DANIELI 11:4 - Sura Magali Nuntu Ngkatuwu

⁴ Paikanya ri tando-tando ngkatebambarinya, kamokolenya da tewuraga pai da tetila-tila mewali aopo ntila. Waʼa mokole anu banya mulinya da moparenta mancawani siʼa, pai tau seʼe banyamo ewa karosonya.

DANIELI 11:4 Referans Kwoze

DANIELI 8:22

Tondu aopo anu tuwu ri kapuʼamo ntondu anu kaʼisa, posokinya komokole Yunani da tebureka mewali aopo kamokole, paikanya bareʼemo reʼe mau sambaʼa ri oyonya anu da ewa karoso ngkamokole anu uyu-uyunya setu.

DANIELI 8:8

Mbula laki setu kakobangke-bangke. Paikanya jabutu sawimo ri ungka ngkakuasanya, mapuʼamo tondunya anu bangke setu, nepa ri wakanya setu tuwu aopo tondu anu marate, sambaʼa-sambaʼa seʼe moara ntaninya.

Yeremia 12:17

Paikanya banca anu bareʼe napokono melulu ri Yaku, da kuwuka ewa pinamuya pai kuʼopisaka. Yaku Pue, anu mompaumo seʼi.”

DANIELI 7:8

Sindara yaku mampepeoleka waʼa ntondunya, tingkarasaka tuwu sambaʼa tondu anu ntaninya ri oyo waʼa ntondu setu. Tondu setu kodi-kodi paikanya nakoto mangaigi waʼa ntondu anu riunya painaka tatogo tondu setu marabu. Tondu anu kodi setu mampotumpu mata ewa mata ntolino pai nguju anu sondo paunya mobangke-bangke.

Yeremia 18:7

Ane ri anu santempo kupakanoto mantarangkaku, maruasi pai mangalesaki sambaʼa banca bara lemba,

Yeremia 12:15

Paikanya ane roomo mampapesuwu tau seʼe, nepa da kupokapuru muni tau seʼe; sambaʼa-sambaʼa banca da kukeni mewalili ri tananya ngkalionya.

Lukas 12:20

Paikanya ndatoʼo i mPue Ala ri siʼa, ‘Ee tau tengo! Sambengi seʼi seʼe da kutimamo inosamu, mewali isemamo anu da mampotumpu pura-pura waʼa aga-aga anu roo nupasambaka da galamu setu?’

Matius 12:25

Ndaincani i Yesu nawa-nawa nto Parisi anu ewanceʼe pai ndapantoʼo, “Ane reʼe sambaʼa negara tebureka, pai sadompu-sadompu, seʼe mombeewa, negara setu bareʼe da tumotoa, ewanceʼe seʼe ane reʼe lipu bara banua anu taunya bareʼe simadago, sangaya-ngaya da magero.

DANIELI 7:6

Ntongo kumangaole-oleka inceʼe, mesuwumo pinatuwu anu ntaninya. Taʼanya ewa Harimau loba, paikanya ri wutongonya njau aopo pani ntonci, pai siʼa aopo woʼonya. Tongawa siʼa reʼe kuasanya.

Yeremia 45:4

Ee Baruki! Yaku, Pue, ntongo mparuasi anu roo kuwangu, pai mangawukasi anu roo kupomuya. Sambawo lino kupowia ewanceʼe.

Yeremia 31:40

Samalele yombo setu, anu kareʼe mpopadayo pai pantajika nyoo, pai pura-pura kareʼe mpobonde ri wingke ngKidero rata ri Baa-baa Nyara tondo ri pebetea, anu ndapatani tila-Ku. Kota Yerusale bareʼemo da ndaruasi bara ndagero.”

TOPOTUNTU 4:8

Reʼe tau anu tuwu ngkangkalionya bereʼe ananya bara kasangkomponya. Paikanya mau ewanceʼe siʼa mompari-mpari mpaliu motetala manee, pai bereʼe kaʼosa ndayanya mangkita aga-aganya. Ara da tila incemamo titi ininya pai bareʼe napokono mampakawongko rayanya? Incetu seʼe podo ngkabongo, sangaya katedikanaka ngkatuwu anu mapari.

Masmur 39:6

Ara edesa tinuwu anu ndiwaikaku! Kasae ngkatuwu bereʼe yowenya ri Komi. Monco kojo, tolino podo ewa pawuisaka inosa,

Pangkita 7:1

Roo setu kukita reʼe malaʼeka aopo mekakore ri aopo nculapa lino seʼi. Pekakore ntau seʼe maompo ngoyu naka neʼe mewui ri karatana, ri tasi bara mawui puʼu ngkaju.

Yeremia 49:36

Yaku da mampapewui ngoyu njoʼu ri Elami ungka ri pura-pura mata ngoyu, pai da mampakatewuraga waʼa ntau banganinya ri mbeʼi-mbeʼi, painaka bereʼe suontana anu bareʼe da nakarata waʼa ntau telale ungka ri Elami.

YEHESIKIELI 37:9

I Pue Ala mompau ri yaku ndatoʼo, “Ee tolino anu podo awu ntana, pompaukamo ngoyu. Da nutoʼoka, Yaku, i Pue Anu Ndate ri Peawanya mancongka siʼa da naka mewui ungka ri pura-pura mata ngoyu kamaʼinya, da mampetawuisika inosa ri waʼa wata ngkoro anu mate setu da naka wali ngkatuwu muni.”

Sakharia 2:6

Ndatoʼo i mPue ri waʼa ntaua, “Yaku mawuraga komi ri mbeʼi-mbeʼi. Paikanya seʼi-seʼi ee waʼa ntau ndatawani, ndipoloncomo ungka ri Babeli ndipewalilimo ri Yerusale.

Sakharia 6:5

Mesono sira ndatoʼo, “Tau seʼe da njoʼu ri aopo payompo yangi, ane roomo njoʼu mancuara i Pue tumpu ntana pai yangi.