DANIELI 12:10 - Sura Magali Nuntu Ngkatuwu

¹⁰ Maria tau anu da ndaʼuji pai da ndapakagali. Tau seʼe anu majaʼa bareʼe da rata ndaya, da napowia mpaliu jaʼa; podo tau seʼe anu loʼe anu da marata ndaya.

DANIELI 12:10 Referans Kwoze

Pangkita 22:11

Tau anu majaʼa, mbolimo napampowia mpaliu jaʼa; tau anu karika mbolimo napampakarikamo mpaliu koronya; tau anu malulu pepokono i mPue Ala, pai tau anu tuwu mampatani koronya tila i mPue Ala, mbolimo naka tuwu mpaliu tepatani tila i mPue Ala.”

DANIELI 11:35

Santila ungka ri waʼa ntadulako anu loʼe setu ndapepate. paikanya inceʼe mewali sambaʼa popaʼuji ri tau seʼe, da naka magali tau seʼe. Inceʼe da tepewali mpaliu rantani rata ri kapusa lino, inceʼemo tempo anu roo ndapakanoto i mPue Ala.

Hosea 14:9

To Isaraeli da mantajika waʼa nturuki lamoanya; tau seʼe da Kuporewu pai da Kupedongeka pekakainya. Ewa puʼu ngkaju anu bareʼe bali-bali karombo iranya, Yaku da mangampayuni tau seʼe Yakumo puʼu mpengaya-ngaya popadonco tila ntau seʼe. Yaku, Pue, anu mantoʼomo seʼi.”

Yohanes 8:47

Tau anu ungka ri Pue Ala, siʼa mampedongeka Nuntu i mPue Ala. Paikanya komi banya ungka ri Pue Ala, inceʼe puʼunya painaka bareʼe ndipokono mampedongeka.”

1 Yohanes 5:20

Taincani Ana mPue ratamo ri lino mawaika kita parata ndaya da naka taincani i Pue Ala anu monco. Kita tuwu ri kasambaʼa-mbaʼa pai Pue Ala anu monco pai tuwu ri raya ngkasambaʼa-mbaʼa pai Ana-A i Yesu Kerisitu. Inceʼemo Pue Ala anu monco. Pai inceʼimo katuwu anu monco pai bareʼe da reʼe kapusanya.

Yohanes 7:17

Tau anu mampokono malulu pepokono i mPue Ala, da narata ndaya pompaguru-Ku bara ungka ri Pue Ala puʼunya bara podo ungka ri Yaku ngkalio-Ku.

Lukas 24:25

Nepa ndatoʼo i Yesu ri tau seʼe, “Komi lawi tengo! Malengi gaga komi da mampoaya monco pura-pura anu roomo natoʼo waʼa nabi!

Sakharia 13:9

Jamo sampotila tatogonya anu da lapa. Tau seʼe setu da Kupakagali ewa salaka anu ndapakalino pai apu. Tau seʼe da Kuʼuji ewa tau tau maʼiji wuyawa. Nepa tau seʼe da mekakai ri Yaku, pai Yaku da mampedongeka tau seʼe. Yaku da mangantoʼoka tau seʼe, katau seʼenya waʼa ntauku, pai tau seʼe woʼu da mangaʼaku ka-Yakunya Pue Ala pue ntau seʼe.”

Pangkita 3:18

Inceʼe painaka Kupatujuki komi da naka ndioli wuyawa ungka ri Yaku, inceʼemo wuyawa anu magali da naka koreʼe komi. Da ndioli woʼu rengko mabuya ungka ri Yaku da naka morengko komi da mangkaʼuwi pelambe-lambemi anu mepakaea. Da ndioli woʼu pakuli mata da ndigereka matami da naka yosa peolemi.

PATADA 1:5

Waʼa mpatada seʼi marangani kaloʼe ntau anu lawi loʼemo pai mamponinika tau anu gana pegurunya.

1 Petrus 1:7

Anu ndatinako ndaya da naka tongawa peaya ndayami bara meaya kojo ri Pue bara bareʼe. Meruu olinya pai wuyawa anu da paya pai ndaʼuji ri apu. Peaya ndayami bangke peruu olinya ungka ri wuyawa, mewali da ndaʼuji da naka maroso. Ane ewanceʼe komi da ndaunde pai ndatubunaka pai da ndabangkei ri eo ngkarata muni i Yesu Kerisitu.

DANIELI 11:33

Tau anu loʼe mangawawanaka waʼa ntau sondo painaka maria tau anu marata ndaya. Paikanya bara ri sangkuja ntempo kasaenya, reʼe bara tesangkuja ri oyo ntau seʼe da ndapepate ua poʼiwali bara ua apu, pai bara tesangkuja da ndapamuru pai ndatawani.

YEHESIKIELI 47:11

Paikanya ri waʼa laro pai waʼa limbo ri santuntu wiwi ntasi setu bareʼe bali kamaburenya, paikanya da mewali pesuwu-suwu bure.

Pangkita 19:14

Waʼa surodado ncuruga melulu ri siʼa paka melamba ri nyara mabuya, pai mamporengko lena anu yonto ngkabuya.

Pangkita 19:8

Rengko lena anu makilaya roomo ndawaika siʼa da naporengko.” (Rengko lena setu inceʼemo waʼa mpowia anu madago anu nawianaka waʼa ntau i mPue Ala.)

Pangkita 16:11

Nepa napepepara ntau seʼe i Pue Ala anu ri suruga ua kapari mpemotosinya waʼa bisu ntau seʼe. Paikanya bareʼepa woʼu majea tau seʼe ungka ri waʼa mpowianya anu majaʼa.

1 Petrus 1:22

Ua katodo ri pompaguru ungka ri Pue Ala, komi mampakagali koromi pai komi da mampotowe kasiyunumi ri kabuya ndayami. Inceʼe painaka komi da mombepotowe sambaʼa pai sambaʼa ri gori-gori mponawa-nawami.

Ibrani 12:10

Waʼa ntau tuʼata ri lino mampaguru kita ri tempo anu podo saraija, malulu nunjaa anu naepe ntau madago. Paikanya i Pue Ala mampatada kita kono anu da tapomadago ngkaliota, da naka kita magali sangkani-ngkani pai Sira.

Titus 2:14

Sira anu roo mampepasolayaka koro-A ua kita da mancorepaka kita ungka ri waʼa ngkajaʼa, pai kita ndapapewali tau-A anu magali, pai Sira tumpunya pai anu madoyo mawianaka anu madago.

2 Korintus 7:1

Waʼa ngkasangkompo anu kupotowe! Pura-pura janji setu ndapareʼe da tilata. Inceʼe puʼunya painaka da tapakagali korota pai rayata ungka ri ri mpengaya-ngaya anu mampaka karika kita. Da tapokaeka i Pue Ala, da tapangkoto tuwu tepatani pai Sira ri katimamanya.

1 Korintus 6:11

Reʼe bara tesangkuja tau ri oyomi, anu iʼowi ewanceʼe poʼengkonya. Paikanya wawaseʼi komi roomo ndapakagali ungka ri salaa. Komi mewalimo tau i mPue Ala anu ndapatani. Komi simadagomo pai Pue Ala, ua peayami ri Yesu Kerisitu pai ua roso ngkuasa Inosa ungka ri Pue Ala pueta.

Yohanes 18:37

Meoasi i Pilatu ri Sira natoʼo, “Ane ewanceʼe Siko mokole?” Mesono i Yesu ndatoʼo, “Komi mantoʼo Yaku seʼi mokole. Pampoana Yaku rata ri lino mantinako ndaya da mangasabi kamonco. Waʼa ntau anu tuwu ri kamonco da mampedongeka Yaku.”

Markus 4:11

Ndatoʼo i Yesu ri tau seʼe, “Komi roomo ndawaika kaloʼe da maincani rahasia kono kaʼ ewambeʼinya Poparenta i mPue Ala. Paikanya waʼa ntau ntaninya ndapaguru ri nuntu mporapa,

DANIELI 12:3

Waʼa ntadulako anu loʼe da merara ewa kareme ri yangi. Pai tau seʼe da mampagurumo sondo tau da mangawianaka nunjaa anu monco pai mayoa, da merara ewa betuʼe ri yangi rantani masae-sae.”

YEHESIKIELI 36:25

Roo setu komi da kuwebusika ue anu malino, da naka magali komi ungka ri salami pai ungka mpengaya-ngaya lamoami pai ungka ri mpengaya-ngaya anu mampakakarikamo komi.

Yesaya 1:18

Ndatoʼo i mPue, “Maʼi tamparoo kara-kara seʼi. Mau rapanya komi mawaa ewa polimbi ua waʼa ncalaami, komi da kubusu naka buya magali ewa bagi. Mau rapanya waʼa ncalaami sondo pai manee, bareʼemo da kupepalisi pura-pura.

Masmur 107:43

Tuarapa tau anu loʼe manawa-nawa pura-pura setu pai mangaʼaku i Pue todo mepotowe.

Masmur 51:7

Kamonconya yaku lawi tau majaʼa ungka ri pampoana, pai lawi masalaa ungka ri kompo ineku.

1 Samuel 24:13

Mbolimo i Pue mabotusi kita radua isema anu masalaa! Mbolimo i Pue da mampesawaki powiami ri yaku Mokole, paikanya mau sakodi, bareʼe dakuwelai komi Mokole.

MALEAKI 3:3

Sira da mangabotusi, ewa tau mapakagali pai mampakalino salaka. Ewa sambaʼa pande wuyawa pai salaka, ewanceʼe pomokau i mPue da mampakalino waʼa ntadu mpanyomba, da naka tau seʼe mampanyombaka waʼa mpanyomba ri pawianaka anu ndapokono i mPue.