DANIELI 12:4 - Sura Magali Nuntu Ngkatuwu

⁴ Nepa natoʼo woʼu malaeka setu ri yaku, “Danieli, seʼi-seʼi dampomo sura setu, pai patakamo segeli, da naka tedampo mpaliu rantani rata ri kapusa lino. Maria tau anu da mampebutuka mamparesa nunjaa anu ntongo tepewali. Paikanya pompari-mpari ntau seʼe setu podo da ngkabongo.”

DANIELI 12:4 Referans Kwoze

DANIELI 12:9

Mesono siʼa natoʼo, “Seʼi-seʼi palaimo, Danieli, maka waʼa mpau seʼi sangaya-ngaya da tesambunika pai da mewali rahasia rantani rata ri kapusa lino.

Pangkita 22:10

Nepa natoʼo woʼu, “Neʼemo nusambunika waʼa mpau mpowati ri raya ncura seʼi, maka mosumo tempo da pewalinya pura-pura seʼi.

DANIELI 8:26

Pepatongawa kono panyomba ngkinowia pai mowuro anu roo ndatotorakaka siko setu, monco-monco kojo da mewali. Paikanya pura-pura setu da tepewali ri tempo anu nepa da rata masaepa; mewali neʼe nupauka bara isema ntano.

DANIELI 8:17

Nepa mekakore i Jabaraeli ri suaraku mantimosuki yaku. Nakeni ngkaʼai ngkaeka ndayaku madungka yaku. Natoʼo i Jabaraeli ri yaku, “Tolino anu podo awu ntana, siko sangaya-ngaya da mangaincani kono pepatongawa setu inceʼe kono kapusa lino.”

Pangkita 10:4

Jabutu mowotu gundu papitu setu, da rayakumo maʼuki i nceʼe, paikanya reʼe oni nganga ungka ri suruga mantoʼo, “Neʼe nuʼuki inceʼi, nunjaa anu natoʼo gundu papitu seʼi neʼe nutoʼo-toʼoka tau pai neʼe nuʼuki!”

DANIELI 12:13

Siko Danieli, katodomo rantani rata ri kapusanya. Siko da mate, paikanya da membangu da mantarima saromu ri kapusa lino.”

Yesaya 32:3

Tau anu yosa matanya bareʼe da nadampo matanya, pai anu nakoto mampedongeka da naparindaya.

Yesaya 8:16

Komi, waʼa anaguruku sangaya-ngaya da mamporewu pai da mamparindaya waʼa ntotoraka anu ndawai i mPue Ala ri yaku.

Matius 24:14

Pai Nuntu ngKatuwu kono Poparenta i mPue Ala da ndapobambarika ri sambawo lino da naka pura-pura tau mangadonge. Roo setu nepa da kiama.”

Yesaya 11:9

Ri Sioni, Pongku ntana Magali mPue Ala, bareʼe da reʼe anu majaʼa bara da majaʼati. Sambawo ntana da buke pai pangaincani kono i Pue Ala, da ewa ue mabuketi tasi bangke.

DANIELI 11:40

Ane mosumo tempo ngkapusa ngkakuasa datu ntana utara, datu ntana selata da mangaungku siʼa. Nepa i datu ntana setu da mampesawaki popaungku setu ri gori ngkaʼainya. Siʼa da mangkeni kareta mpoʼiwali anu sondo, nyara pai kapala. Da mopaungku ewa porumuku ue mowo, pai da mampotundasi maria negara.

DANIELI 11:33

Tau anu loʼe mangawawanaka waʼa ntau sondo painaka maria tau anu marata ndaya. Paikanya bara ri sangkuja ntempo kasaenya, reʼe bara tesangkuja ri oyo ntau seʼe da ndapepate ua poʼiwali bara ua apu, pai bara tesangkuja da ndapamuru pai ndatawani.

Roma 10:18

Paikanya da kupeoasi: Ara monco kojo bareʼepa nadonge ntau seʼe bambari setu? Manoto nadongemo! Maka ndaʼuki ri Sura Magali ewaseʼi, “Oni nganga ntau tedonge sambawo lino, pai waʼa mpau ntau seʼe ratamo ri tando lino.”

DANIELI 10:1

Ri taʼu katatogo poparenta i Datu Koresi ri Parasia sangaya patiendo ndapatongawa ri Danieli bara i Belitasari. Patiendo setu monco, paikanya mapari kojo da ndapangarata ndaya. Sindara pompari-mparinya da mangarata ndaya, i Danieli mantarima totoraka kono posoki mpatiendo setu mampoliu sambaʼa pepatongawa.

Yesaya 30:26

Wuya da merara ewa reme, pai reme da merara pitu ngkani kaʼai ngkaramedanya ewa anu wungkandeme, ewa rara ndeme anu papitu eo anu ndapasambaka mewali sambaʼa-mbaʼa. Pura-pura setu da mewali ri tempo i Pue mampakulisi wela waʼa ntau-A anu roo ndaboembi.

Pangkita 5:1

Nepa kukita ri pale ntau anu motunda ri gadera mpoparenta setu reʼe sambaʼa sura anu ndakoyuyu. Sura setu ndaʼuki mpotimali-mali. Yuyu ncura setu ndapijaka segeli papitu.

Yesaya 29:11

Posoki sangaya-sangaya pepatongawa setu da tesambuni ri komi ewa sura anu mainti ndapampija. Ane ndikeni sura setu ri tau anu maincani mabasa da naka nabasaka komi, da natoʼoka komi bareʼe naleʼo mabasa maka sura setu mainti ndapampija.

Yeremia 5:1

Ee bangani Yerusale, waʼa jaya ri raya ngkotamu! Pepalimo ri mbeʼi-mbeʼi pai da nupangkitamo ngkaliomu. Paresamo ri tana lapa ngkota bara da reʼe sambaʼa tau anu mayoa rayanya anu mompari-mpari todo ri Pue Ala. Ane reʼe ndirata. Ane reʼe ndirata, bareʼemo da ndakitanaka i mPue salaa Yerusale.

DANIELI 10:14

Yaku rata da mawaika siko parata ndaya kono nunjaa anu da mewali raneonya ri bancamu. Pepatongawa seʼi kono reme anu nepa da rata.”

DANIELI 12:5

Ungka lairia kukita tuama radua. Anu sambaʼa mekakore ri wingke ngkoronya sambote seʼi, pai anu sambaʼa woʼu mekakore ri smbote njau.

DANIELI 8:19

“Yaku da mangantoʼoka siko nunjaa anu da mewali ri purinya ua karau ndaya i mPue Ala. Maka pepatongawa anu nukita setu inceʼe mantuju kapusa lino.