DANIELI 2:41 - Sura Magali Nuntu Ngkatuwu

⁴¹ Witi pai karama mbiti nturuki setu anu santila besi pai santila tana puyu, inceʼe mampatongawa ripurinya kamokole setu da tetila-tila. Kamokole setu reʼe woʼu rosonya maka tana puyu nagalo besi.

DANIELI 2:41 Referans Kwoze

Pangkita 17:12

Tondunya sampuyu anu nukita setu inceʼemo sampuyu datu anu bareʼepa montepuʼu moparenta. Paikanya tau seʼe da ndawaika kuasa da moparenta ewa datu sangkani-ngkani pai pinatuwu setu ri raya anu sajaa kasaenya.

Pangkita 13:1

Ungka lairia kukita sambaʼa pinatuwu anu mesuwu ungka ri raya ntasi, tondunya sampuyu pai woʼonya papitu. Wungka-wungka untu ntondu setu reʼe makota, pai wungka-wungka ri woʼonya reʼe teʼuki waʼa ntoʼo pampetikodi i Pue Ala.

Pangkita 12:3

Nepa ndakita woʼu ri yangi sangaya anu ndapojingki. Reʼe sambaʼa Naga mawaa anu bangke kojo, woʼonya papitu pai tondunya sampuyu. Wungka-wungka woʼonya reʼe makota.

DANIELI 7:24

Tondunya anu sampuyu setu inceʼemo sampuyu mokole anu moparenta ri kamokole setu. Ungka lairia da mekakore sambaʼa mokole anu ntaninya; siʼa da mosisala kojo pai waʼa mokole anu riunya, pai siʼa da manganangi tatogo mokole setu.

DANIELI 7:7

Sindara kupampeole inceʼe mesuwu woʼu pinatuwu anu kaʼaopo. Siʼa maʼai ngkaroso pai matarusu tengiri raya mangkita. Pai waʼa ngisinya anu mabose pai matarusu tengiri raya mangkita. Pai waʼa ngisinya anu mabose pai ewa kapani besi siʼa manganyangi pai mangangkoni sinokonya, nepa naija-ija waʼa yabinya. Mosisala pai pinatuwu anu riunya maka siʼa reʼe sampuyu tondunya.

DANIELI 2:40

Roo setu da matunda kamokole anu kaʼaopo, anu ewa karoso besi. Pai ewa karoso besi anu da mangalesaki nunjaa ntano, ewanceʼe seʼe kamokole anu kaʼaopo setu da mangagero waʼa ngkamokole anu ntaninya setu.

DANIELI 2:42

Waʼa ngkarama mbiti anu ndapowia ungka ri besi pai tana puyu, inceʼe mampatongawa reʼe santila kamokole setu anu maroso pai reʼe woʼu anu malente.