DANIELI 11:7 - Sura Magali Nuntu Ngkatuwu

⁷ Bareʼe masae ungka njairia, sambaʼa tau anu mokasangkompo pai ana datu anu weʼa setu da mewali datu. Siʼa da mangaungku surodado datu ntana utara, maungku bentenya pai manganangi.

DANIELI 11:7 Referans Kwoze

Lukas 12:20

Paikanya ndatoʼo i mPue Ala ri siʼa, ‘Ee tau tengo! Sambengi seʼi seʼe da kutimamo inosamu, mewali isemamo anu da mampotumpu pura-pura waʼa aga-aga anu roo nupasambaka da galamu setu?’

MALEAKI 4:1

Ndatoʼo i mPue Anu Makuasa, “Da rata eonya pura-pura anu mobangke-bangke pai majaʼa da ndapanowa ewa deami. Ri eo setu seʼe da ndapanowa rantani pura, bereʼe mau sambaʼa tau yabinya.

YEHESIKIELI 17:18

Ua siʼa malewamo potando koronya pai pojanjinya, bareʼe da naleʼo lapa.

Yeremia 12:2

Ndipomuya tau seʼe ewa waʼa mpinamuya, nepa mokale tau seʼe, tuwu pai mowua. Bareʼe bali-bali napampau ntau seʼe anu madago kono Komi, ntanoka ri raya ntau seʼe kamonconya bareʼe maaya Komi.

Yesaya 11:1

Muli i Mokole Daudi ewa puʼu ngkaju anu roomo ndatowo. Paikanya mau ewanceʼe ungka ri tuʼanya tuwu wayonya anu dawoʼu, ewanceʼe seʼe ungka ri muli i Daudi da mebete sambaʼa mokole.

Yesaya 9:14

Woʼonya inceʼemo waʼa ntau tuʼa pai tau ndatubunaka, ikunya inceʼe waʼa nabi anu mampaguru anu mampakalingu.

Masmur 109:8

Mbolimo katuwunya da ronga motando, pai lantinya da natima ntau ntaninya.

Masmur 55:23

Nditambusakamo kaʼipu-ipu ndayami ri Pue, Sira anu mangasungko siko; maka ntau anu mayoa bareʼe ndapapaliuka da panangi.

AYUBI 14:7

Ntongo reʼepa pampomata-mata ane puʼu ngkaju ndatowo, maka ntongo da mowayopa pai da moraʼa.

DANIELI 11:6

Bara tesangkuja ntaʼu ungka njairia datu ntana selata da mampareʼe kasambaʼa-mbaʼa pai datu ntana utara pai da mampapolangkai ananya pai datu ntana utara setu. Paikanya kasambaʼa-mbaʼa setu bareʼe masae, pai ananya anu weʼa setu da ndapepate, ewanceʼe seʼe langkainya pai ananya pai waʼa ana mayununya anu mangawawamo siʼa.

DANIELI 11:40

Ane mosumo tempo ngkapusa ngkakuasa datu ntana utara, datu ntana selata da mangaungku siʼa. Nepa i datu ntana setu da mampesawaki popaungku setu ri gori ngkaʼainya. Siʼa da mangkeni kareta mpoʼiwali anu sondo, nyara pai kapala. Da mopaungku ewa porumuku ue mowo, pai da mampotundasi maria negara.