DANIELI 2:2 - Sura Magali Nuntu Ngkatuwu

² Inceʼe painaka napeboo waʼa ntau loʼe mowati pai tau loʼe ri potonaa, topopakuli pai waʼa ntau anu reʼe pangaincani da mantotoraka peola mpangipia.

DANIELI 2:2 Referans Kwoze

DANIELI 1:20

Sangkani-sangkani i datu mawai pompeoasi anu da ndatotoraka pai da ndanawa-nawa, nakita totoraka pai parata ndaya ntau mangura aopo setu sampuyu ngkani peruu ngkadagonya ungka ri totoraka pai ponawa-nawa pura-pura topowati pai tau loʼe modoʼa-doʼa ri raya mpoparentanya.

DANIELI 4:6

Nepa kupeboo waʼa ntau loʼe anu reʼe ri Babeli da mangantotorakaka yaku peola mpangipi seʼe.

Posuwunya 7:11

Inceʼe painaka napeboo i datu waʼa ntaunya loʼe pai waʼa ntopowalia, nepa napowia ntau seʼe woʼu anu ewanceʼe ua kuasa mbalianya.

Pomulanya 41:8

Bangke reme mowuro-wuro bareʼe rodo raya i datu, inceʼe painaka napokau tau mampeboo pura-pura topowalia pai anu loʼe ri tana Masiri. Nepa napauka tau seʼe pangipinya, paikanya bereʼe mau sambaʼa anu mangkoto mantotoraka posokinya.

DANIELI 5:7

Mekiu siʼa, mamperapi da naka waʼa ntopotonaa, to poʼopo-opo, anu loʼe mampeole betuʼe ndapeboo. Ri karata ntau seʼe, natoʼo i datu, “Isema ntano anu mangkoto mangabasa uki setu pai mangantoʼoka yaku posokinya, da kuwaika siʼa rengko ngkamokole inceʼemo juba makodara pai enu wuyawa tanda ngkatetubunaka. Pai siʼa da kulanti mewali tau anu katatogo anu makuasa ri raya ngkamokoleku.”

DANIELI 2:10

Mesono woʼu waʼa ntau loʼe setu natoʼo, “Ri sambawo lino bereʼe mau sambaʼa tau anu mangangkoto da mangantoʼo nunjaa anu nditinako ndaya setu pue. Pai bareʼepa reʼe sambaʼa datu anu ewambeʼi kabangke pai peawanya, da mampesingaraka anu ewanceʼi taʼanya ungka ri waʼa ntopowati, waʼa ntau loʼe pai waʼa ntau anu maria pangaincaninya ri raya langkanaenya.

Yesaya 19:3

Yaku da mangaompo waʼa rencana Masiri pai da mampaka teloo raya ntau seʼe. Tau seʼe da merapi pompelae ungka ri waʼa lamoa, merapi totoraka pai patuju ri waʼa ntopowalia pai waʼa angga.

Yesaya 8:19

Paikanya waʼa ntau da mampokau komi mamperapi totoraka ungka ri waʼa ntopowalia anu da mojawa-jawa pai da monjumi-njumi. Waʼa ntau seʼe da mangantoʼo, “Ara banya kita seʼi sintinaja da merapi totoraka ungka ri waʼa angga ntau mate anu da napoyoweka ntau anu tuwu?”

SETERI 1:13

Lawi napobiasamo i datu da mamperapi parata ndaya ri waʼa ntau loʼe kono songka pai ada. Inceʼe painaka napekitima waʼa ntopontotorakanya anu da maincani nunjaa anu da ndapowia ane reʼe kara-kara anu ewanceʼe taʼanya.

DANIELI 1:4

Tau seʼe setu sangaya-ngaya da waʼa ntau mangura anu bereʼe posarinya. Tau seʼe sangaya-ngaya da madolidi, ndateka sikolanya, loʼe da gana-gana pangaincaninya pai singkana kojo da motetala ri raya langkanae. I Asipenasi sangaya-ngaya da mampaguru tau seʼe mobasa pai moʼuki basa Babeli.

DANIELI 2:27

Mesono i Danieli, “Pueku, bereʼe tau anu maria pangaincani, maria opo-opo, to pebolobiangi bara anu loʼe mampeole betuʼe anu mangkoto da mangantoʼoka komi kono inceʼe.

DANIELI 3:8

Reʼe bara tesangkuja to Babeli, mampake songka setu da mampakarugi toYahudi.

1 Samuel 6:2

napeboomo nto Pelisiti waʼa ntadu pamoa pai waʼa nto powalia, natoʼo ntau seʼe, “Ewambeʼi da tapangkuja Peti mPojanji i mPue setu? Ane da tapapewalili ewambeʼi jayanya?”

DANIELI 4:3

Maʼai ngkabangke tanda ngkuasa anu ndawianaka! Maʼai kojo ndapampojingki anu ndawianaka! Pue Ala anu mewali mokole rantani masae-sae. Sira makuasa rantani pusa lino.”