DANIELI 2:23 - Sura Magali Nuntu Ngkatuwu

²³ Boo, Pue Ala pue ntau piamoku, Komi kuunde pai kubangkei. Maka ndiawaika yaku loʼe pai roso, perapi mami ndibanganimo. Pai pesono anu da ndatoʼoka i datu roo ndituju.”

DANIELI 2:23 Referans Kwoze

DANIELI 2:18

Napokau tau seʼe da mekakai ri Pue Ala anu ri suruga, da naka mapuru rayaa ri tau seʼe da mangantotoraka rahasia mpangipi setu. Maka ane ewanceʼe tau seʼe bareʼe da ndahuku mate sangkani pai waʼa ntau loʼe anu ntaninya.

Posuwunya 3:15

Pai da nutoʼoka tau seʼe woʼu, yaku Pue Ala ntau piamonya, Pue Ala pue i Burahima, i Saki pai i Yako, mampokau siko njoʼu ri tau seʼe. Yakumo Pue pai inceʼemo toʼoku rantani masae-sae. Inceʼemo pompeindoku ri pura-pura banca popalapi-lapi.

Lukas 10:21

Sindara setu seʼe mawongko raya i Yesu ua naponinika Inosa mPue Ala, ndatoʼo i Yesu, “Papa, Pue yangi pai lino! Tarima kase Kuparata ri suara-Mi, maka pura-puranya seʼi ndisambunika ri waʼa ntau loʼe pai moua rayanya, paikanya ndipatongawa ri waʼa ntau anu begana paincaninya. Inceʼemo anu mampakawongko raya-Mi.

Matius 11:25

Sindara setu i Yesu mekakai ndatoʼo, “Papa, Pue yangi pai lino! Tarima kase kupasowa ri suarami, maka pura-puranya seʼi ndisambunika ri waʼa ntau loʼe pai moua rayanya, paikanya ndipatongawa ri waʼa ntau anu begana paincaninya.

AMOSI 3:7

I Pue Anu Ndate ri Peawanya bareʼe da mawianaka bara nunjaa-njaa ntano bareʼepa ndatoʼo rencana ri waʼa nabi watuaa.

DANIELI 1:17

I Pue Ala mawai kaloʼe ndaya pai pangaincani ri tau mangura anu aopo setu ri mpengaya-ngaya kaloʼe. Ri Danieli banya podo inceʼe paikanya ndawai woʼu kaloʼe da mantotoraka pepatongawa pai pangipi.

Yesaya 12:1

Da rata temponya komi da mongayu: “Pue yaku montarimakase ri Komi Komi mampalindo rayaku, paikanya seʼi-seʼi mandamo karau ndayami mau iowi marau rayami ri yaku.

Masmur 50:14

Ndipanyombakamo panyomba mpeunde ri Pue Ala, ndibanganimo pojanjimi ri Anu Makuasa.

Masmur 25:14

I Pue mayunuki tau anu mayoa, Sira mampatongawa tangara ndaya-A ri tau seʼe.

Pangkita 5:5

Ungka njairia sambaʼa ri oyo waʼa ntadulako setu mantoʼoka yaku, “Neʼe tumangi! Peole! Singa anu ungka ri banca i Yuda, muli i Daudi anu bangke, anu menangimo. Sira anu mangkoto da mamposoki segeli papitu pai da mabulere sura setu.”

Pangkita 1:1

Bangani ncura seʼi inceʼemo kakononya nunjaa anu ndapatongawa i Yesu Kerisitu kakononya anu nepa da mewali. I Pue Ala mantoʼoka i Kerisitu da naka ndapatongawaka ri waʼa mbatua i mPue Ala kono nunjaa anu da ronga mewali. I Kerisitu mampokau malaʼekaa rata ri watua-A i Yohane da mantoʼoka siʼa waʼa anu da mewali setu.

Yohanes 11:41

Karoonya ndawaenggo watu palo dayo setu, metingara ri yangi i Yesu ndatoʼo, “Tarima kase Papa maka ndipedongeka perapi-Ku.

TOPOTUNTU 9:18

Kaloʼe anu meruu poyowenya painaka parewa mpoʼiwali, paikanya rasu santede mampakajaʼamo susu sangkura.

TOPOTUNTU 7:19

Tau anu loʼe maʼai ngkakoje painaka sampuyu tau anu makuasa ri raya sambaʼa kota.

PATADA 24:5

Tau anu loʼe rayanya da tongawa meruu kuasanya pai tau anu maroso; kaloʼe ndaya anu meruu painaka karoso.

PATADA 21:22

Tau anusondo akalanya nakoto manangi kota bente anu najaga ncurodado anu makoje; nakoto maruasi waʼa bente anu nasarumaka ntau seʼe.

PATADA 8:14

Yaku anu mawai parata ndaya. Pai yaku seʼe anu mawianaka. Yaku loʼe pai maroso woʼu.

2 Tawarikh 20:6

mekakai siʼa marimbo oni nganganya natoʼo, “Boo Pue, Pue Ala, pue waʼa ngkai mami! Komi Pue Ala anu ndate ri suruga anu mancongka waʼa banca ri sambawo lino. Komi Makuasa pai maroso, bereʼe tau anu mangkoto maewa Komi.

1 Tawarikh 29:13

Seʼi-seʼi boo Pue Ala pue mami, kaunde komi kabangkei toʼomi anu meawa.

1 Tawarikh 29:10

Ri suara waʼa ntau sondo setu i Mokole Daudi maunde-unde i Pue, natoʼo, “Boo, Pue Ala pue anu napanyomba ngkai mami i Yako, ndabangkeimo toʼomi rantani masae-sae.

1 RAJA-RAJA 18:36

Butu ratamo tempo da pawianaka panyomba ngkinowia, natimosukimo i Nabi Elia lampaʼani mpanyomba setu, nepa mekakai siʼa natoʼo, “Boo, Pue, Pue Ala anu napanyomba i Burahima, Isaki pai Yako, seʼi-seʼi ndipatongawamo kakominya Pue Ala pue nto Isaraeli pai kayakunya seʼi sambaʼa watuami. Ndipatongawa woʼu Pue, pura-pura anu kuwianaka seʼi inceʼe songkami.

1 RAJA-RAJA 8:57

Tuarapa i Pue Ala pueta da sangkani-ngkani pai kita, da ewa ndapangkariani waʼa ntau piamota. Tuarapa Sira bareʼe da mampalaika kita.

Pomulanya 18:17

Ndatoʼo i mPue ri rayaa, “Bareʼe da kusambunyika ri Burahima nunjaa anu da kuwianaka.

Yohanes 15:15

Komi bareʼemo da Kupeboo anamayunu, maka anamayunu bareʼe naincani nunjaa anu napowia mpuenya. Komi da Kupeboomo bale, maka pura-pura anu Kudonge ungka ri Papa roomo Kutoʼoka komi.

TOPOTUNTU 9:16

Mewali, kamonconya parata ndayaku kaloʼe meruu ungka ri karoso. Paikanya mau ewanceʼe kaloʼe ntau kaasi-asi bareʼe ndareke. Waʼa mpaunya bereʼe anu ndapedongeka.

Pomulanya 31:42

Ane banya i Pue Ala anu ndapanyomba waʼa ntau tuʼaku inceʼemo Pue Ala anu ndapanyomba i Burahima pai i Saki anu mangkariani yaku, manoto da ndipangairi yaku malai soe-soe pale. Paikanya i Pue Ala mampetiro kapariku pai waʼa ntetalaku anu roomo kuwianaka, pai sambengi ngena roomo ndabotusi.”

Masmur 21:2

Boo Pue, mawongko raya i mokole ua Komi mampakarosomo siʼa; mawongko rayanya ua penangi anu ndiwaika siʼa!

Masmur 21:4

Komi rata ri siʼa pai popadonco anu gana-gana, pai mampasuncuka makota wuyawa ri woʼonya.

Yeremia 33:3

“Peboomo ri Yaku, da kusono peboomu, nepa da kutoʼoka siko mempangaya-ngaya anu meawa pai ndipojingki anu bareʼepa nuincani.