DANIELI 2:34 - Sura Magali Nuntu Ngkatuwu

³⁴ Sindara komi ntongo meole-oleka turuki setu, reʼe saogu watu bangke anu maloka ungka ri apa buyu anu tindo, seʼi bereʼe tau anu mangalengko, mampere turuki setu ri witinya anu ndapowia ungka ri besi pai ri tana setu painaka malesa.

DANIELI 2:34 Referans Kwoze

DANIELI 8:25

Ua siʼa maria akalanya waʼa mpombambanya da moyowe. Siʼa da mampobangke-bangkeka koronya, pai ri kabareʼenya ndasoro-soro siʼa da maʼopisaka sondo tau. Sako Mokole Anu Makuasa nataha maewa. Paikanya siʼa da ndalesaki banya ua roso ntolino.

Sakharia 12:3

Paikanya ane ratamo eo setu Yaku da mampowia Yerusale ewa watu anu manee; banca mbeʼi ntano anu mampebutuka da mangaʼokotaka da marugi. Pura-pura banca ri dunia da mompasanjuyu maungku Yerusale.

Yesaya 60:12

Banca pai lemba anu bareʼe napokono mepue ri siko, da magero pai da opi.

2 Korintus 5:1

Maka kaincani kojo ane rapanya banua – inceʼemo koro – anu tapeari ri lino seʼi ndarongkasi, i Pue Ala mampatokaka kita sambaʼa banua ri suruga, anu powia mpale i mPue Ala ngkalio-A anu bareʼemo da magero rantani masae-sae.

Sakharia 4:6

Malaʼeka setu mampokau yaku da mangantoʼoka i Serubabeli nuntu mPue ewaseʼi, “Banya ua roso ncurodado pai banya woʼu ua rosomu ngkaliomu mampapowua tetalamu, paikanya pai Inosa-Ku.

DANIELI 7:27

Kuasa pai kabangke waʼa ngkamokole ri lino da ndawaika waʼa ntau i mPue Ala Anu Ndate ri Peawanya. Kuasa ntau seʼe da moparenta bereʼe kapusanya pai pura-pura anu makuasa ri lino meʼuru ri tau seʼe ri pepoʼinaya.”

Yesaya 28:16

Inceʼe painaka i Pue Anu Ndate ri Peawanya mantoʼ ewaseʼi, “Yaku da mangadika nono watu pancuʼu anu maroso ri Sioni; sambaʼa watu pancuʼu anu masuli pai lau ukinya anu mantoʼo, ‘Isema anu maroso peaya ndayanya bareʼe da meʼuru panangi.’

1 Petrus 2:7

Watu setu bangke yowenya ri komi anu meaya. Paikanya ri waʼa ntau anu bareʼe meaya, da ewa anu ndatoʼo ri raya Ncura Magali ewaseʼi, “Watu anu bareʼe napake waʼa mpande mawangu banua, ntanoka watu setu anu bangke yowenya.”

Matius 16:18

Kutoʼoka siko, siko inceʼemo i Peturu, roka anu maroso. Pai ri wawo mbatu seʼi da Kupawangunaka gereja-Ku anu bareʼe da nanangi ngkuasa ngkapate!

Masmur 118:22

Watu anu nasogi waʼa mpande, mewalimo nono ntongonya.

Pangkita 17:14

Tau seʼe da moʼiwali maewa i Ana Bimba setu. Paikanya i Ana Bimba setu pai waʼa anagurunya anu todo anu roomo napeboo pai napilisi setu da manganangi waʼa datu setu, maka Siramo Pue nu waʼa mpue, pai Datu nu waʼa datu.”

Pangkita 11:15

Malaʼeka anu kapapitu mantawuisi surupetanya, ndadonge waʼa oni nganga anu marimbo kojo ungka ri suruga anu mantoʼo, “Kuasa anu da mamparenta lino seʼi-seʼi reʼe ri pale mPueta Mokole Tadungkadago anu ndajanjika kita. Sira da moparenta rantani masae-sae!”

Ibrani 9:24

Maka i Kerisitu bareʼe mesua ri Lincu Magali anu napowia ntolino, anu podo mampapolimbayo Lincu Magali anu monco-monco kojo. I Kerisitu mesua ri suruga, njairia Sira wawaseʼi mancuara i Pue Ala tila ngkatesorepakata.

Palaong mPomakau i mPue Yesu 4:11

I Yesumo seʼi anu ndatoʼo Ncura Magali ewa seʼi, ‘Watu anu nasepimo waʼa mpande, inceʼemo anu mewalimo watu nono ntongonya.’

Yohanes 1:13

Sira ndapoana banya ua elo ndaya ntolino, maka katuwu anu dawoʼu ungka ri Pue Ala puʼunya.

Yesaya 8:9

Ndipotobumo ri kakandende-ndende ee waʼa banca! Pedongekamo ee waʼa ntando lino! Ndipompatikalimo, paikanya ri kakandende-ndende ndaya!

DANIELI 2:33

paʼanya ungka ri besi pai witinya santila ungka ri besi pai santila woʼu ungka ri tana puyu.

YEHESIKIELI 32:28

Ewanceʼemo to Masiri da ndadayo pai da ndauli ri oyo waʼa ntau anu bareʼe maincani i Pue Ala pai anu mate ri pombetoto.

YEHESIKIELI 47:5

Sangkani woʼu natubu 500 meteri, pai njairia uenya maʼaimo kayombunya ane da mowote ngkoro. Tau ane da mowote sangaya-ngaya da monangu.