DANIELI 2:21 - Sura Magali Nuntu Ngkatuwu

²¹ Siramo anu mampakanoto katedikanaka ndaoa pai tempo, Sira anu mampapeʼonto pai malanti tau anu makuasa. Sira woʼu anu mangawai kaloʼe ndaya, pai mangawai parata ndaya.

DANIELI 2:21 Referans Kwoze

DANIELI 4:17

Incetumo botusi mami, kami waʼa malaʼeka anu tikali pai mainga-inga mpaliu. Tinako ndaya mami inceʼemo da naka waʼa ntau ri mbeʼi ntano kareʼenya da mangaʼaku, i Pue Ala Anu Ndate ri Peawanya, makuasa ri wawo ngkuasa kamokole ntolino pai kamokole setu da ndawaika isema ntano anu ndapilisi, bara ri tau anu bereʼe kojenya ntano!’

DANIELI 7:25

Siʼa da mompau ewa i Pue Ala Anu Ndate ri Peawanya pai mangajeani waʼa ntau i mPue ala. Siʼa da mompari-mpari mawalisaka waʼa mpadika pai waʼa eo bangke agama waʼa ntau i mPue Ala, pai tau seʼe da napapeʼuru ri raya anu tatogo ntaʼu santongo kasaenya.

DANIELI 4:32

Siko da ndairi ungka ri oyo ntolino, pai da tuwu sangkani-ngkani pai pinatuwu ri pada. Ri raya anu papitu ntaʼu kasaenya siko da mangaande ewo ewa japi. Roo setu nepa da nuʼaku Kaʼi Pue Alanya Anu Ndate ri Peawanya anu makuasa ri wawo ngkamokole ntolino pai kamokole setu da ndawaika isema ntano anu ndapilisi.”

AYUBI 12:18

Ndapapenaʼu waʼa mokole ungka ri gadera mpoparentanya, nepa ndakeni mewali tawani.

1 RAJA-RAJA 4:29

Tongawa kojo i Pue Ala anu mawaika i Salomo kaloʼe ndaya pai kaloʼe mponawa-nawa anu mayombu kojo pai bereʼe kasiwianya.

Yakobus 1:5

Ane reʼe sambaʼa tau ri oyomi maepe kakura mpaincaninya, mbolimo naperapi ri Pue Ala, da ndapawaika siʼa kaloʼe ndaya, maka i Pue Ala pande mporaya, bareʼe da ndapepurungi da mawaika tau nunjaa anu naperapi.

Lukas 21:15

Yaku da mantotorakaka komi waʼa mpau pai kaloʼe ndaya setu; rantani bereʼe mau sambaʼa ri oyo iwalimi mangkoto maewa bara mancapu nunjaa anu nditoʼo.

Yakobus 1:17

Pura-pura anu madago pai puru ndaya anu gana-gana ungka ri suruga kamaʼinya, ndawai i mPue Ala anu mampapewali pura-pura anu merara ri yangi. Sira Pue Ala anu bareʼe da reʼe kabalinya, bareʼe sangkani da molimbayo pogumbalinya.

1 RAJA-RAJA 3:28

Padonge nto Isaraeli pobotusi i Mokole Salomo setu, naunde pai natubunaka ntau seʼe i Mokole Salomo. Maka inceʼemo sambaʼa katongawanya i Pue Ala mangawai kaloʼe ndaya painaka mayoa pobotusinya.

Posuwunya 31:3

pai mawaikamo siʼa kuasaku. Siʼa Kuwaika paratandaya, kaloʼe ndaya pai pangkoto mpengaya-ngaya tetala pande;

1 Korintus 1:30

I Pue Ala anu mampasambaʼa-mbaʼa komi pai i Kerisitu Yesu. I Kerisitu ndawaika kita, da naka Sira anu mampakaloʼe kita. Maka i Kerisitumo anu mampasimadago kita pai i Pue Ala. Pai mampapewali kita tau i mPue Ala. I Kerisitu woʼu anu mancorepaka kita.

DANIELI 2:9

da mangahuku komi pura-pura pai huku anu siwia-wia ane bareʼe ndikoto mantoʼoka yaku pangipiku setu ri yaku. Komi mogombo-gombo da mombamba mpaliu pai da mampolegaka yaku, maka ndipomata-mata da naka kuwalisaka pobotusiku. Mewali nditoʼomo pangipi setu, da kupaincani kakominya ndikoto woʼu mantotoraka peolanya.”

1 Tawarikh 22:12

Tuarapa i Pue Ala puemu da mangawaika siko kaloʼe ndaya pai pangaincani moparenta ri to Isaraeli silulu pai waʼa mpadikaa.

1 RAJA-RAJA 10:24

Pura-pura tau ri sambawo lino ri tempo setu mampari-mpari da momberata pai Salomo, maka da raya ntau seʼe medonge kaloʼe pompagurunya anu ndawai i mPue Ala ri siʼa.

Pangkita 19:16

Ri jubanya pai ri paʼanya lau teʼuki toʼo seʼi, “Datu ri waʼa datu, pai Pue ri waʼa ntua.”

DANIELI 11:6

Bara tesangkuja ntaʼu ungka njairia datu ntana selata da mampareʼe kasambaʼa-mbaʼa pai datu ntana utara pai da mampapolangkai ananya pai datu ntana utara setu. Paikanya kasambaʼa-mbaʼa setu bareʼe masae, pai ananya anu weʼa setu da ndapepate, ewanceʼe seʼe langkainya pai ananya pai waʼa ana mayununya anu mangawawamo siʼa.

1 Tawarikh 29:30

Ri raya ncura setu ndapau kono poparentanya, kakuasanya pai mpengaya-ngaya anu mewali ri woto ngkoronya, pai ri to Isaraeli pai waʼa mokole anu mantolilimi to Isaraeli.

Posuwunya 31:6

I Oholi an i Abisama ungka ri lemba i Daa, siʼa woʼu roo kupilisi da mangantulungi siʼa. Ewanceʼe seʼe roomo Kuwai kaloʼe anu gana-gana ri waʼa pande anu ntaninya, da napangkoto ntau seʼe mampowia nunjaa ntano anu kupokauka tau seʼe;

SETERI 1:13

Lawi napobiasamo i datu da mamperapi parata ndaya ri waʼa ntau loʼe kono songka pai ada. Inceʼe painaka napekitima waʼa ntopontotorakanya anu da maincani nunjaa anu da ndapowia ane reʼe kara-kara anu ewanceʼe taʼanya.

Roma 13:1

Pura-pura tau sangaya-ngaya da medonge ri topoparenta, maka bereʼe topoparenta anu bareʼe marata kuasa ungka ri Pue Ala. Pai waʼa ntopoparenta anu reʼe wawaseʼi, mampapelinja kuasanya ua songka ungka ri Pue Ala.

DANIELI 1:17

I Pue Ala mawai kaloʼe ndaya pai pangaincani ri tau mangura anu aopo setu ri mpengaya-ngaya kaloʼe. Ri Danieli banya podo inceʼe paikanya ndawai woʼu kaloʼe da mantotoraka pepatongawa pai pangipi.

DANIELI 2:20

naroʼo, “I Pue Ala loʼe pai maroso, taundemo Sira rantani masae-sae!

DANIELI 2:23

Boo, Pue Ala pue ntau piamoku, Komi kuunde pai kubangkei. Maka ndiawaika yaku loʼe pai roso, perapi mami ndibanganimo. Pai pesono anu da ndatoʼoka i datu roo ndituju.”

DANIELI 10:1

Ri taʼu katatogo poparenta i Datu Koresi ri Parasia sangaya patiendo ndapatongawa ri Danieli bara i Belitasari. Patiendo setu monco, paikanya mapari kojo da ndapangarata ndaya. Sindara pompari-mparinya da mangarata ndaya, i Danieli mantarima totoraka kono posoki mpatiendo setu mampoliu sambaʼa pepatongawa.

DANIELI 4:14

Morimbo oni nganganya mompau natoʼo, ‘Towomo puʼu ngkaju setu pai tandosimo waʼa raʼanya, rudusi waʼa iranya pai posebukamo waʼa wuanya. Irimo waʼa mpinatuwu anu moyuku-yuku ri lerunya pai waʼa ntonci anu mosea ri waʼa raʼanya.

DANIELI 4:22

Boo pueku, puekumo puʼu ngkaju anu malangkati pai maroso setu. Kabangke mpueku teranga-rangani sawi ri yangi pai kakuasa mpueku tebini rata ri tando lino.