Samuel 7:16

Mulimu bareʼe da posa, pai gadera mpoparentamu maroso rantani masae-saenya. Rantani masae-saenya sambaʼa ungka ri oyo mulimu da moncongka ewa mokole.’ ”

DANIELI 6:27

Yaku mampoparentaka ri pura-pura tau anu reʼe ri raya mpoparenta ngkamokoleku da naka maeka pai mantubunaka Pue Ala anu napanyomba i Danieli! Sira inceʼemo Pue Ala anu tuwu rantani masae-sae, Sira moparenta rantani pusa lino poparentaa bareʼe da magero. Kakuasaa bereʼe da kapusanya.

HAGAI 2:22

waʼa ngkamokole da kugero pai kuasa ntau seʼe kupapura. Waʼa ngkareta mpoʼiwali sangkani pai anu mangkeni da Kubalikaʼu; pura-pura nyara da mate pai waʼa ntau anu mampelamba da mombepepate.