DANIELI 11:9 - Sura Magali Nuntu Ngkatuwu

⁹ Ungka lairia datu ntana utara da mangaungku tana selata, paikanya siʼa tetumba pai da mewalili ri tananya ngkalionya.

DANIELI 11:9 Referans Kwoze

DANIELI 11:5

Datu ntana ri selata da mewali maroso. Paikanya sambaʼa ungka ri oyo waʼa ntadulako ncurodadonya, da meruu ngkarosonya, painaka siʼa, da mamparenta kamokole anu meruu woʼu kabangkenya.

DANIELI 11:8

Ri pewalilinya ri tana Masiri, siʼa da mangangkeni turuki lamoa iwalinya pai waʼa aga-aga wuyawa pai salaka anu roo ndapanyombaka ri lamoa setu. Reʼe bara tesangkuja ntaʼu kasaenya siʼa bareʼe mampoʼiwalika datu ntana utara.

DANIELI 11:10

Ungka lairia waʼa ana tuama datu ntana utara mompatikali da moʼiwali, napasingkanduru surodado anu sondo kojo. Sambaʼa ungka ri oyo ntau seʼe setu da njoʼu mopaungku ewa porumuku ue mowo. Ri popaungku anu karadua ngkaninya siʼa da maungku bente iwali.

DANIELI 11:11

Inceʼe painaka masengkemo datu ntana selata, painaka njoʼu siʼa ri kareʼe mpombetoto maewa datu ntana utara. Siʼa da naleʼo manangi surodado anu sondo anu nawawanaka datu ntana utara.

Sakharia 6:6

Kareta mpoʼiwali anu nanoʼo nyara maeta da njoʼu ri Babeli utara. Nyara buya da njoʼu ri kasoyoa pai nyara loba da njoʼu ri negara selata.”

Pangkita 17:14

Tau seʼe da moʼiwali maewa i Ana Bimba setu. Paikanya i Ana Bimba setu pai waʼa anagurunya anu todo anu roomo napeboo pai napilisi setu da manganangi waʼa datu setu, maka Siramo Pue nu waʼa mpue, pai Datu nu waʼa datu.”