DANIELI 11:6 - Sura Magali Nuntu Ngkatuwu

⁶ Bara tesangkuja ntaʼu ungka njairia datu ntana selata da mampareʼe kasambaʼa-mbaʼa pai datu ntana utara pai da mampapolangkai ananya pai datu ntana utara setu. Paikanya kasambaʼa-mbaʼa setu bareʼe masae, pai ananya anu weʼa setu da ndapepate, ewanceʼe seʼe langkainya pai ananya pai waʼa ana mayununya anu mangawawamo siʼa.

DANIELI 11:6 Referans Kwoze

DANIELI 11:13

Da karadua ngkaninyamo datu ntana utara mampasingkanduru surodado anu sondo, pai meruu ngkasondo woʼu painaka anu kaʼisa. Ane ratamo ri temponya, siʼa da moiwo woʼu njoʼu moʼiwali mampoyunu surodadonya anu sondo pai waʼa mparewanya anu sondo kojo.

DANIELI 11:40

Ane mosumo tempo ngkapusa ngkakuasa datu ntana utara, datu ntana selata da mangaungku siʼa. Nepa i datu ntana setu da mampesawaki popaungku setu ri gori ngkaʼainya. Siʼa da mangkeni kareta mpoʼiwali anu sondo, nyara pai kapala. Da mopaungku ewa porumuku ue mowo, pai da mampotundasi maria negara.

DANIELI 11:15

Ungka lairia datu ntana utara da mangaungku pai da mangarampa sambaʼa kota anu ndabente. Surodado ntana selata bareʼe da nakoto meewa, pai waʼa ncurodado anu napilisi seʼe bareʼe da nakoto mampareʼe peewa.

DANIELI 11:7

Bareʼe masae ungka njairia, sambaʼa tau anu mokasangkompo pai ana datu anu weʼa setu da mewali datu. Siʼa da mangaungku surodado datu ntana utara, maungku bentenya pai manganangi.

Sakharia 11:16

Maka Yaku da mampokau sambaʼa topongkambi da mangajaga dompu bimba-Ku, paikanya bareʼe nalinga mampepali bimba-Ku anu tetaji; siʼa bareʼe mampepali anu lingu, pai bareʼe da mampakulisi anu mawela, pai bareʼe mampakoni bimba anu tuwupa. Sawanya da napasilolongani jasiʼa yau anu mangangkoni sanga bimba anu maboko pai mangasungka waʼa ngkayupa mpinatuwu setu.

YEHESIKIELI 30:21

“Ee tolino anu podo awu ntana, roomo kupuʼasi takie i datu Masiri, pai bereʼe anu mawewesi palenya setu bara mangaonju da naka osa painaka da maroso muni mangkekeni penai.

Masmur 10:5

Tau majaʼa morasi ri mpengaya-ngaya anu napowia, bareʼe naincani pai bareʼe narata ndaya padika i mPue pai napesaru-saru pura-pura iwalinya.

AYUBI 38:15

Rara ndeme yosa mpodago ri tau anu bereʼe puenya, maka inceʼe anu mantaʼamaka tau seʼe da mowia anu majaʼa.