DANIELI 12:6 - Sura Magali Nuntu Ngkatuwu

⁶ Anu sambaʼa meoasi ri anu mekakore mosu mpodago ri petii ngkoronya natoʼo, “Impia temponya waʼa ngkatepewali anu ndapojingki seʼi da motando?”

DANIELI 12:6 Referans Kwoze

DANIELI 8:13

Ungka lairia kudonge sambaʼa malaeka mompau ri yununya natoʼo, “Sangkuja ngkasaepa pura-pura anu tongawa ri pepatongawa setu da tewianaka? Sangkuja ngkasae woʼu salaa bangke setu da mangancawani panyomba anu sandeme-sandeme? Sangkuja ngkasae woʼu surodado ncuruga pai Banua mPanyomba setu da ndaija-ijaki?”

YEHESIKIELI 9:2

Tingkarasaka mbuke aono tau ungka ri sambaliku baa-baa Utara Banua i mPue, sambaʼa-sambaʼa seʼe mangkeni parewa mpoʼiwali. Mesua tau seʼe mekakore mosu ri lampaʼani tambaga.

DANIELI 8:16

Kudonge oni nganga meboo ungka ri sambote Koro Ulai mantoʼo, “Jabaraeli, totorakamo siʼa posoki mpepatongawa setu.”

Pangkita 19:14

Waʼa surodado ncuruga melulu ri siʼa paka melamba ri nyara mabuya, pai mamporengko lena anu yonto ngkabuya.

Pangkita 15:6

Nepa malaʼeka papitu pai papitu pejeani setu mesuwu ungka ri raya Banua mPue Ala, rengko ntau seʼe ayapa mabuya anu kangkido-ngkido. Pai soʼo dada ntau seʼe wuyawa.

Pangkita 6:10

Meboo tau seʼe marimbo oni nganganya, “Boo Pue Anu Makuasa, anu Magali pai anu Monco! Sangkuja ngkasaenya nepa da ndibotusi huku ntolino pai da mahuku waʼa ntau anu mampepatemo kami?”

1 Petrus 1:12

Ndapapaincani i mPue Ala ri waʼa nabi setu kono waʼa anu napowia ntau seʼe banya da tilanya paikanya da tilami; inceʼemo kono anu yontomo ndipedongeka wawaseʼi ungka ri topompetumbu Nuntu ngKatuwu kono i Yesu Kerisitu. Inosa mPue Ala ungka ri suruga anu mawai kuasa ri tau seʼe da mampetumbuka komi. Sako waʼa malaʼeka da rayanya maincani nuntu anu napetumbu ntau seʼe setu.

Epesus 3:10

Pampokono mPue Ala, da naka wawaseʼi ndapobambarika mampoliu dompu, pura-pura anu mangkekeni kuasa ri raoa da mangaincani kayombu pai kaloʼe mPue Ala ri mpengaya-ngaya katedikanakanya.

Masmur 74:9

Waʼa nabi pai waʼa ntanda ngkuasa bareʼemo reʼe ndakita, pai bereʼe mau sambaʼa tau anu mangaincani sangkuja ngkasae da kaʼewanceʼinya.

Matius 24:3

Ungka lairia malai i Yesu ri Buyu ngKaju Lana, pai sindara Sira motunda-tunda njairia, jelamo waʼa anaguru-A mompasimbaju pai Sira. Natoʼo ntau seʼe, “Nditoʼoka kami impiamo da pewalinya pura-pura setu. Pai nunjaa waʼa petondoninya da kamaʼimi muni pai kapusa lino.”

Markus 13:4

Natoʼo ntau seʼe ri Sira, “Koisa nditoʼoka kami, impiamo da pewalinya pura-pura setu? Pai nunjaa waʼa mpetondoninya karatamo ntemponya?”

DANIELI 12:5

Ungka lairia kukita tuama radua. Anu sambaʼa mekakore ri wingke ngkoronya sambote seʼi, pai anu sambaʼa woʼu mekakore ri smbote njau.

DANIELI 12:8

Pura-pura anu natoʼo setu lawi paka kudonge, paikanya bareʼe kurata ndaya. Nepa kumeoasi kutoʼo, “Pue, ewambeʼi da potandonya pura-pura setu?”